Genesis 15:13 - Labrador Inuttitut Heritage Bible

¹³ Tagva Abramut oᴋarpoᴋ: Kaujimavilerit, kinguvâksatit tujormiangojomârmatta nuname perᴋutigingitamingne, taikanelo kippalôtitaujomârmatta kappiasuktitauvlutiglo jârit 400 nâvlugit.

Genesis 15:13 Iomraidhean Croise

Genesis 15:16

Ernerêlle kingorlerêt sittamaingit tamaunga utteromârivut, Amoriterit idluituliningat sulle nâmaksingimat.

Genesis 17:8

Nunalo tujormiangovigijat, nuna Kânaane ilûnât, illingnut tunijomârpara kinguvâksarnullo kingunikkut, perᴋutautsainarᴋovlugo (tâpkonunga), Gûdigijomârpângalo.

Genesis 47:4

Oᴋarivullo Faraomut: Tikkisimavogut tujormiangoniardluta nuname, kivgaᴋotivit saugaᴋotingit nerrinasugviksaᴋarungnairmatta, kângnartoᴋsoaᴋ sugaluluarmat nuname Kânaaneme. Taimaimat kivgatit mâna Goseneme nunaᴋarᴋolaukittôᴋ!

Imgerut 105:42

Oᴋautsinne ivsornaitut erᴋaumangmagit kivgaminut Abrahamut oᴋauserilauktane.

Exodus 1:11

Tagva kivgartorlukatitsijunik angajoᴋâᴋartipait, siorniortitaurᴋovlugit pijaksanut oᴋumainartoksoarnut, Faraolo igluliorpât iglugasangnik ᴋematuliviksaujunik: Pitomemiglo Ramsesemiglo.

Exodus 1:13

Tagva Egiptenemiut sugaluluartomik kivgartortipait Israêlikut,

Exodus 1:14

Siorniornadlartomiglo inôseᴋartipait oᴋumainartomik kivgartortilugit: machaleritilugit ivitâliortilugillo sunatuinarniglo pijaksaᴋartilugit perorsêvingne, sunatuinarnik sugaluluartomik kivgartoruteᴋarêralloarmata.

Exodus 2:24

Gûdiblo ârosungningit tusâvait, angersimaninelo Abrahamut Isaamullo Jakomullo erᴋarpâ.

Exodus 22:21

Takorngartak nakêlititaksarilungilat oᴋumaiksartinagolo; takorngartaulaurapse nuname Egipteneme.

Exodus 23:9

Takorngartarlo oᴋumaiksartitaksarilungilat: takorngartaub ômatinga ilitarigapsiuk, ilipse takorngartaulaurapse nuname Egipteneme.

Exodus 3:10

Taimaimat ailerit mânna taikunga, Faraomut tilijomagapkit, inuᴋotimnik Israêlikunik aulartitserᴋovlutit Egiptenemit.

Exodus 3:17

Oᴋarpungalo: Egiptenib kapianartoksôninganit paungartitsomavapse Kânaanemiut Hetiterillo Amoriterillo Feresiterillo Heviterillo Jebusiterillo nunanganut, nunamut imumik igupsaujârtullo orksuanik kôlingmut.

Exodus 3:8

Akᴋarpungalo, Egiptenemiut agganginit piulijartoromagapkit aulartitsomavlugillo nunamit tamatomangat nunamut ajungitomut nerrotojomullo, nunamut imumik igupsaujârtullo orᴋsuanik kôlingmut, Kânaanemiut Hetiterillo Amoriterillo Feresiterillo Heviterillo Jebusiterillo nunanganut.

Leviticus 19:34

Takorngartak nunaᴋartok akunapsingne ilingavigijaksarivase nuname inûlertotut, iliktullo nagligijaksarivat; ilipse takorngartaulaurapse nuname Egipteneme; Uvanga Nâlegauvunga Gûdise.

Numbers 20:15

Atâtagilauᴋtavut atersârmatta Egiptenemut, akunillo nunaᴋalaurapta Egipteneme; Egiptenemiullo pikalugvigilauᴋpâtigut, uvagut atâtavullo;

Apostelit Piniarningit 7:17

Gûdible Abrahamut angersimaningata nalautsivia ᴋaglilermat, inuit aglisikput unuksivalliavlutiglo Egipteneme.

Galâtsiamiunut 3:17

Imâgle oᴋarpunga: Testamente imna Gûdib sivorngagut naᴋitjusilauᴋtanga Kristusemut (ilingatilugo), soᴋosertitaujungnangilaᴋ perᴋojanut, jârit 430 tamattoma kingorngagut tunimajunut; angersimaneᴋ taimak pijungnaititauniangilaᴋ.

Deuteronomy 10:19

Taimaimat ilipsetauk takorngartak nagligisiuk, takorngartaulaurapse nuname Egipteneme.

Deuteronomy 5:15

Erᴋaijuksauvotillo kivgaulauravit nuname Egipteneme, Nâlekablo Gûdivît tikiutivâtit tagvangat aggangnut pitsartujunut tallermullo issamijomut; tamanna pivlugo Nâlekab Gûdivît perᴋovâtit uvloᴋ sabbateojok ivlerijaksarigangne.