Genesis 19:34 - Labrador Inuttitut Heritage Bible

³⁴ Uvlângolermat, angajukleᴋ nukaminut oᴋarpoᴋ: Takuit, ikpaksaᴋ atâtaga tutilauᴋpara. Unnuaᴋ amma vainemik imertilaulavuk, igvit tagva aiviginiarpat tutiklugolo, kinguvâksarserᴋovlunuk atâtaptingnit.

Genesis 19:34 Iomraidhean Croise

Genesis 19:33

Tagva atâtatik vainemik imertipâk unnuaᴋ tâmna. Angajukliublo atâtane aivigivâ tutiklugolo; tâmnalo inarninganiglônêt makininganiglônêt missigilungilaᴋ.

Genesis 19:35

Tagva unnuaᴋ amma atâtatik vainemik imertipâk, nukardliublo tutigijartorpâ; tâmnalo inarninganiglônêt makininganiglônêt missigilungilaᴋ.

Jesaiase 3:9

Kênangita passivait idluitullinitiglo nallonaijarpait Sodomamiutitut angiarinagit. Kappianarmêk tarningit, piungitomik pititsingmatta ingmingnut.

Jeremia 3:3

Tamanna pivlugo silaluk operngâme noᴋᴋarᴋojauvoᴋ, silaluglo kingorliojoᴋ tikiᴋojaungilaᴋ; igville ᴋauᴋarpotit assiniarpaktûb ᴋaungatut, kangusugungnangilatillo.

Jeremia 5:3

Nâlagaᴋ, ijîkik takonâlungilâk mikseᴋârnermîk? Annaulauᴋpatit, kiksartitaulungilalle; siorniortilauᴋpatit, âᴋiktaujomalungilalle; kênatik sittinersautilauᴋpait ᴋairtomit, uteromangilallo.

Jeremia 6:15

Kangusulaukât piungitulisimatilugît? Aukak, kangusulaungimarikput ketamiglônêt, auppalerungnangilallônêt; taimaimat pâlaᴋataujuksauvut pâlaktut ilagivlugit; nalipsarupkillo oggotitaujomârput, Nâlagaᴋ oᴋarpoᴋ.

Jeremia 8:12

Kangusulauᴋât piungitulilauramîk? Aukak, kangusulaungimarikput ketamiglônêt, auppalerungnangilallônêt; taimaimat pâlaᴋataujuksauvut pâlaktut ilagivlugit; nalipsarupkillo oggotitaujomârput, Nâlagaᴋ oᴋarpoᴋ.