Genesis 18:25 - Labrador Inuttitut Heritage Bible

²⁵ Taimailiorneᴋ ajornarpoᴋ illingnut, idluartut toᴋoᴋassiutivlugit, idluitut (toᴋogungne), idluartut idluitutitut ilingatilugit. Ajornarpoᴋ taimak illingnut. Sillaᴋsoarmiunik erᴋartuijoᴋ idluangitomik illiortuksauvâ?

Genesis 18:25 Iomraidhean Croise

Genesis 18:24

Iglugasaksoarne tamakkonane idluartoᴋangikune 50nik! Tâpkoatauᴋ asseroromavigît iglugasaksuillo issumagijungnairomanagit idluartut 50 tagvanêtut pivlugit?

I Kronika 16:33

Napârtullo ilûnatik nappartunêtut igiaᴋomijarᴋogisigik Nalekab sângane, tikkilermat nuna erᴋartoromavlugo.

II Kronika 19:7

Tamanna pivlugo sivuranek Nalekamik illipsingnêle, udsertutsiaritse pinniarluselo, Nalekame Gudiptingne idluineᴋalungilak, kammangineᴋangilarlonêt innub kinauninganik, illalliorneᴋangilarlo pilliutinik.

Nehemia 9:33

Igville idluarpotit, tamaine tikkitauᴋolauktarne uvaptingnut, igvit nâmaktullilauravit, uvagulle nâmangitoâlungmik pinniarlaukpogut.

Hiobe 34:10

Tamanna pivlugo tussarnârsinga, inojose ilisimajose: Tamanna ungasigle, Gûde idluilune piniartuksaunajarmat, ajugaᴋangitorlo idluartaililune;

Hiobe 34:12

Âhamarik ilâ, Gûde idluitulliniangilak, ajugaᴋangitublo idluarnek mumilungilâ.

Hiobe 8:20

Taimaimat takkoit, Gûdib idluitailijut egilungimagit, kassêtullo aggangit najumilungimagit;

Hiobe 8:3

Isumavît Gûde nâmangitomik erᴋartuingmat, ubvalo Ajugaᴋangitûb idluarnek mumingmago?

Imgerut 50:6

Killaillo idluarninga oᴋautiginiarpât; Gûde erᴋartuijôngmat. Sêla.

Imgerut 58:11

Inuit oᴋarniarᴋovlugit: Ahamarik idluartok akkeᴋaralloarpok! ila Gûde erᴋartuijôvok nuname.

Imgerut 7:12

Sâleromangitoᴋarpât, tagva saviksoane ᴋênaksarsimavâ, ᴋellumalâlo pittiksinne, orlertorlunelo;

Imgerut 75:3

Nuna sajukpilukpok, illunatiglo igloᴋartut tâpsomane; uvangale sukᴋangit najumivakka Sêla.

Imgerut 94:2

Nikkovilerit idluarsaijôjotit sillaksoarmiunik; piojorijut akkiniarkit pijuksauningit malliklugit.

Imgerut 98:9

Nâlekab sângane, aggermat nunaksoak erᴋartoromavlugo. Tâpsoma sillaksoak erᴋartoromârpâ idluarnermut, innuᴋattigêksuillo namanermut.

Okaluktok 3:17

Tagva issumalaukpunga ômatimne: Gûdib idluartok Gûdeᴋangitorlo erᴋartoriaᴋarpak; kajusimanerit tamaita Nelliuneᴋarmatta; pinniarnerillo tamaita tagva kamagijauniarput.

Okaluktok 7:15

Sunatuinarnik takkolaukpunga sulinginima nelliuningane. Tagva idluartoᴋarpok aserorlunelo idluarnermine; Gûdeᴋangitoᴋarporlo, tâmna inokitarpok kassênermine.

Jeremia 11:20

Igville, Nâlagaᴋ Zebaot, idluartomik erᴋartuijotit, nautsertortotillo taᴋtuniglo ômatiniglo, takotilaunga akkiniarnerik tâpkoninga; ilingnut nalonaijaisimagama ilinganimnik.

Jeremia 12:1

Idluartovotit, Nâlagaᴋ, oᴋaᴋataujomaguvit, oᴋaᴋatigijomadlaraloarpagit ilinganioᴋattartoᴋ pivlugo. Sôᴋ idluitulijut perᴋuteᴋarpaliasôngovât? Sôᴋ nalangaitomik piniarneᴋartut inilangatsiarsôngovât?

Hesekiel 18:25

Oᴋarposele: Nâlekab apᴋotinga sangungavoᴋ. Nâlagitse, ilipse Israêlib ᴋitorngangit: Apᴋotiga sangungavâ? Apᴋotise niungalungilât?

Mâlaki 3:18

Uteromârpose tagva ulernairtuiluselo idluartullo idluitullo adsigêngininginik, Gudemiglo kivgartortut, tâpsomingalo kivgartolungitut adsigêngininginik.

Numbers 16:22

Pâmakterpuglo, oᴋarlutiglo: Gûdik, uvinilit ilûnatik anerningita Gûdingat, angut atauseᴋ idluitulingmat, ilagêktoᴋsuit ilûnaita ningaumajârvigijomavigît?

II Korintemiunut 5:10

Ilûnata saᴋᴋijartuksaugapta Kristûsib erᴋartuiviksangata sângane, ilûnata atunit akkiniartaulerᴋovluta iliorniptingnik timeme inôtiluta, ajungitomiglônêt ajortomiglônêt.

Deuteronomy 1:16

Taipsomanelo idluarsaijokotise perᴋolauᴋpakka, oᴋarlunga: Katangutipse pitjutingit nâlaksigik, idluartomiglo idluarsaigitse inuk ᴋatangutâlo takorngartarlo ilipsingnêtok pivlugit.

Deuteronomy 1:17

Inûb kinauninga kamagijaksaringilase idluarsainerme; mikijok angijorlo adsigêktomik tusaraksarivase; sivôrajuksaungilase inûb kênanganik, idluarsaineᴋ Gûdib pigingmago; pitjutillo oᴋumaigijase uvamnut ᴋaitaksarivase, tusaromavakkalo.

Deuteronomy 32:4

Kairtôvok, suliangit ᴋaᴋiarnangimarikput; apᴋotingit ilûnatik idluartôvut; Gûdeovok nelâgôrtok idluineᴋatsangitorlo, idluartôvok nertornarlunelo.

Ebrêerinut 12:23

Erniangoᴋârtullo illagêngninginut, ᴋilangme aglaksimajunut, Gûdemullo tamainik erᴋartuijomut, idluartullo pijarêrsimajut anerninginut,

Idluarsaijut 11:27

Idluitullivigilaungilagit sunamik, igvillo taimak idluitullivigivarma sorsugiaravit uvamnut. Nâlegak uvlome erᴋartuijôle Israelitit Amoniblo ᴋitorngangita akkorngane.