Genesis 18:8 - Labrador Inuttitut Heritage Bible

⁸ Imublo orᴋsuanik imutuinarmiglo nochavinermiglo âᴋiksortaminik ᴋaitsivlune manijivigivait, nerrilermattalo, sanniane nangerpoᴋ napârtub atâne.

Genesis 18:8 Iomraidhean Croise

Genesis 18:7

Tuktuvangnullo Abraha aᴋpangerpoᴋ, nochatsiaᴋ piojoᴋ tiguvlugo kivgaminullo tunivlugo; tâpsomalo tuavidlune âᴋiksorpâ.

Genesis 18:9

Tagva oᴋautivât: Naûk nuliat Sara? Kiovait: Tamâne tuperme.

Genesis 19:3

Katsungaitomik tagva inadlarmagik, ᴋippilugungnairlutik iglunganut iterpuk. Nerᴋiksaliorpaglo niaᴋôjamiglo sêrnartoᴋangitomik igavoᴋ; nerrivuglo.

Nehemia 12:44

Nalliutomelo taipsomane angutit nallonairtaulaukput angajoᴋauᴋovlugit perᴋutitalingnut tunnergutiksanik, perortullo sivurlinginik, tallimaujuaniglo pitalingnut, kattersoiᴋovlugit perorsêvingnit iglugasaksuillo avatânit, aitortuijutigilugit malligaksat malliklugit ajoᴋertuijunut, Levitinullo, Judakut ᴋuviasuteᴋarmatta ajoᴋertuijunik Levitiniglo, nangermatta,

Jesaiase 7:15

Immub orᴋsuanik igupsaujârtullo orᴋsunginik nerrijomârpoᴋ, ajorungnailerune idluitoᴋ nachogivlugo, idluartoᴋ annerivlugo.

Jesaiase 7:22

Imuᴋadlarnermullo immub orᴋsuanik nerᴋiksaᴋaromârpoᴋ; immub orᴋsuanik igupsaujârtullo orᴋsunginik nerᴋiksaᴋaromârmatta amiakôjut illũnatik nuname.

Lukase 12:37

Kivgat taimaitut piloridlarput, Nâlekab tikipagit, pigârtut. Âhamarik oᴋaupapse: nerrimârvingme iksivaᴋojomârpait, sailitserlunelo, nangminerlo kivgartoromarpait.

Lukase 17:8

Imâk oᴋautiniangilaûk: Unnuksiumik nerᴋiksaliniaringa, sailitserlutillo kivgartoringa nerritilunga imertilungalo, kingunipkut nerrijuksauvotit imerlutillo?

Lukase 24:30

Iksivaᴋatigileramigik nerrivlutik, ᴋakᴋôjak tiguvâ, ᴋujalivlunelo avgorpâ tapkungnungalo tunivâ.

Lukase 24:43

Tiguvaillo, nerrilarmelo takoane.

Johannese 12:2

Tagvane nerᴋiksaliorutivât unnungme, Martalo kivgartorpok; Lazarusible tâpkoa illagivait iksivaᴋatingit nerrimârvingme.

Apostelit Piniarningit 10:41

Inungnut ilûnainu-ungitok, uvaptingnulle kigligiutsijuksanut, Gûdemut sivorngagut anerimajunut, nerreᴋatigivlugolo imeᴋatigilaukpavut, toᴋungajunit makisimaningata kingorngane.

Galâtsiamiunut 5:13

Ilipsele ᴋatangutikka, kivgaujungnairᴋovluse ᴋaiᴋojaumavose. Udsertoritsele, kivgaungineᴋ atornerluktailivlugo, uviningmut akkuliuterᴋonago; kivgartortigêklusele pititse naglingnermut.

Deuteronomy 32:14

Tuktuvait imungata orᴋsuanik, saugârsuillo imuanik, saugârsuillo tunnuanik, angusâlunginiglo Bâsanemit, tuktungajuniglo, senaugaksaniglo pionerpânik, vainetorpotillo vaineliksat iptinginik.

Takotitaunermik 3:20

Ahâk, upkuamêpunga avilortarlungalo. Nippimnik tussartokarpat upkuêrlunelo, tâmna iterviginiarpara, Kommunionemiglo nerreᴋatigivlugo, tâpsomalo nerreᴋatigivlunga.

Idluarsaijut 13:15

Manoalo Nâlekab Engelinganut oᴋarpok: Naglingnartotit, ovanesâlaurit, angusâlloârsumik tuktungajomik âkᴋiksoijomavogut illingnut.

Idluarsaijut 5:25

Imungmik tunijilaukpok imermik ᴋaitsiᴋojitillugo, imublo orksuanik ᴋaitsivok pogutame ânanâme.