Genesis 1:9 - Labrador Inuttitut Heritage Bible

⁹ Gudelo oᴋarpoᴋ: Imaᴋsuit ᴋilaub atânêtut atautsemut katersorlit, ipterilingajoᴋ takuksaurᴋovlugo. Taimailerporlo.

Genesis 1:9 Iomraidhean Croise

Genesis 1:8

Aulangitorlo Gûdib ᴋilangmik taivâ. Tagva unnungorpok uvlângorlunelo, uvlub aipanga.

Nehemia 9:6

Nâlegak igvitôvotit, igvit ᴋilak pingortilaukpat, ᴋilaillo tamaita ᴋilangit, katimgajoksoangit illaliudlugit, nuna tamaitalo tapsomanêtut, immarbiksuit, tamaitalo tapᴋoa ilûanêtut. Igvillo tamaita pairivattit; ᴋilangmiugaseksuillo tuksiarvigivâtit.

Hiobe 26:10

Imaksuit avatâne kiglilerveᴋartitsilaukpok, ᴋaumajub târniublo nâningak tikkidlugo.

Hiobe 26:7

Tâpsoma unnuab ketterarninga issivipâ pittaᴋajuitub ᴋânganut, nunalo nivingatipâ sunaungitomut.

Imgerut 104:3

Igvit igloᴋotitit kattigoliungatipattit imermut; igvit nuvujat aksalloaligivâttit; agvertarpotit annorib esarungita ᴋângine.

Imgerut 33:7

Immarbiub imaksoangit kattersorpait attautsemut sorlo, pivianartotaliᴋotiminut malliksuit pitipait.

Imgerut 95:5

Imarbik perᴋutigivâ, tâpsomalo sannalaukpâ, aggangita ipterilingajok âᴋilaukpât.

Okaluktok 1:7

Kôgut ilûnatik kôlerput imarbingmut, sullelo imarbik ullipkinersaulerlungilak; innimut kôgut annitainarvigijamingnut, tagvunga kôlerivut.

Jeremia 5:22

Sivôragilungilapsingâ? Nâlagaᴋ oᴋarpoᴋ; sajugomangilasê sâmne, ilijilauᴋtunga siorᴋanik imarbiub kiglilervigijaksarijangane perᴋojamut soᴋosijuitomut ᴋângiutijungnarᴋonago tapsomingâ? Maliksoangillo aksapâkaloaleraloarpattalônêt suliniangilat; iktulijaraloarpattalônêt ᴋângiutilugo ajulerput.

Jona 1:9

Oᴋautivaillo: Ebreeriovunga: Nâlegarlo ᴋilaub Gudinga imarbingmik nunamiglo pingortitsijoᴋ, sivôragivara.

II Pêtrusib 3:5

Kaujimangilalle, ᴋaujijomanginamik, ᴋilak itsaᴋ Gûdib oᴋausinganut pingmat, nunalo imânit, imânêdlunelo;

Takotitaunermik 10:6

Tâmnalo taivlugo, inôjok issoᴋangitomit issoᴋangitomut, pingortitsilauktok ᴋilangmik ᴋilangmêtuniglo, nunamiglo nunamêtuniglo imarbingmiglo imarbingmêtuniglo, (Engele) oᴋamarikpok, mânamit neliuneᴋarungnairtuksaungmat;