Genesis 17:4 - Labrador Inuttitut Heritage Bible

⁴ Uvangaugama, angernera pivat, nunaᴋatigêksuillo unuktut atâtagijomârpâtit.

Genesis 17:4 Iomraidhean Croise

Genesis 12:2

Inugasaksoangortitsomavagit saimauserlutillo, attillo nertornartitsomavara saimanartitsomavlutillo.

Genesis 13:16

Kinguvâksatillo unuksivalliatitsomavakka sanniktitut nuname. Sanningnik nunamêtunik kittitsijungnartoᴋarpat, tâpsoma kinguvâksatittauᴋ kittinajarivait.

Genesis 16:10

Nâlekablo engelingata oᴋautivâ: Kinguvâksatit unuksivalliatitsomavakka, kittitaugiangat ajornarsitilugo unumut.

Genesis 22:17

Tamanna pivlugo saimauseromavagit, kinguvâksatillo unuksivalliatitsomavakka uvloritjatitut ᴋilangmêtutitut, siorᴋatitullo imarbiksûb sikjanganêtutitut. Kinguvâksavillo akkerartortimik upkoaᴋsoangit pigijomârpait.

Genesis 25:23

Nâlekablo oᴋautivâ: Inôᴋatigêksuit magguit timingnêput, inugasaᴋsuit magguit timingnit anijomârput; inôᴋatigêksuit aipaingit sâlaᴋaromârput aipaimingnik, anginersarlo kivgaksauvoᴋ mikkinersamut.

Genesis 28:3

Gûdible ajugaᴋangitub saimauserlitit, kinguvâktârtilutillo, unuksivalliatilutillo inôᴋatigêksoangortilutit;

Genesis 32:12

Oᴋaravit: Ajungitulivigijomavagit, kinguvâksatillo unuksivalliatitsomavakka siorᴋatitut imarbiksûb sikjangane, unumut kitiksaujungnairtilugit.

Genesis 35:11

Gûdiblo oᴋautivâ: Uvanga Gûdeovunga ajugaᴋangitoᴋ. Kinguvâktâᴋattarit unuksivalliavlutit; inôᴋatigêt, illa inôᴋatigêksuit illingnit pijomârput, attanîllo makkitingnit pijomârput.

Genesis 48:19

Atâtangale taimailioromangilaᴋ, oᴋarlunelo: Nalungilanga ernîk, nalungilanga! Unatauᴋ inôᴋatigêksoangortitaujomârpoᴋ angijôvlunelo, nukangale anginersaujomârpoᴋ ômangat inôᴋatigêt unuktuit kinguvâksarivlugit.

Exodus 6:4

Angervigivakka, nunamik Kânaanemik tunitjivigijomavlugit, nunamik tujormiangovigijanganik, tujormiangovlutik nunagijanganik.