Genesis 1:21 - Labrador Inuttitut Heritage Bible

²¹ Gûdiblo pingortipait imaᴋsiutit angijut, ômajullo tarnilît tamaita aulajut, imab aulavigijingit, tamaita ingmikut pitjutilît, tingmitjallo esarolît tamaita, tamaita ingmikut pitjutilît. Gûdelo takovoᴋ nâmangmat.

Genesis 1:21 Iomraidhean Croise

Genesis 1:18

Attanioterᴋovlugillo uvlormut unnuarmullo, aviktitserᴋovlugillo ᴋaumajomiglo tâᴋtomiglo. Gûdelo takovoᴋ nâmangmat.

Genesis 1:20

Gudelo oᴋarpoᴋ: Imaᴋ aulaviole ômajunut tarnelingnut aulajunut, tingmitjallo tingilit nuname ᴋilaub aulangitub atâne.

Genesis 1:22

Gûdiblo saimauserpait oᴋarlunelo: Kinguvâktâᴋattarluse unuksivalliatitse, imarbiksûb imanga nâmavlugo, tingmitjallo unuksivallialit nuname.

Genesis 1:25

Gûdiblo pingortipait ômajut nunaᴋsiutit, tamaita ingmikut pitjutilît, nergjutillo ingmikut pitjutilît, tamaitalo pâmgortut ivjome ingmikut pitjutilît. Gûdelo takovoᴋ nâmangmat.

Genesis 1:31

Gûdiblo pingortitane tamaita ullernaigigamigit, takovoᴋ nâmadlarmatta. Tagva unnungorpoᴋ uvlângorlunelo, uvlut satsingat.

Genesis 2:19

Gûdib Nâlekab ivjomit saᴋᴋertinamigit ômajut tamaita naternamêtut, tingmitjallo tamaita ᴋilaub atânêtut, pitipait inungmut, nautsertoromavlune, ᴋanoᴋ tainiarmangâgit; ᴋanorlo inub ômajut tarnelît tamaita tainiarmagit, tagva attiksangit.

Genesis 6:20

Tingmitjat ingmikut pitjutilît, nergjutillo ingmikut pitjutilît, pâmgortullo sunatuinait nunamêtut ingmikut pitjutilît illangit, attunit aiparêklutik itertuksauvut illingnut toᴋotailititaurᴋovlugit.

Genesis 7:14

Taimaktauᴋ ômajut sunatuinait ingmikut pitjutilît, nergjutillo sunatuinait ingmikut pitjutilît, pâmgortullo sunatuinait pâmgorpaktut nuname ingmikut pitjutilît, tingmitjallo sunatuinait ingmikut pitjutilît, tingijungnartut ilûnatik, esaroᴋartut ilûnatik.

Genesis 8:17

Omajullo ilûnatik illingnêtut, uvinilît ilûnatik illagijangit, tingmitjallo nergjutillo pâmgortullo ilûnatik pâmgorpaktut nuname annilit illagivlutit; pivalliajuksauvut nuname, kinguvâktârᴋattarlutiglo unuksivalliajuksauvut nuname.

Genesis 8:19

Taimaktauᴋ ômajut ilûnatik, pâmgortullo ilûnatik, tingmitjallo ilûnatik, pâmgorpaktullo nuname ilûnatik, ingmikut illagêklutik, annilerput umiaᴋsoarmit.

Genesis 9:2

Nergjutit ilûnatik nunamêtut, tingmitjallo ilûnatik ᴋilaub atânêtut, aulajullo ilûnatik nunamêtut, mingeritjallo ilûnatik imarbingmêtut erᴋsigijaksarivâse ᴋoaᴋsârutigivluselo; aggapsingnut tunijaumavut.

Genesis 9:7

Kinguvâktâᴋattarluse unuksivallialeritse, ômaridlaritse nuname unuksivalliavluse.

Hiobe 12:7

Ilâ nergjutit appertsorkit, tâpkoa ajuᴋertorniarpâtit tamattominga, tingmitjallo ᴋilaub atâne, tâpkoa oᴋautiniarpâtit tamattominga.

Hiobe 26:5

Inukpait kappiasukput immaksuit atânne, tâpkonanelo nunaᴋartut.

Hiobe 7:12

Imarbingogalloarkik, arviolungalonêt, taimâk udsertoramga?

Imgerut 148:7

Nâlegak nertorsiuk nunamit; arviôjose, ittiniôjoselo illûnase.

Exodus 1:7

Israêlikut, kinguvâktâᴋatarlutik pivallialerput unuksivallialutiglo angijororpalliadlarlutiglo; nunalo nâmavât tâpkoa.

Exodus 8:3

Kôksoak narrâjinik nâmaniarpok, ᴋaᴋivlutiglo iglungnut tikiniarput sinigvingnullo inangavingnullo, kivgavillo iglunginut, inuᴋotivillo akornganut, igavingnullo niaᴋôjaksaliorvingnullo.

Hesekiel 32:2

Inûb erninga, Farao, Egiptenib ataninga, pivlugo ogguarit, oᴋautiuglo; Adsiutitaulauᴋpotit loevemut inôtsumut inôᴋatigêksoarne: ᴋuglugiaᴋsoangojârtotulle imarbiksoarmêtotut ilingavotit; aulajadlalauᴋpotit kôksoarne, ittigangnullo imeᴋ issortipat, kôngit salumaitidlarlugit.

Jona 1:17

Nâlekable imarbiksiut ômajoâluk atuinarupâ Jônamik esiᴋovlugo; Jônalo imaᴋsiutib aᴋearoata iluanêpoᴋ uvlut pingasut unnuallo pingasut nâvlugit.

Jona 2:10

Nâlekablo ômajoâluk oᴋautivâ, tâpsomalo Jôna merriarpâ nunamut.

Mattêuse 12:40

Sorlo Jônase uvlune pingasune unnuanalo pingasune arviub nânganêlaungmat; taimâktauk Inûb Erninga uvlune pingasune unnuanalo pingasune nunab iluanêtsomârpok.