Genesis 19:24 - Labrador Inuttitut Heritage Bible

²⁴ Tagva Nâlegaᴋ orᴋsorumik ikomamiglo sillalurᴋojivoᴋ Sodomamut Gomorramullo ᴋilangmit Nâlekamit.

Genesis 19:24 Iomraidhean Croise

Genesis 13:10

Lotiblo ârlorlune Jordanib erᴋâ ilûnât ullernaigivâ, ilûnâne imilik (Sodomalo Gomorralo asserortaulerᴋârtinagik Nâlekamut) sorlo Nâlekab perorsêvinga, sorlo Egiptene, Zoare tikkidlugo.

Genesis 13:12

Abra nunaᴋarpoᴋ nuname Kânaaneme, Lotelo nunaᴋarpoᴋ iglugasangne (Jordanib) erᴋâne, tuppertiᴋattarlune Sodoma tikkidlugo.

Genesis 18:17

Tagva Nâlegaᴋ oᴋarpoᴋ: Abrahamut piniaromârtamnik angigutjijuksaugalloarᴋêk;

Genesis 19:23

Lotelo Zoaremut tikkisimangmat, seᴋineᴋ nuilerpoᴋ.

Hiobe 1:16

Tâmna oᴋartillugo sulle, ôma assia tikkipok oᴋarlunelo: Gûdib ikkomanga ᴋattalaukpok ᴋillangmit, ikkipaillo saugat kivgallo, nerrilaitalo, uvangalo ᴋemâjotôvunga oᴋautigilugo illingnut perᴋovlunga.

Hiobe 18:15

Iglunga iglugijauniarpok, amiakoᴋalungimat sunamik tâpsomangat; innigijangalo katterarvioniarpok orksorumik.

Imgerut 11:6

Sillaluᴋojijomârpok Gûdeᴋangitunnut ᴋaumalangnik; ikkoma, orksoruglo, annorelo ônadlartok, ermgusiangeta piksarivait.

Exodus 9:23

Mosesiblo ajaupiaᴋotine isautingmago ᴋilangmut, tagva Nâlegak kallertitsivlunelo nattarᴋonartitsivok, ikomalo katakpok nunamut. Taimâk Nâlegak nattarᴋonâlungnik silaluktitsivok Egiptenib nunanganut.

Jesaiase 1:9

Kilangmiugasaksuit Nâlegangata ikkitunik amiakoᴋartingipattigulle, Sodomatut-inajarpogut Gomorratullo illinganajarpogut.

Jesaiase 13:19

Bâbelelo ânanaunerpâᴋ attaniovingnit tamainit, Kaldêarit nertûtigijangat, pinarnarnerpâᴋ illingajomârpoᴋ Sodomatut Gomorratullo Gûdib mumiktâktitut.

Jesaiase 30:33

Ikkoalaviksoaᴋ itsaᴋsoarnit pijarêrsimavoᴋ, attanermuttauᴋ pijarêrsimavoᴋ, ittijôvlune nerrotovlunelo; ikkoalaviksoarlo ikkomaᴋarpoᴋ ikkomaksaᴋarlunelo amigangitunik. Nâlekab anerningata ikkitsomârpait, orᴋsorutitut kôktotut illingavlune.

Jeremia 20:16

Inuk tâmna ilingale iglugasaksoatitut Nâlakab asserortangititut takopsoagilaungitangititut; tusarle ᴋuggudlarnermik uvlâkut, ᴋangêsarinermiglo uvlub ᴋeterarningane;

Jeremia 23:14

Maᴋojungnartomiglo takosimagivunga nalautaijune Jerusaleme; assiniarput, arvertarpullo saglonerme, idluitulijullo aggangit pitsartutipait, sâgiartoᴋarᴋonago idluitulinerminit; uvamnut ilûnatik Sodomatut iput, inungillo Gomorratut iput.

Jeremia 49:18

Taimailingalârpoᴋ sorlo Sodometut Gomorratullo iglugasaksoatitullo tâpkoa erᴋângnêtutitut oggotitauningine, oᴋarpoᴋ Nâlagaᴋ, inungmik nunaᴋartoᴋaromâtsangilaᴋ tagvane, inuillo erningita naliaᴋ tagvane angerarveᴋaromâtsangilaᴋ.

Jeremia 50:40

Sorlo ilingalaungmat taipsomane Gudib Sodome Gomorralo iglugasaksuillo tâpkoa sanilingit oggotilaungmagit, oᴋarpoᴋ Nâlagaᴋ; taimaktauᴋ tagvane inungmik nunaᴋartoᴋartuksaungilaᴋ, inublo erningata atausiublônêt angerarviginiatsangilât.

Jeremiab Ogguarutigijangit 4:6

Inuᴋotima paningata idluituliningata pidlartauninga anginersaungmat Sôdômab idluituliningata pidlartauninganit, tâmna tagvainârtomik asserortaulaungmat, aggangnulle annaujaungilak.

Hosea 11:8

Kanorle sapkojungnarpagît, Efraim? Kanoᴋ piulijungnarpagît, Israêlê? Kanoᴋ ilingatitsungnarpagît Admatût? Kanoᴋ pititsungnarpagît Zeboimetût? Omatiga mumikpoᴋ ilumne, ilapsugosungnikka atautsikut ikoâladlartotut ilingavut.

Amos 4:11

Akunapsingne oggotitsivunga, sorlo taipsomane Gudib Sodom Gomorralo oggotingmagit, ilipselo ilingavose sorlo aumatut ikomamit pêjartaumajotut; sullele utilungilase uvamnut, oᴋarpok Nâlegak.

Sefania 2:9

Tamanna pivlugo, sorlo mikseᴋârtomik inôgama, oᴋarpok Nâlegak Zebaot Israêlib Gûdinga, Moabe Sodomatut ituksauvok, Ammoniblo ᴋitorngangit Gomorratut, perornerlukut ôtsiutit, itersallo tarrioktalît, sunaᴋajuitûblo pigilârpait; inuᴋotima amiakungita asserolârpait, inôᴋatigêksoaᴋotimalo amiakungita kingormgutilârpait.

Lukase 10:12

Oᴋaupapse: Sodomamiut uvlut naggatiksangane pitlartaunikinersaujomârput iglugasaksoarnit taimaitunit.

Deuteronomy 28:24

Nâlekab nunavît silaluksanga argjangortitsomârpâ saningortilugolo; ᴋilangmit katararomârpok ilingnut asserortauᴋârtinak.

Deuteronomy 29:22

Kinguvângolârtullo, ᴋitorngase kingunipsingne inôleromârtut, takorngartarlo nunamit ungasidlartomit tikilârtok, takogunik nunab kapianarninganik, ᴋanimaserniglo Nâlekab tilijanginik ᴋanimadlarᴋovlugo, oᴋaromârput:

Deuteronomy 29:23

Ivjunga ilûnane orᴋsorutiovok, tarriorlo, ikinerlo; karngaviolungilak, nuitajoᴋangilak, iviksuᴋarlônêt perorlungilak tagvane, sorlo Sodomatut Gomorratullo, Admatullo, Zeboimetullo, Nâlekab asserortangititut ningaumajârnermine ᴋaningaumajârnerminelo;

II Pêtrusib 2:6

Iglugasaksuillo Sodoma Gomorralo argjainautilerdlugit pidlalauramigit asserorlugit, erᴋaraksangortidlugit idluitulijunut, kingorngane pijomârtunut;

Jûdasib 1:7

Sôrlotauᴋ Sodoma Gomorralo iglugasaksuillo erᴋânêtut, makkotitunaᴋ ajortulijoᴋsôvlutik, uviningmik assia ikligilugo, maᴋojungnartulidlalauᴋtut, erᴋaraksangortitaungmatta, pidlartauvlutik ikomamut ᴋamisuitomut.

Takotitaunermik 14:10

Tâmna imeromârpok Gûdib ningausingata vaininganik illaᴋangitomik ningausingata ermgusiarsunganut kovijaujomik; naiatitauniarlunelo ikomamut orᴋsorutelingmut, Engelit ivsorânitut Saugârsûblo takoane.