Genesis 15:9 - Labrador Inuttitut Heritage Bible

⁹ Oᴋautivâlo: Kaikit uvamnut tuktuvak pingasunik jârelik, tuktungajorlo pingasunik jârelik, saugarlo pingasunik jârelik, taubearsuglo taubeararlo,

Genesis 15:9 Iomraidhean Croise

Genesis 15:10

Tagva tamakkoa tamaita ᴋaipait, ᴋoppilugillo avgorpait, ᴋoppallo attunit akkilerêktilugit illivait; tingmiâgle ᴋoppingilak.

Genesis 15:8

Oᴋarporlo: Nâlegaᴋ, Nâlegaᴋ, suna nallunaikutaksarivigô, pigijomârapko?

Genesis 22:13

Arlorlune tagva Abrahab takosârpâ tunuminêtoᴋ angusaloᴋ, nakjungagut nâsimajoᴋ ukpiganut; aivigivlugolo angusaloᴋ tiguvâ tunergutautipâlo ôtaksamik, ernime simertinga.

Imgerut 50:5

Ivsornaitoᴋotikka kattersorsigik uvamnut, angilauktut uvamnut tunnergutiksak pitjutigellugo.

Imgerusersoak 2:12

Nuvugulât sakᴋersimavut nuname, operngâk tikkisimavok, Taubelo tussartauvok, nunaptingne.

Jesaiase 15:5

Omatiga nipliavoᴋ Moabe pivlugo; tagvangat ᴋemâjut Zoare tikkipât tuktuvaktut jareliktut pingasunik. Keavlutik Lukitib ᴋaᴋᴋanginut majorarput, apᴋosinermelo Horonaimut ogguarlutik ᴋuᴋudlarput.

Leviticus 1:10

Tunergutiksangalo ôtaksak sauganit tuktungajunillônêt pikpat: tunergutigijaksarivâ angusâlok ᴋanoêtoᴋangitok.

Leviticus 1:14

Tunergutiksangalo Nâlekamut tunergutiksaukpat ôtaksamik tingmianik, tagva akᴋigiojârulangnik akᴋigiojârtuniglônêt tunergutiksaᴋartuksauvok.

Leviticus 1:3

Tunergutiksak ôtaksaukpat tuktuvangnit, tunergusertuksauvok angusâlormik ᴋanoêtoᴋangitomik: tunergutigijaksarivâ ilagêktut tupingata upkoangata sângane, ᴋuviagijauᴋovlugo Nâlekamut.

Leviticus 12:6

Sujungaivingatalo uvlungit nâmaksikpatta, ernek pivlugo paniglônêt pivlugo, ᴋaitsijuksauvok saugârsungmik, atautsemik jârelingmik tunergutiksamik ôtaksamik, aᴋigiaraujarmiglo aᴋigiojârtomiglônêt tunergutiksamik ajoᴋêrutiksamik ilagêktut tupingata upkoanganut ajoᴋertuijomut;

Leviticus 12:8

Sapidlarpalle saugârsungmik, tigusijuksauvok aᴋigiojârtûngnik maggûngnik aᴋigiaraujarniglônêt maggûngnik; aipâ tunergutiksautilugo ôtaksamik, aipangalo tunergutiksautilugo ajoᴋêrutiksamik; ajoᴋertuijûblo ulapᴋoseraksarivâ ivsornainiarporlo.

Leviticus 14:22

Aᴋigeojârtûngniglo maggûngnik, aᴋigearaujârtûngniglônêt maggûngnik, pijungnartanga maliklugo; aipâlo tunergutiksauniarpoᴋ ajoᴋêrutiksak, aipangalo tunergutiksak ôtaksak.

Leviticus 14:30

Aᴋigeojârtûblo aᴋigearaujârtûblônêt aipanga, pijungnartanga maliklugo, tunergutigijaksarivâ;

Leviticus 3:1

Tunergutingalo tunergutaukpat ᴋujaliutiksamik; tunikpago tuktuvangnit, angutelônêt, arnarlônêt, tunijaksarivâ ᴋanoêtoᴋangitok Nâlekab sângane.

Leviticus 3:6

Tunergutingalo tunergutiokpat ᴋujaliutiksamik Nâlekamut sauganit, angutelônêt, arnarlônêt ᴋanoêtoᴋangitok tunijaksarivâ.

Leviticus 9:2

Aronalo oᴋautivâ: Tigusilerit tuktuvârarmik angutimik tunergutiksamik ajoᴋêrutiksamik, saugarmiglo angusâlormik tunergutiksamik ôtaksamik, ᴋanoêtoᴋangitûngnik, tunerguserlutillo Nâlekab sângane.

Leviticus 9:4

Tuktuvangmiglo saugarmiglo angusâlornik tunergutiksângnik ᴋujaliutiksângnik, tunergutauᴋovlugik Nâlekab sângane; tunergutiksamiglo sanaugamik orᴋsumut akusimajomik; uvlome Nâlekab sakᴋervigilârmase.

Lukase 2:24

Tunergutiksatik tunilugit, sorlo Nâlekab perᴋojangine aglaksimangmat: akigijârtûngnik aᴋigiaraujarniglônêt maggûngnik.