Genesis 13:7 - Labrador Inuttitut Heritage Bible

⁷ Akkerartûtivullo Abrab nergjuteᴋotinginik mianersijut Lotiblo nergjuteᴋotinginik mianersijut. Kânaanikullo Feresiterillo taipsomane tagvane nunaᴋarput.

Genesis 13:7 Iomraidhean Croise

Genesis 10:19

Kânaanekullo (nunangit) kigleᴋarput Zidonemit Gerar apᴋutigivlugo Gasamut; Sodomalo Gomorralo Adamalo Zeboimelo apᴋutigivlugit Lasamut.

Genesis 12:6

Abralo ingergalerpoᴋ nunakut Sikkememut Moriblo napârtunginut. Taipsomane Kânaanikut tagvane nunaᴋarput.

Genesis 21:25

Abrahablo Abimêlege inerterpâ imeᴋtarvik pivlugo, Abimêlegib kivgangita tigujangat aksorornermut.

Genesis 26:20

Mianersijulle Geraremiut akkerartorpait Isaab kivgangit, oᴋarlutiglo: Uvagut imeᴋ tâmna perᴋutigivavut. Tamanna pivlugo puilavik tâmna Esekemik taivâ, aivautigingmatsuk tâmna pitjutigivlugo.

Genesis 34:30

Jakole Simeonemut Levimullo oᴋarpoᴋ: Piluᴋoserpaptinga, ominarsitinaptinga nunab inunginut Kânaanemiunullo Feresiterinullo. Uvangale inuᴋotikkalo unuktôngilagut. Taipkoale kattileromârput unatadlarvigivlunga nungutidlarlungalo uvangalo inuᴋotikkalo.

Genesis 46:34

Tagva oᴋartuksauvose: Kivgatit nergjutinik mianersijeovogut sorusioniptingnit mâna tikkidlugo, uvagullo sivorlivullo, nunaᴋarᴋovluse Goseneme; saukanik mianersijut ilûnatik Egiptenemiunut maᴋojugijaungmatta.

Nehemia 5:9

Oᴋalaukpungalo: Nâmalungilak pinniartase. Agvertartuksaungilasê sivuranerme Nâlekamik, nallojut omigijipta mittauteᴋarningit pivlugit?

Exodus 2:17

Tagva mianersijut tikilerput, tagvangat ajaklugit. Mosesele nikovipok, ikajorlugillo saugaᴋutingit imertipait.

Salomob Okâl 20:3

Angutib akkerartornek ulloreagiguniuk, tamânna nertornautigiva; aivanigojulle ilûnatik silaitovut.

Markuse 3:25

Iglublo inungit ingmingnut illagêgungnarunik nunguniarput.

I Korintemiunut 3:3

Sulle uviniliogapse. Illapsingnik annerutsigapse, aivadlalapselo, akkerartulapselo, uviniliongilasê, inuit ilusinginik atorlusê?

Galâtsiamiunut 5:20

Gûdeungitunik kivgartorneᴋ, angakoniarneᴋ, ᴋenugosungneᴋ, ômisungneᴋ, anerutjineᴋ, ningarneᴋ, aivaneᴋ, akkerartorneᴋ, ileratsârneᴋ, ᴋaningaumajarneᴋ, inuarneᴋ,

Kolossamiunut 4:5

Silatujomik taipkoa ilagingitase inôᴋatigisigik; atutsiarlugolo neliutok.

I Tessalônikamiunut 4:12

Ilusitsiarikluse arvertarᴋovluse illagingitapsingne, taipkoalo illanganik atoriaᴋarᴋonase.

Titusemut 3:3

Uvaguttauk sivorngane silaitoksôlaungmigapta, tapatolaptalo, tamartudlarluta, ikligunerit kivgartorlugit, sunatuinarniglo alliadlarluta, ningarosungnermelo anerudjinermelo arvertarluta, ômigijigêklutalo.

Jâkobusib 3:16

Anerutjinerlo akkerartornerlo pikablânermik idluitulinermiglo najorteᴋarmat.

Jâkobusib 4:1

Akkerartôtinek sorsungnerlo akunapsingne nakit pivâ? Ikligunek timipse avatingine ataniotijok pitjutigingilaûk?

I Pêtrusib 2:12

Nelojullo akorngane, ajungitomik arvertaritse: ilipsingnik terliaᴋataijut idluitulinerarluse, ajungitulinipsingnik takoᴋovlugit, Gûdemiglo nertordlerᴋovlugit kiglisiniarviub uvlungane.