Genesis 11:7 - Labrador Inuttitut Heritage Bible

⁷ Attê, aᴋᴋalauᴋta kanunga, oᴋausingit adsigêgungnairtilugit, aipâ aipame oᴋausinginik tukkisijungnairᴋovlugo.

Genesis 11:7 Iomraidhean Croise

Genesis 1:26

Gûdelo oᴋarpoᴋ: Inuliorta adsilivluta, uvaptitutituksanik, attaniojuksanik mingeritjanut imarbingmêtunut, tingmitjanullo ᴋilaub attânêtunut, nergjutinullo, nunamullo ilûnânut, pâmgortunullo tamainut, aulajunut nuname.

Genesis 10:20

Tamadja Hamib kinguvângit ingmikut ᴋitorngarêt, ingmikut oᴋauselît, ingmikut nunalît, ingmikut inôᴋatigêt.

Genesis 10:32

Tapkoangovut Noab erningita kinguvângit ingmikut illagêt, ingmikut inôᴋatigêt. Tâpkonangat inuit siamarsimavut nuname ullitornivaksûb kingorngagut.

Genesis 10:5

Tâpkonangat nallojut ᴋikertangit inuᴋalerput nunaᴋarvingitigut ingmikut oᴋauselingnik, ingmikut ᴋitorngarênik.

Genesis 11:5

Tagva Nâlegaᴋ aᴋᴋarpoᴋ, iglugasaksuit nuvuguseᴋsoarlo takojartorlugit, inuit ᴋitorngangita senajangit.

Genesis 3:22

Gûdelo Nâlegaᴋ oᴋarpoᴋ: Takovase, Adame uvaptitunilertoᴋ, ajungitomiglo ajortomiglo illisimajoᴋ. Mânale issaktailijaule, tigusivlune napârtomit ômanartomit nerrivlunelo inôlerlunelo soraijuitomik:

Genesis 42:23

Nallovulle, Josefib tukisingmagit, oᴋarteᴋarlune oᴋarvigingmagit.

Hiobe 12:20

Tâpsoma mikseᴋârtut kângasinângit allartipait inutoᴋaujullo tukkisiningit pêrpâ.

Imgerut 2:4

ᴋillangmêtuble ijutigivait, Nâlekablo mittautigivait.

Imgerut 33:10

Nâlekab nallojut ᴋajusimaningit asserorpait, innuᴋattigêksuillo issumangit sangutipait.

Imgerut 55:9

Ekit Nâlegak, oᴋangillo adsigêgungnaitikit; pinniarlungnernik akkerartornermiglo takkogama iglugasaksoarne;

Exodus 4:11

Nâlekable oᴋautivâ: Kia inuit ᴋaneᴋartipagît? Ubvalo kia oᴋajuitut tussilartullo tautuktullo tautungitullo taimaitipagît? Uvanga Nâlegak pingitungâ?

Jesaiase 33:19

Nunaᴋatigêksuit iktôriktaitut takkojungnairomârpattit, oᴋauseᴋartut nallonartunik, ajornartunik, kutaktutitut oᴋauseᴋartut tukkisinangitunik.

Jesaiase 6:8

Nâlekablo nippinga tussarpara imâk oᴋartoᴋ: Kina tillijaksarivigô: kina uvaptingnut tillijaujomavâ? Uvangale oᴋarpunga: Tagga uvanga, tillilaunga!

Jeremia 5:15

Ahâk, Ilipse Israêlib ᴋitorngangit, ilipsingnut tikiutjijomavunga inôᴋatigêksoarnik ungasidlartomit, inôᴋatigêksoarnik sôngojoᴋsoarnik, inôᴋatigêksoarnik itsarsoarnit inôᴋatigêngolauᴋtunik, inôᴋatigêksoarnik oᴋauseᴋartunik ᴋaujimangitarnik, tukkisijungnangitarniglônêt ᴋanoᴋ oᴋarmangâta.

I Korintemiunut 14:23

Ilagêt iluengarlutik atautsime katimalerunik ilûnatiglo oᴋautsit tussarngartat atorlugit oᴋâlakpatta; ilisimangitullo okpingitullônêt iterunik, tâpkonunga ilisimainerartaunajangilasê?

Deuteronomy 28:49

Nâlekab inôᴋatigêksuit tikiutilârpait ilingnut ungasidlartomit, nunab issuanit, sorlo nektoralik tingimat; inôᴋatigêksuit nelojarnik oᴋauselit;