Genesis 12:2 - Labrador Inuttitut Heritage Bible

² Inugasaksoangortitsomavagit saimauserlutillo, attillo nertornartitsomavara saimanartitsomavlutillo.

Genesis 12:2 Iomraidhean Croise

Genesis 13:16

Kinguvâksatillo unuksivalliatitsomavakka sanniktitut nuname. Sanningnik nunamêtunik kittitsijungnartoᴋarpat, tâpsoma kinguvâksatittauᴋ kittinajarivait.

Genesis 15:5

Anerᴋovâlo sillamut oᴋautivlugolo: Attê, ᴋilak ârlorvigiuk uvloritjallo kittikit, kittilugit sappingikungne. Imâglo oᴋautivâ: Taimaituksauvut kinguvâksatit.

Genesis 17:20

Ismaêlelo pivlugo tussarivagittauᴋ: Ahâk, pitsartutipara kinguvâksatâᴋattartitsomavaralo unuksivalliadlartitsomavlugolo. Attanernik 12nik ernertâromârpoᴋ inugasaksoangortitsomavaralo.

Genesis 18:18

Abrahamit nunaᴋatigêksuit pitsartudlartut pijomârmatta, nunaᴋatigêksuillo nunamêtut ilûnamatsiatik tâpsomûna saimausertaujomârmatta?

Genesis 18:19

Kaujimavara pitjutigilâllo, perᴋojerᴋovlugo ᴋitorngaminik inuᴋotiminiglo kinguvâksaminik, Nâlekab apᴋutiksaurᴋojanginik malerᴋovlugit, idluartulivlutik ajungitulivlutiglo, Nâlegaᴋ nâmaksititserᴋovlugo Abrahamut oᴋautigijaminik.

Genesis 19:29

Gûdible iglugasaksuit nunab tamattoma erᴋânêtut asseroramigit, Abraha erᴋaumavâ, Lotelo aulartipâ iglugasaksoarnit mumiktaminit, Lotib nunagilauᴋtanginit.

Genesis 24:1

Abraha inutoᴋaulerpoᴋ, jâringit unuktôtilugit Nâlekablo saimauserpâ (ilinganingine) tamaine.

Genesis 24:35

Nâlekablo angajoᴋâra saimausidlarpâ angijorortilugolo, saukaniglo, tuktuvangniglo, silberemiglo, goldemiglo, kivganiglo angutinik, kivganiglo arnanik, kamêliniglo, siuterᴋortojuniglo tunitjivigivlugo.

Genesis 25:11

Abrahablo toᴋungata kingorngagut, Gûdib erninga Isaaᴋ saimauserpâ. Isaarlo nunaᴋarpoᴋ “Omajub uvamnik takojub puilavingane.”

Genesis 26:3

Nuname mattomane tujormiangolerit, uvangalo illagijomavagit saimauserlutit, illingnut kinguvâksarnullo nunat tamakkoa tamaita tunijomagapkit, angerneralo angernerijara atâtangnut Abrahamut soᴋosijuititsomavara.

Genesis 26:4

Kinguvâksatillo unuksivalliatitsomavakka ᴋilaub uvloriangititut, kinguvâksarnullo nunat tamakkoa tamaita tunijomavakka. Kinguvâksakullo inôᴋatigêksuit nunamêtut ilûnamatsiatik saimausertaujomârput,

Genesis 27:29

Inugasaksuit kivgartoraksarivâtit, inôᴋatigêksuillo pâmaktervigijaksarivâtit. Attaniolerit ᴋatangutingnut, anânavillo ᴋitorngangita pâmaktervigijaksarivâtit. Illingnik oᴋauteᴋaluktoᴋ oᴋauserlugviole, illingniglo saimarsaijoᴋ saimausertaule!

Genesis 28:14

Kinguvâksatillo nunab sanningititut unuktigijomârput, siamaromârpotillo paunga taunungalo avungalo aungallo, illikkullo kinguvâksakullo kinguvârêt nunamêtut ilûnamatsiatik saimausertaujomârput.

Genesis 35:11

Gûdiblo oᴋautivâ: Uvanga Gûdeovunga ajugaᴋangitoᴋ. Kinguvâktâᴋattarit unuksivalliavlutit; inôᴋatigêt, illa inôᴋatigêksuit illingnit pijomârput, attanîllo makkitingnit pijomârput.

Genesis 46:3

Oᴋautivâlo: Uvanga Gûdeovunga, atâtavit Gûdinga; sivôranak, attersartuksaugavit Egiptenemut, tagvane inugasaksoangortitsomagapkit.

II Samuel 7:9

Aiparilaukpagillo namut aivigilauktarnut, omigijitillo illunaita sivunerne pêjarlaukpakka, atteᴋartilaukpagillo angijomik, sorlo angijoksuit nunamêtut attingititut.

I Atannit 1:47

Atanniublo kivgangit ittersimavut ᴋammunga, Nâlegavut Davide saimartilugo, oᴋalaukpullo: Gûdivit Salomob atinga anginersautiliuk aternit, iksivautangalo anginersautiliuk iksivautarnit. Atannerlo opigosulaukpok innangavingme.

Hiobe 35:8

“Inuk illiktut itok kassênivit sunamik piniarvigijungnaralloarpâ, inublo ᴋittornganga idluarnivît.

Imgerut 107:38

Pitsartutipaillo unnuksivalliadlarᴋovlugit, nergjutingillo ikkitôtilungilait;

Exodus 1:7

Israêlikut, kinguvâktâᴋatarlutik pivallialerput unuksivallialutiglo angijororpalliadlarlutiglo; nunalo nâmavât tâpkoa.

Exodus 32:10

Taimaimat pagvisarniarnanga mânna, ningaumajârnera ônarserᴋovlugo tâpkonunga, nungulugillo perᴋovlunga; igvillo inôᴋatigêksoangortitsomavagit.

Jesaiase 51:2

Abraha takonârsiuk atâtagijase, Sâralo illipsingnik ernijoᴋ! Attausiotillugo ᴋairᴋovara saimauserlugolo ᴋitorngaᴋartillugolo unuktunik.

Hesekiel 34:26

Saimauseromârpakkalo tâpkoalo ᴋaᴋᴋamalo avatânêtut; silaluᴋojijomârpungalo neliuningine; suarutseraromârpok saimanartolingnik.

Migga 7:20

Nertornarnît unertutigilârpat Jakomut, nâpkiningnîllo Abrahamut, angerutigilauᴋtatit atâtagijaptingnut itsarsoarme.

Saggaria 8:13

Imaitsomârporlo, sorlo ômisautiksaulaurapse inôᴋatigêksuit akorngane, ilipse Jûdab Israêliblo ᴋitorngangit, taimak piulijomavapse, saimarsautiksangolârposelo: sivôraniarase, aggaselo pitsartutisigik.

Numbers 14:12

Nusilingnartomut annaudlaromavakka kingormgujijuksaujungnaitilugillo, inôᴋatigêksoangortitsijomavungalo ilingnit anginersaujunik sôngonersaujuniglo tâpkonangat.

Numbers 22:12

Gûdiblo Bâlaam oᴋautivâ: Ilaujuksaungilatit tâpkonunga; inuit tâpkoa ôminarsijauᴋojaksaringilatit; saimartitaungmatta.

Numbers 23:20

Ahâk, saimartitsiᴋojauvunga: tâmnalo saimartitsisimavoᴋ, uvangalo oggotitsungnangilara.

Rômiunut 4:11

Kipimanerle pivâ nalunaikutarilugo, naᴋitjutauᴋovlugo idluarsitisimanermut, okpernermit pijomut, okpernermit kipimalugane pigijarêrtaminit; taimailerdlune atâtaulerᴋovlugo okpertunut ilûnainut kipimangigalloartunut, tâpkoatauᴋ tamattominga idluarsititaujuteᴋarᴋovlugit.

Galâtsiamiunut 3:14

Abrahâb saimautjauninga perᴋovlugo nelojunut Kristuse Jêsusikut, Anernermik angerutaumajomik peᴋarᴋovluta okpernermut.

Galâtsiamiunut 3:7

Tamattomangat tagva ᴋaujijungnarpose, okpernermit pijut, tâpkoa Abrahâb ᴋitorngarivait.

Deuteronomy 26:5

Kiovlutillo oᴋartuksauvotit Nâlekab Gûdivît sângane: Atâtaga Siriamiongolauᴋpok nuktartok, atersârporlo Egiptenemut, tagvanelo tujormiangovok, ikitunik ilaᴋarlune; tagvanele inôᴋatigêksoangolerpok angijut, pitsartujut, unuktôvlutiglo.