Genesis 17:8 - Labrador Inuttitut Heritage Bible

⁸ Nunalo tujormiangovigijat, nuna Kânaane ilûnât, illingnut tunijomârpara kinguvâksarnullo kingunikkut, perᴋutautsainarᴋovlugo (tâpkonunga), Gûdigijomârpângalo.

Genesis 17:8 Iomraidhean Croise

Genesis 12:7

Nâlekablo Abra saᴋᴋervigivâ oᴋautilâlo: Kinguvâksarnut nuna manna tunijomârpara. Tagva tunerguserviliorpoᴋ tagvane Nâlekamut saᴋᴋervigijiminut.

Genesis 13:15

Nuna takojat ilûnât tunijomavara perᴋutautsainartilugo illingnut kinguvâksarnullo.

Genesis 13:17

Parngnailerit, nuna ingergavigiuk tukkimullo sennimullo, illingnut tunijomagapko.

Genesis 23:4

Tujormiangovlunga akunapsingne nunaᴋarama, iluverviksamik perᴋuteᴋartisinga illipsingne, toᴋungajoᴋotiga sâmnêtoᴋ illijaurᴋovlugo.

Genesis 26:24

Nâlekablo unnuarme taipsomane saᴋᴋervigivâ oᴋautilâlo: Uvanga tagva atâtavit Abrahab Gûdinga. Sivôraniarnak, illagigapkit saimauseromagapkillo, kinguvâksatillo unuksivalliatitsomagapkit kivgara Abraha pivlugo.

Genesis 28:4

Illingnullo tuniliuk saimanartoᴋ Abrahab pinga, illingnullo kinguvâksarnullo kingunikkut, kingormgujerᴋovlutit nunamik tujormiangorvigijarnik, Gûdib tunijanganik Abrahamut!

Genesis 35:27

Jakoblo atâtane Isaaᴋ tikkipâ Mamrime, Kiriat-Arabame, tagva Hebroneme, Abrahablo Isaablo tujormiangovigijangangne.

Genesis 36:7

Perᴋuteᴋaluaralloarmut nunaᴋatigêgungnangimanik, nunablo tujormiangovigijangata ajorpait nergjuteᴋotingita unurningit pivlugit.

Genesis 37:1

Jakolo nunaᴋarpoᴋ atâtame tujormiangovigijangane, nuname Kânaaneme.

Genesis 48:4

Oᴋarvigivlunga: Ahâk, kinguvâktârtitsomavagit unuksivalliatitsomavlutillo inugasaksoangortilutit, nunalo manna sorairtuksaungitomik perᴋutautitsomavara kinguvângnut kingunikkut.

II Samuel 23:5

Igluga taimailingalungigalloarmat Gudeme, angernermigle tunnitsivigilaukpânga soraijuitomik, aᴋiksoijomik tamainik, soᴋᴋosijuitomiglo, piulijaujutigijamniglo tamât, tussugijamniglo, sulle perorsaᴋolungigalloarmago.

I Kronika 16:18

Oᴋarlaukporlo: Igvit Kanaanib nunanganik tunnitsivigijomavagit, imerautipse kingormgutijanganut;

Imgerut 103:17

Nâlekable saimaveᴋarninga soraijuipok issoᴋangitomit issoᴋangutomut, sivôragijinginnut; idluarningallo ᴋittorngat ᴋittornganginut;

Imgerut 105:11

Oᴋarlunelo: Igvit tunnitivigijomavagit Kanaanib nunanganik, kingormgutijapse imerautinganik.

Imgerut 105:9

Angerutigilauktane Abrahamut, oᴋarmaringninelo Isaangmut.

Exodus 13:11

Nalekablo tikiutitikpatit Kânaanemiut nunanganut, sorlo angermarilaungmat ilingnut atâtarnullo, tunijomavlugo ilingnut,

Exodus 21:6

Angajoᴋângata tikititaksarivâ idluarsaijunut; tikititaksarivâlo upkoarmut, upkoablônêt napajuanut, angajoᴋângatalo siutinga puttoraksarivâ puttorutemut; tâmnalo kivgartoraksarivâ soraijuitomik.

Exodus 29:45

Ineᴋaromavungalo Israêlikut akorngane, Gûdiojomavungalo tâpkonunga.

Exodus 32:13

Abraha, Isaarlo, Israêlelo, kivgatit, erᴋaumalaukit, tâpkonunga angermarilauravit ilingnik taivlutit, oᴋautilugillo: Kinguvâksase unuksititsomavakka sorlo ᴋilaub uvloriangititut, nunalo tamanna oᴋautigijara ilûnnane tunijomavara kinguvâksapsingnut, tâpkoalo kingormgutijaksarivât isoᴋangitomut.

Exodus 40:15

Mingoaraksarivatillo sorlo atâtangat mingoarangne, kivgartorᴋovlugit uvamnut ajoᴋertuijônerme: mingoartauningillo ajoᴋertuijungortitaujutiksauvok nâksaungitok kinguvângitigut.

Exodus 6:4

Angervigivakka, nunamik Kânaanemik tunitjivigijomavlugit, nunamik tujormiangovigijanganik, tujormiangovlutik nunagijanganik.

Exodus 6:7

Ilalioromârpapselo inuᴋotigijomavluse, Gûdeojomavungalo ilipsingnut: Tukisijuksauvoselo uvangaugama Nâlegak Gûdise aularutijise Egiptenemiut siorniortitsininginit.

Jeremia 25:5

Oᴋarlutik: Sâgiaritse mâna ilûnase apᴋotigijapsingnit idluitunit, piniarnipselo idluininginit, nunaᴋaritselo nuname Nâlakab tunijangane ilipsingnut atâtagijapsingnullo itsarsoarmit issoᴋangitomullo;

Jeremia 31:1

Naliutome taipsomane, oᴋarpoᴋ Nâlagaᴋ, Gudigijomârpânga Israêlib kinguvârêngita ilûnatik, uvangalo inuᴋutigijomârpakka.

Hesekiel 11:20

Arvertarᴋovlugit maligaksauᴋojamne, perᴋojakkalo nâleklugit piniarᴋovlugit: inuᴋutaujuksauvullo uvamnut, uvangalo Gudeojomavunga tâpkonunga.

Hesekiel 33:24

Inûb erninga, ipkua nunaᴋartut Israêlib nunangata sunaᴋarungnaitungane oᴋarpakput: Abraha atausiolauᴋpoᴋ, nunalo kingormgutilauᴋpâ: uvagulle unuktôvogut; nunalo tunijauvoᴋ uvaptingnut kingormgutijaksautilugo.

Leviticus 14:34

Tikisimagupse nunamut Kanaanemut, tunijamnut perᴋutauᴋovlugo ilipsingnut, ᴋanimaserlo kalâluk pitikupko iglomut nunamêtomut perᴋutigijapsingne;

Leviticus 16:34

Tamannalo ilusiojuksauvok soᴋosijuitok ilipsingnut, ulapᴋosêᴋovluse Israêlib ᴋitorngangit pivlugit atausiarluse jâreme ajorningit tamaita pitjutigilugit. Taimailiortoᴋarporlo sôrlo Nâlekab Mosese perᴋolaungmago.

Leviticus 26:12

Akunapsingnele arvertaromavunga, Gûdeojomavlunga ilipsingnut, ilipselo inuᴋutigijomavapse.

Saggaria 8:8

Tikiutijomârpakkalo ineᴋaromârpullo Jerusaleme; inuᴋotigijomârpakkalo, tâpkonungalo Gudeojomavunga mikseᴋârnerme idluarnermelo.

Numbers 10:29

Mosesiblo Hobabe, Reguelib Midiamiub, Mosesib sakkiata, erninga oᴋautivâ: Ingergavogut nunamut Nâlekab oᴋautigijanganut: tunijomajara ilipsingnut; ilagilauᴋtigutidluarᴋutiksarsijomavaptigit; Nâlekab Israêlikut ajungitomik angervigingmagit.

Numbers 25:13

Tâpsomungalo kinguvânginullo angerniolârpoᴋ ajoᴋertuijônermik soraijuitomik; ilungertudlarlaungmat Gûdine pivlugo, Israêlikullo ulapᴋosilaungmagit.

Numbers 27:12

Nâlekablo Mosese oᴋautivâ: Majorarit ᴋaᴋᴋamut omunga Abarimut, nunalo tunimajara Israêlikunut ulernairtoruk.

Apostelit Piniarningit 7:5

Tagvanelo nunamik nangminerijaksanganik tunitjivigingilâ, tumitut siliktigijomiglônêt, angervigivâlo tunijomârlugo tapsomunga kinguvâksanginullo kingorngane, sule ᴋitorngaᴋarᴋârtinago.

Deuteronomy 14:2

Inôᴋatigêngogapse ivsornaitut Nâlekamut Gûdingnut, Nâlekablo annerivâse inuᴋutauᴋovluse adseungitunik nangminerminut, inôᴋatigêksoarnit tamainit nunab ᴋânganêtunit.

Deuteronomy 26:18

Nâlekablo uvlome kigligiutjivigivâtit inuᴋotigijomagamitit nangminerijomavlutit, sorlo angervigilaungmatit, malitsiartuksaugavillo tâpsoma perᴋojanginik tamainik;

Deuteronomy 29:13

Uvlome ingminut inuᴋutiksangortitsomagamitit, ilingnullo Gûdeojomavlune, sorlo nelautsimariktomik oᴋautilaungmatit, sorlolo nelautsimariktomik atâtagijatit Abraha, Isaarlo, Jakolo oᴋautilaungmagit.

Deuteronomy 32:49

Majorarit Abarimib ᴋakᴋanginut ukkununga, ᴋakᴋamut Nebomut, Moabib nunanganêtomut, Jerikub akianêtomut; nunalo Kanaan perᴋutautitsomajara Israêlib ᴋitornganginut ulernairtorlugo;

Deuteronomy 32:8

Kotsingnerpângojûb inôᴋatigêksuit tunitjivigilaungmagit kingormgutijaksamingnik, inuit ᴋitorngangit aviutitilaungmagit, inôᴋatigêt kiglingit âᴋiksorpait, Israêlib ᴋitorngangita unurningit issumagilugit.

Deuteronomy 34:4

Nâlekablo oᴋautivâ: Tamanna nuna, nelâgôrmariktomik angerutigilauᴋtara Abrahamut, Isaarmullo, Jakomullo, oᴋarlunga: Tunijomajomârpara kinguvângnut; ijingnut takotipagit tâpsominga, tagvungale ikârtuksaungilatit.

Deuteronomy 4:37

Atâtatillo nagligilauramigit, tamanna pivlugo tâpkoa kinguvângit annerivait kingorngane, Egiptenemillo tikiupâtit najornerminut pitsartunerminut;

Deuteronomy 9:5

Idluarnît pitjutigilugo ômativîllônêt nelâgôrninga pitjutigilugo itilungilatit nunangat piginiarlugo; inôᴋatigêksuille tâpkoa idluiningit pitjutigilugit Nâlekab Gûdivît ᴋemâtipait sivunernit, oᴋauserlo Nâlekab angermariklune oᴋautigijanga atâtagijarnut Abrahamut, Isaarmullo, Jakomullo soᴋosijuiᴋovlugo.

Ebrêerinut 9:15

Tamanna pivlugotauᴋ Testamentetâmik pijitserteovoᴋ, ᴋaiᴋojaumajut perᴋovlugit kingormgutijaksamik nunguniangitomik angerutaumajomik, toᴋonermut piulijaujutiksamut ajornernit Testamentib sivorliub neliuningane pijunit.

Josua 1:2

Kivgara Mosese toᴋᴋovok; tagva parngnailerit manna, Jordanelo tamna ikkarlugo pit, igvit innugasaksuillo ukkoa illunatik, nunamut tunnilauktamnut tapkonunga, Israelib ᴋittornganginnut.

Takotitaunermik 21:7

Sâlaᴋartok kingormgujijomârpok tamainik, Gûdiginiarpângalo, uvangalo erneriniarpara.