Genesis 1:26 - Labrador Inuttitut Heritage Bible

²⁶ Gûdelo oᴋarpoᴋ: Inuliorta adsilivluta, uvaptitutituksanik, attaniojuksanik mingeritjanut imarbingmêtunut, tingmitjanullo ᴋilaub attânêtunut, nergjutinullo, nunamullo ilûnânut, pâmgortunullo tamainut, aulajunut nuname.

Genesis 1:26 Iomraidhean Croise

Genesis 11:7

Attê, aᴋᴋalauᴋta kanunga, oᴋausingit adsigêgungnairtilugit, aipâ aipame oᴋausinginik tukkisijungnairᴋovlugo.

Genesis 2:19

Gûdib Nâlekab ivjomit saᴋᴋertinamigit ômajut tamaita naternamêtut, tingmitjallo tamaita ᴋilaub atânêtut, pitipait inungmut, nautsertoromavlune, ᴋanoᴋ tainiarmangâgit; ᴋanorlo inub ômajut tarnelît tamaita tainiarmagit, tagva attiksangit.

Genesis 3:22

Gûdelo Nâlegaᴋ oᴋarpoᴋ: Takovase, Adame uvaptitunilertoᴋ, ajungitomiglo ajortomiglo illisimajoᴋ. Mânale issaktailijaule, tigusivlune napârtomit ômanartomit nerrivlunelo inôlerlunelo soraijuitomik:

Genesis 5:1

Tamadja aglait inuit kinguvârêngninginik. Taipsomane Gûdib inuk pingortinamiuk, sanavâ Gûde adsilivlugo.

Genesis 9:6

Nalliat inub aunganik kovisijoᴋ, tâpsoma aungatauᴋ inungmut kovijaujuksauvoᴋ; Gûdib inuk sanangmago ingminik adsilivlune.

Hiobe 35:10

“Oᴋartoᴋangilarle: Gûde pingortitiga nanêᴋâ, imgerneᴋartitsijok unuarme?

Hiobe 39:11

“Sungertutigijungnarᴋiuk sôngojoksongmat? Sanaᴋoniarᴋiuglo illingnut?

Hiobe 5:23

Angerᴋattigêngneᴋarniarpotille ujarᴋanik naternamêtunnik, ômajullo nujuartut nuname ullapirsauteᴋarᴋattiginiarpâtit.

Imgerut 100:3

Illitarksileritse Nâlegak Gudeôngmat. Tâpsoma sannalaukpâtigut, nangmineungitogullo, innuᴋotautiluta ingminut saugaᴋutautilutalo mianersinerminut.

Imgerut 149:2

Israelitit sannajigilauktatik ᴋuviagilitsuk; Zionib ᴋittorngangita attannitik serrigilitsuk.

Okaluktok 7:29

Ahâk, tamanna kisiane nachvârlaukpara, Gûdib inuk nellâgôrtilugo sennalaungmago; tâpkoale issumalinganartunik unuktunik kennerasuarput.

Imgerusersoak 1:11

Mattarêkutinik Goldeojunik taksapatâlingnik Silbereojunik sannavigijomavaptigit.

Jesaiase 45:18

Imâk oᴋarpoᴋ Nâlegaᴋ, ᴋilangmik pingortitsijoᴋ, Gûdeojoᴋ, nunamik sanajoᴋ âᴋiksorlugolo tunganelivlugolo; — tamannalo pingortilungilâ inuᴋartailivlugo, inuᴋarᴋovlugole âᴋiksorpâ — : Uvanga Nâlegauvunga assimniglo Nâlegaᴋangilaᴋ.

Jesaiase 6:8

Nâlekablo nippinga tussarpara imâk oᴋartoᴋ: Kina tillijaksarivigô: kina uvaptingnut tillijaujomavâ? Uvangale oᴋarpunga: Tagga uvanga, tillilaunga!

Jesaiase 64:8

Mãnale, Nâlegaᴋ, igvit atâtagivaptigit; uvagut machauvogut, igvit machaliortigivaptigit; tamapta aggangnut sanajaumavogut.

Jeremia 27:6

Mânalo nunat ukkua ilûnaita tunisimavakka Nebukadnezarib, Babilonib ataningata, kivgama agganginut; ômajullo nujoartut naternamêtut tunisimagivakka tâpsomunga kivgartortuksauᴋovlugit tâpsominga.

Johannese 14:23

Jêsusib kiovâ oᴋautivlugolo: Uvamnik nagliktub oᴋausikka malingniarpait; Atâtamalo nagliginiarpâ, tikiniarpavuglo inigijartorlugo.

Johannese 5:17

Jêsusible kiovait: Atâtaga mânamut tikidlune piniarpok uvangalo piniarivunga.

Apostelit Piniarningit 17:20

Siutiptingnut tusarngartanik pigavit; tagva tusaromadlarpogut tamattominga, ᴋanok tukeᴋarmangât.

Apostelit Piniarningit 17:26

Inugasaksuillo kinguvângoᴋatigêt tamaita pingortilaukpait aungmit atautsemit, nunaksoak ilûnât inuᴋalertilugo, sivorngagullo isumasimatigivait naliuningita sivitujariangit, ᴋanorlo ᴋaningitigijomut nunaᴋariangit;

I Korintemiunut 11:7

Angulle nessarsimajuksaungilak, adsiutaungmat Gûdemut, tâpsomalo nertornautigingmago: angutible arnak nertornautigivâ.

II Korintemiunut 3:18

Ilûnatale kênaptigut tâlutaᴋangitogut, sôrlo tachartôtikut Nâlekab pinnarnarninga tautukpavut, ablatsângortitaulerlutalo adsigilugo, pinnarnartomit piluta pinnarnartomut, Nâlekamit Anerniojomit (taimaititauvluta).

II Korintemiunut 4:4

Silaᴋsûb tamattoma Gûdingata okpingitut taipkoa issumangît takpêtilauᴋpait, oᴋautsit tussarnertut Kristûsemik, Gûdib adsingata pinnarnarninganik, ᴋaumaningat ᴋaumaᴋonago taipkonunga.

Efêsusemiunut 4:24

Inuktârlo atiniarsiuk, Gûde adsilivlugo pingortisimajoᴋ idluarnerme, ajunginermelo, ivsornainermelo.

Kolossamiunut 1:15

Tâmna Gûdib takuksaungitub adsiluanga, erniangoᴋârtok pingortitaumajunit ilûnainit.

Kolossamiunut 3:10

Inuktârle atilersiuk, nutângolertok ilisimaneᴋartuksauvlune, pingortitine adsigivlugo.

Jâkobusib 3:7

Nergjutillo tingmitjallo ᴋuglugiallo ômajoksuillo imaᴋsiutit ilûnatik nujuititaulerput, inungnut pitsartuêrutijauvlutik;

Jâkobusib 3:9

Tâpsomunga Gûde Atâta nakoridlarpavut, tâpsomungatauk inuit piluktauᴋovavut, Gûdib adsinganut pingortisimajut.

I Johannesib 5:7

Pingasôngmatta kigligiutsijut (ᴋilangmi: Atâta Oᴋauserlo, Anernerlo ajunginiᴋ; pingasullo tâpkoa atausiovut.