Genesis 17:3 - Labrador Inuttitut Heritage Bible

³ Tagva Abra pâmakterpok. Gûdiblo sulle oᴋarvigivâ oᴋarlune:

Genesis 17:3 Iomraidhean Croise

Genesis 17:17

Tagva Abraha pâmakterpoᴋ ᴋungalerlunelo, ômamigullo oᴋarpoᴋ: Angut 100nik jâreᴋartoᴋ ernertârtuksaugalloarᴋâ? Saralo 90nik jâreᴋartoᴋ ernijuksaugalloarᴋâ?

Genesis 18:2

Arloramele takosarlunelo, sunaubva, angutit pingasut takolerpait timiminêtut. Takogamigille, aᴋpangerlune pagreartorpait tupperme pânganit, okkolerlunelo nunamut.

I Atannit 18:39

Inugasaksuillo tamânna takkogamitsuk, pamakterput oᴋarlutiglo: Nâlegak Gûdeôvok, Nâlegak Gûdeôvok!

Exodus 3:6

Amma oᴋarpok: Uvangauvunga atâtavit Gûdigijanga, Abrahab Gûdigijanga, Isaablo Gûdigijanga, Jakoblo Gûdigijanga. Tagva Mosesib kênane mattuvâ; Gûde takonârlugo sivôragame.

Hesekiel 1:28

Ajagutab nuvujanêtub silalungnerub uvlungane tautuatut, taimak ᴋaumajoᴋsoaᴋ avatâne tautuᴋarpoᴋ. Tamanna tagva Nâlekab ânanauningata adsingata tautua. Takogapkolo pâmangalerpunga, tusarpungalo oᴋartub nippinganik.

Hesekiel 3:23

Makipungalo ailungalo naᴋsarmut: ahâglo, Nâlekab ânanauninga tagvanêpoᴋ, sorlo kôngme Kêbareme takolaurapko: pâmakpungalo kênara pulugo.

Hesekiel 9:8

Annaunilertilugillo, uvangalo inutôtilunga, kênara pulugo pâmakpunga, nipliarlungalo oᴋarpunga: Kappê, Nâlegaᴋ Nâlegaujotit, Israêlemit amiakôjut tamaita asseroromavigît, ningaumajârnît pitikangne Jerusalemût?

Daniel 10:9

Oᴋâlaningalo tusarpara, tusarapkolo oᴋâlaninga pâmâkivunga, siningmullo itijomut tikitaugama, kênara nunamut pûlugo sinikpunga.

Numbers 14:5

Moseselo Aronelo kênatik pûlugik pâmangavuk Israêlikut ilagêktoᴋsuit katimajut ilûnatik sângine,

Numbers 16:22

Pâmakterpuglo, oᴋarlutiglo: Gûdik, uvinilit ilûnatik anerningita Gûdingat, angut atauseᴋ idluitulingmat, ilagêktoᴋsuit ilûnaita ningaumajârvigijomavigît?

Numbers 16:45

Nûsâritik ilagêktoᴋsuit akornganit, nungutsiᴋovlunga tâpkoninga tagvainaᴋ. Pâmakterpuglo.

Mattêuse 17:6

Tamanna ilinniartingita tussaramitsuk, pâmakterput ᴋoaᴋsârlutiglo.

Josua 5:14

Tamna oᴋarpok: Aukak, angajoᴋaksoangovungale Nalekab kattimgajoᴋotinginnut, tikkipungalo manna. Tagva Josua kênaminik pûlune nunamut pamakterpok, tuksiarlunelo oᴋautiva: Kannoêtunik Nalegara oᴋausiksaᴋarᴋa kivgaminut?

Takotitaunermik 1:17

Takolerapkolo, itiganginut ochovunga toᴋojotut; talerpingminulle patingmivlunga oᴋarvigivânga: Erᴋsiniarnak; uvanga sivorliovlungalo kingorliovunga,

Idluarsaijut 13:20

Ikkomalo ikkoalangmat Altaremit kôngmut ᴋillangmut, tagva Nâlekab Engelinga Altarib ikkoalaningagut ᴋongmuarpok. Manoab nuliangatalo tamânna takolauramikko, pamakterpuk nunamut ᴋênatik puvlugik.