Genesis 12:3 - Labrador Inuttitut Heritage Bible

³ Illingnik saimausêjut saimauseromavakka, illingniglo oᴋarnerlûtjijut oᴋarnerlûtijomavakka, illikullo kinguvârêt ilûnamatsiatik nuname saimausertaujomârput.

Genesis 12:3 Iomraidhean Croise

Genesis 18:18

Abrahamit nunaᴋatigêksuit pitsartudlartut pijomârmatta, nunaᴋatigêksuillo nunamêtut ilûnamatsiatik tâpsomûna saimausertaujomârmatta?

Genesis 18:19

Kaujimavara pitjutigilâllo, perᴋojerᴋovlugo ᴋitorngaminik inuᴋotiminiglo kinguvâksaminik, Nâlekab apᴋutiksaurᴋojanginik malerᴋovlugit, idluartulivlutik ajungitulivlutiglo, Nâlegaᴋ nâmaksititserᴋovlugo Abrahamut oᴋautigijaminik.

Genesis 22:18

Kinguvâksakkullo inôᴋatigêksuit ilûnamatsiatik nuname saimausertaujomârput, nippiga nâlagangne.

Genesis 24:35

Nâlekablo angajoᴋâra saimausidlarpâ angijorortilugolo, saukaniglo, tuktuvangniglo, silberemiglo, goldemiglo, kivganiglo angutinik, kivganiglo arnanik, kamêliniglo, siuterᴋortojuniglo tunitjivigivlugo.

Genesis 25:11

Abrahablo toᴋungata kingorngagut, Gûdib erninga Isaaᴋ saimauserpâ. Isaarlo nunaᴋarpoᴋ “Omajub uvamnik takojub puilavingane.”

Genesis 26:29

Idluitulerᴋonak uvaptingnut, sorlo uvagut aktulaunginaptigit, sorlolo piniarvigigaptigit ajungitotuinarmik, aularᴋolutillo ullapirᴋsauteᴋarluta. Igvillo Nâlekamut saimausertaumavotit.

Genesis 26:4

Kinguvâksatillo unuksivalliatitsomavakka ᴋilaub uvloriangititut, kinguvâksarnullo nunat tamakkoa tamaita tunijomavakka. Kinguvâksakullo inôᴋatigêksuit nunamêtut ilûnamatsiatik saimausertaujomârput,

Genesis 27:29

Inugasaksuit kivgartoraksarivâtit, inôᴋatigêksuillo pâmaktervigijaksarivâtit. Attaniolerit ᴋatangutingnut, anânavillo ᴋitorngangita pâmaktervigijaksarivâtit. Illingnik oᴋauteᴋaluktoᴋ oᴋauserlugviole, illingniglo saimarsaijoᴋ saimausertaule!

Genesis 28:14

Kinguvâksatillo nunab sanningititut unuktigijomârput, siamaromârpotillo paunga taunungalo avungalo aungallo, illikkullo kinguvâksakullo kinguvârêt nunamêtut ilûnamatsiatik saimausertaujomârput.

Genesis 30:27

Labanib oᴋautivâ: Ijîkpit sângangne saimaneᴋsilangatôᴋ. Tukkisivunga, Nâlekab saimausermanga igvit pivlutit.

Genesis 30:30

Ikitunik perᴋuteᴋalauᴋpotit tikkigama, siamarlutigle unuksivalliadlarput, Nâlekablo saimauserpâtit aulanipkut tamât. Kissiane ᴋanga iglo nangminiksara issumagijaksarivigô?

Genesis 39:5

Pijoᴋarporlo, pimaklertungortingmago igluminik perᴋutiminiglo tamainik, taimangat Nâlekab Egiptenemiub iglunga piloriktipâ Josefe pivlugo. Nâlekablo piloriktitsininga atorpoᴋ perᴋutinginut tamainut iglomelo perorsêvingmelo.

Imgerut 72:17

Attinga itsainaromârpok issoᴋangitomut; seᴋᴋineᴋarningane attinga kinguvângnut tôgomârpok, saimausertaujomârpullo tâpsomunga; nallojut illunatik nakorijomârpât.

Exodus 23:22

Nipingale nâlatsiarungne, piniarlutillo tamainik oᴋauserijamnik, omisukteojomavunga omigijingnut, akkerartorteovlungalo akkerartortingnut.

Numbers 24:9

Aᴋopivoᴋ, palungavoᴋ loevetut, pûsevâluktullo; kia tupaksarniarᴋaûk? Saimarsartaule saimarsaijoᴋ ilingnik, ôminarsijaulelo ôminarsiᴋojijoᴋ ilingnik.

Mattêuse 25:40

Nâlekablo kioniarpait oᴋautivlugillo: Âhamarik oᴋaupapse: Ukkua ᴋatangutima mikinerojut ilangat sumik pitinapsiuk, tamattominga uvanga pilaukpapsinga.

Mattêuse 25:45

Tagva kioniarivait oᴋarlunalo: Âhamarik oᴋaupapse: Ukkua mikinerojut ilangat sumik pitinginapsiuk, tamattominga uvanga pilaunginivapsinga.

Lukase 24:27

Môseselo nalautaijullo tamaita oᴋautigilerpait tâpkungnunga, aglangniglo tamainik aglaksimajunik tâpsominga tukkisititsiarlugik nalojungnaitipak.

Rômiunut 4:11

Kipimanerle pivâ nalunaikutarilugo, naᴋitjutauᴋovlugo idluarsitisimanermut, okpernermit pijomut, okpernermit kipimalugane pigijarêrtaminit; taimailerdlune atâtaulerᴋovlugo okpertunut ilûnainut kipimangigalloartunut, tâpkoatauᴋ tamattominga idluarsititaujuteᴋarᴋovlugit.

I Korintemiunut 1:30

Tâpsomûnale ilipse Kristûse Jêsusemêpose; tâmna Gûdib illisimajutiksangortipâ uvaptingnut, idluarsijutiksangordlugolo, ivjornaijutiksangordlugolo, piulijaujutiksangordlugolo.

Galâtsiamiunut 3:16

Abrahâle kinguvâksangalo angersimaviovuk. (Gûdible) oᴋausingit imaingilat: “kinguvâksanut,” unuktôtidlugit, kissiane atausiotidlugo imâk: “kinguvâksarnut;” tâmna Kristuseovoᴋ.

Galâtsiamiunut 3:28

Tagvane Jûdillônêt Grîᴋillônêt, tagvane kivgallônêt kivgaungitullônêt, tagvane angutillônêt arnallônêt adsigêngitoᴋangilat; ilûnase atausiogapse Kristuse Jêsuseme.

Galâtsiamiunut 3:8

Aglaille sivorngagut nelonaititsilauramik, Gûdib nelojut okpernermut idluarsitingmagit, Abrahâ ᴋaujitipât, ilikut kinguvârêt ilûnamatsiatik saimausertaujomârput.

Efêsusemiunut 1:3

Nertortaule Gûde Nâlegaptalo Jêsusib Kristusib Atâtanga, saimausermatigut anernilingnut saimanartunut sunatuinarnut, ᴋilaub pinginik illangiutitiluta Kristuseme.

Kolossamiunut 3:11

Tamattomane pitsangilat Grîᴋillo, Jûdillo, kipimajullo, kipimangitullo, Grîᴋiungitullo, Skitillo, kivgallo, kivgaungitullo: Kristûsele tamaitaksoarnik tamaine pitôvok.

Takotitaunermik 7:9

Mattoma kingorngane takogivunga, ahâglo, inugasaksoarnik kititaujungnangitunik kimut, nelojunit tamainit, inugasaksoarnillo, ingmigôlingajuniglo oᴋauselingnit, iksivautaᴋsûb sângane nangertunik, Saugârsûblo sângane, annorârsimajunik ᴋaᴋortanik, aggangmingnelo Palminik tigumiarlutik.