Genesis 1:12 - Labrador Inuttitut Heritage Bible

¹² Nunamillo nuilerput iviksukkat perortullo kingorliksatalît, ilûnatik ingmikut pitjutilît, napârtullo paungalivaktut ingmingne kingorliksataᴋartunik, ilûnatik ingmiknt pitjutilît. Gûdelo takovoᴋ nâmangmat.

Genesis 1:12 Iomraidhean Croise

Genesis 1:11

Gûdelo oᴋarpoᴋ: Nunamit nuilerlit iviksukkat, perortullo kingorliksatalît, napârtullo, paungalît, paungalivaktut ingmingne kingorliksataᴋartunik nuname, ilûnatik ingmikut pitjutilît. Taimaiporlo.

Genesis 1:13

Tagva unnungorpoᴋ uvlângorlunelo, uvluk pingajuak.

Imgerut 104:14

Iviksuᴋanik perorᴋojivotit nergjutinnut perortutsianiglo Inuit attoraksanginik, nerᴋiᴋsannik ᴋaitsilutit nunab illuanit;

Jesaiase 61:11

Sôrlo nunab perorsiaksat perortingmagit, sôrlolo perorsêviub karngasortaumajut nuilertingmagit, taimaktauᴋ Nâlegaᴋ Gûde nuilertitsijomârpoᴋ idluarnermik nertornautiksamiglo nallojut illûnamatsiatik takkoanne.

Markuse 4:28

Nunab ingminik iviksukat perorterᴋârpait, kingorngagut sulugainingit, kingorngagullo sulugainerit senaugaksanik perorsiaksataᴋalerput.

Lukase 6:44

Napârtut ilûnatik nalonangilat paungamingnit. Paungatannait pêjarniangilait kakilanartunit, paungallônêt katersornianginivait ukpiganit kakilautilingnit.

II Korintemiunut 9:10

Karngasoijomulle tunijijoᴋ karngasûtinik, ᴋaᴋᴋôjaniktauᴋ nerᴋiksanik tunijijomârivoᴋ, karngasûtiselo unuksivalliatitsomârpait aglivalliatilugillo idluarnipse perortitangit.

Galâtsiamiunut 6:7

Tammarniarase Gûde mitautigijaujomangilaᴋ; inuk karngasortaminik katersoijomârmat.

Ebrêerinut 6:7

Nuna miluartoᴋ silalungmik katagvigiᴋattartiminik, tâpsominga senajut piksarsiorlugit perorsianik idluartunik, saimaudjaulârmat Gûdemut;