Genesis 12:8 - Labrador Inuttitut Heritage Bible

⁸ Tagvangallo aularivoᴋ ᴋaᴋᴋamut Bêtelib kangianut, tagvanelo tupertilerpoᴋ Bêtele killerivlugo Ailo kangilerivlugo. Tagvanelo Nâlekamut tunerguserviliorpoᴋ, Nâlekablo attinga tuksiarvigivâ.

Genesis 12:8 Iomraidhean Croise

Genesis 13:18

Tagva Abrab tuppine nûtipait, tikkiutivlunelo nunaᴋalerpoᴋ Mamrib napârtungine Hebronemêtune, tagvanelo Nâlekamut tunerguserviliorpoᴋ.

Genesis 13:3

Ingergarnermine seᴋernganit tikkipoᴋ Bêtelemut, sivorngane tuppeᴋarvigijaminut, Bêteliblo Aiblo akorngangnut,

Genesis 13:4

Nunamut tunerguserviliorvigijaminut sivorngane. Tagvanelo Nâlekab attinga tuksiarvigivâ.

Genesis 21:33

Abrahale napârtoarsungmik illijivoᴋ Bersêbame, tagvanelo Nâlekab Gûdib issoᴋangitub attinga tuksiarvigivâ.

Genesis 22:9

Takpaungalo Gûdib oᴋautigijanganut tikkinamik, Abraha tunerguserviliorpoᴋ, ᴋejuillo illiorᴋappait ᴋânganut, erninelo Isaaᴋ ᴋellaksorlugo illivâ tunerguservingmut, ᴋejuit ᴋânganut.

Genesis 26:25

Tagvanelo tunerguservingmik sanavoᴋ, Nâlekablo attinga tuksiarvigivâ, tangmârlunelo tagvane, Isaablo kivgangita imeᴋarviksaᴋ poagijarpât.

Genesis 28:19

Nunalo tamanna Bêtelemik taivâ: sivorngagut iglugasait Lûsemik atteᴋaralloarmatta.

Genesis 31:25

Labaniblo Jako anguvâ. Jakole tangmârtilugo ᴋaᴋᴋame, Labane ᴋattangutingillo tangmârivut ᴋaᴋᴋame Gileademe.

Genesis 33:20

Tunerguserviliorporlo tagvane, atserarlugo Gûdib, Israêlib Gûdingata (tunerguserviᴋotinganik).

Genesis 35:3

Parngnailerlutalo ingergalauᴋta Bêtelemut, taikane tunerguservilioromagama Gûdemut, tâpsoma tussarmanga kapiasungnima nelliuningane, illagingmangalo apᴋome ingergarvigijamne.

Genesis 35:7

Tagvanelo tunerguserviliorpoᴋ, nuna atserarlugo El-Bêtelemik, Gûdib tagvane saᴋᴋervigilaungmago taipsomane, ᴋemâgame angajuminit.

Genesis 4:26

Setelotauᴋ ernertârpoᴋ atteᴋartilugolo Enosemik. Taipsomane Nâlekab attinga tuksiarvigilerpât.

Genesis 8:20

Noalo Nâlekamut tunerguserviliorpoᴋ, tigusivlunelo nergjutit ivsornaitut sunatuinait illanginik, tingmitjallo ivsornaitut sunatuinait illanginik, ôtaksanik tunerguserpoᴋ tunerguserviub ᴋângane.

Nehemia 11:31

Benjaminible ᴋitorngangit nunaᴋalaukput Gabamit, Michmaseme, Ajamelo, Bethelemelo, aiparusinginelo.

Imgerut 116:4

Nâlekable attinga nipliavigilaukpara: Nâlegak, tarniga piulilauruktôk!

Exodus 17:15

Moseselo tunerguserviliorpok atserarpâlo: Nâlekab iksivautaksoanganik:

Jesaiase 10:28

Ajate tikkipâ, Mikerone apᴋutigivâ, Mikmaseme perᴋutine ᴋemakpait.

Joel 2:32

Imaitsomârporlo, neliaᴋ Nâlekab attinganut ᴋiagarsuktoᴋ piulijaujomârpoᴋ: ᴋaᴋᴋame Zioneme Jerusalememelo piulijauviksaᴋaromârpoᴋ, sorlo Nâlegaᴋ oᴋarsimangmat, amiakôjunelo Nâlekab ᴋaiᴋojangine.

Apostelit Piniarningit 2:21

Imaitsomârpok: Nâlekab atinga tailugo tuksiartoᴋ piulijaujomârpok.

I Korintemiunut 1:2

(Aglakpoguk) Gûdib ilagêktoᴋotinginut Korintemêtunut, ivjornaititaumajunut Kristûse Jêsuseme, ᴋaiᴋojaumajunut ivjornaitunit, tamainullo ilûnâne tuksiartunut Nâlegapta Kristûsib atingane, tâpkoa Nâlegangata uvagullo Nâlegapta (atingane).

Ebrêerinut 11:9

Okpernermut tujormiangolauᴋpoᴋ nuname angerutaumajome, pijaksaringitamine sorlo; tupênaᴋarlune Isaarlo Jâkolo illagivlugik, kingormgujeᴋataujûk angerutigijaumajomik tamattominga.

Josua 18:22

Beth-Araba, Zemaraim, Beth-El;

Josua 22:10

Tikkinamiglo kiglilervingmut Jordaneme Kanaanib nunanganetomut, Rubenakut Gadekullo, kinguvarêllo Manassekut ketterᴋangit sannavut tagvane Jordaneme Altaremik angijomik ânanamik.

Josua 7:2

Tagva mana Josuab, angutit tillingmagit Jerichomit Aimut, Beth-Avenemetomut Bethelib kittanetomut oᴋautilugillo: Takpaunga majorarluselo nuna nautsertorsiuk; majorarlauramiglo Ailo nautsertorlauᴋârlugit,

Josua 8:12

Tiguvaillo angutit 5,000 dikassait pitilugillo terliarsiviksamut Beth-Elib Aiblo akkorngangnut iglugasaksuit kangianut.

Josua 8:17

Unangmivâllo Josua, annilutiglo iglugasaksoarnit, angutekarungnailaungmat attautsemiglonêt Aiemê Beth-Elemêlo annilaungitomik Israelitit unangmilugit, iglugasaksuillo pallangersimanagit ᴋemakpait Israelitit unangmilugit.

Josua 8:3

Tagva Josua parngnailerpok sorsuktuksallo illunatik majoraromavlutik Aiemut. Josuablo angutit sorsuktuksat 30,000 dit annerivait tillilaitalo unnuarme;

Josua 8:30

Tagva Josuab Altare sannava Nalekamut Israelib Gudinganut, ᴋaᴋᴋame Ebalemik attelingme;

Josua 8:9

Taimak Josua tilliklerpok tagvunga, aivullo terliarsiviksamingnut, nokᴋangavullo Beth-Elib Aiblo akkorngangne, Aib kangiane. Josuale unnuarme innugasaksuit akkornganetualerpok,

Idluarsaijut 6:24

Tagva Gideon tagvane Altaremik sanavok Nâlekamut; tailugolo Nâlekamik ullapirsautelingmik. Tamna tagvanêtsainarpok sulle uvlok tamânna tikkilugo Oframe, atâtaulauktome Eseriterinut.

I Samuel 30:27

Tapkoale tilliklervigivait, Bethlehemêtut, Ramotemêtut âne, Jatiremêtut,