Genesis 1:1 - Labrador Inuttitut Heritage Bible

¹ Pigiarnerme Gûdib ᴋilaglo nunalo pingortipak.

Genesis 1:1 Iomraidhean Croise

II Atannit 19:15

Hiskialo tuksiarpok Nâlekab sângane oᴋarlunelo: Nâlegak Israelib Gûdinga, Kerubimit ᴋângine iksivajotit, igvit Gûdetôvotit atanniovingnut nunamêtunut ilunnainut, igvit ᴋilangmik nunamiglo pingortitsilaukpotit.

I Kronika 16:26

Nallojut ilûnamasiatik Gûdingit Gûdingoangongmatta, Nalekable ᴋilak sanalaukpâ.

II Kronika 2:11

Tagva Hirame Tirusemiut attanningat aglaktigut oᴋarpok, tilliklerlunelo Salomomut: Nalekab innuᴋotine nagligingmagit, igvit attanningortilaukpâtit tapᴋonunga.

Nehemia 9:6

Nâlegak igvitôvotit, igvit ᴋilak pingortilaukpat, ᴋilaillo tamaita ᴋilangit, katimgajoksoangit illaliudlugit, nuna tamaitalo tapsomanêtut, immarbiksuit, tamaitalo tapᴋoa ilûanêtut. Igvillo tamaita pairivattit; ᴋilangmiugaseksuillo tuksiarvigivâtit.

Hiobe 26:13

ᴋilangme ânanaulerpok annoringanut; aggangita kuglugiak naggojok sanavât.

Hiobe 38:4

“Nanêlaukît nuna tunganektâlaurapᴋo? Oᴋautinga, taimâk sillatutigijôvît?

Hiobe 9:8

ᴋillak issivipâ inutôlune, pisuklunelo imarbiksûb mallingita ᴋânginne.

Imgerut 102:25

Igvit sivurngane nuna tunganektâlaukpat, aggakpîllo ᴋillait sannagivait.

Imgerut 104:24

Nâlegak pinniarnitit angijovaksôvut, ila unudlartoksôvlutiglo. Illûnaita sillatôvlutit âᴋiksulaukpâttit, nunalo nâmavok perᴋutingnik.

Imgerut 104:30

Igvit annernît aulartipat, tagva pingortitauvut; nunablo tautua nutângortipat.

Imgerut 115:15

Illipse pitsartutitauvose Nâlekamut, ᴋillangmik nunamiglo pingortitsijomut.

Imgerut 121:2

Ikajortaunera Nâlekamit pivok ᴋillangmik nunamiglo sannalauktomit.

Imgerut 124:8

Ikajortaunivut Nâlekab attinganêpok, ᴋillangmik nunamiglo sannalauktub.

Imgerut 134:3

Nâlekab pitsartutilitit Zionemit, ᴋillangmiglo nunamiglo sannalauktub.

Imgerut 136:5

Sillatovlune ᴋillangmik senalauktok; pitsiarninga îtsainarmat issoᴋangitomut.

Imgerut 146:6

Sannalauktomik ᴋillangmik, nunamik, imarbingmik; tamainiglo tâpᴋonanêtunik; okpernartomiglo issoᴋangitomut.

Imgerut 33:6

ᴋillait Nâlekab oᴋausinginut pingortitauvut, tamaitalo kattimgajoᴋotingit tâpsoma ᴋaningata annerninganut.

Imgerut 33:9

Tâmnale sumik oᴋarpât taimailerpok tâva; perᴋojikpat innerpok tâva.

Imgerut 8:3

Takkonârupkit ᴋillait aggakpit sannamaningit, takᴋerlo uvloritsallo pingortilauktattit:

Imgerut 8:4

Innuk sunauvâ, erᴋarangne, inublo ᴋittornganga naipertorangne?

Imgerut 90:2

Innungnik sanningortitsijotit, oᴋarlutillo: Utteritse inuit ᴋittorngangit.

Imgerut 96:5

Innuᴋattigêksuit Gûdingit Gûdingoangôvut; Nâlekable ᴋillak sannalaukpâ.

Exodus 20:11

Uvlune 6ine Nâlekab ᴋilak nunalo imarbiglo ilûnnaitalo imab iluanêtut sanalaungmagit, uvlullo 7ingane merngoersilaukpok: tamanna pivlugo Nâlekab uvlok Sabbateojok saimanartipâ ivsornaitilâllo.

Exodus 31:18

ᴋiakᴋamelo Sinaime Mosese oᴋaᴋatigijarêramiuk tunitjivigivâ aglagvîngnik maggûngnik kigligiutjineᴋtalîngnik, aglagvîngnik ujarângnik, aglagviomajûngnik Gûdib tikinganut.

Salomob Okâl 16:4

Nâlegak pinniarpok tamainik pijomajane malliklugo, Gûdeᴋangitoktauk uvlormut idluinelingmut ilingatipa.

Salomob Okâl 3:19

Nâlekab ilisimanermut nuna tunganektâlaukpa, silatunerminullo ᴋilait pingortilaukpait.

Okaluktok 12:1

Pingortitit issumagiuk inôsungnerne, uvlut idluitut Tikkerᴋârtinagit, Jârillo nâjulerᴋârtinnagit, Oᴋaromâravit: ᴋuviagingilakka.

Jesaiase 37:16

Nâlegaᴋ, ᴋilangmiugasaksuit Nâlegangat, Israêlib Gûdinga, Kêrubit ᴋollãne iksivajotit, igvit kissivit Gûdeovotit nuname attaniovingnut tamainut; igvit ᴋilangmik nunamiglo pingortitsilauᴋpotit.

Jesaiase 40:21

Kaujingilasê? tussangilasê? kiglinganit oᴋaudjaungilasê? nunaᴋsûb tungaveᴋartitauninganik (kinamut) tukkisilungilasê?

Jesaiase 40:26

Arloritse takovluselo! Kina makkoninga pingortitsivâ? annititsijoᴋ unurninginik kittillugit attingillo taivlugit, ajugaᴋangitoᴋsôngmat pitsartujoᴋsôvlunelo; saᴋᴋijângitoᴋangilaᴋ attautsemiglõnêt.

Jesaiase 40:28

Kaujimangilasê, tussalungilasê, Nâlegaᴋ Gûdeongmat issoᴋangitoᴋ, sillaᴋsûb kiglinginik pingortitsijoᴋ? Merngortoranelo nukkeᴋarungnailungilaᴋ, sillatuninga inornarpoᴋ.

Jesaiase 42:5

Imâk oᴋarpoᴋ Gûde Nâlegaᴋ, ᴋilangmik pingortitsijoᴋ tassiterijorlo, nunamik issivitsijoᴋ perortunginiglo, inungnut ᴋânganẽtunut inôtsemik tunidjijoᴋ, anernermiglo tunidjijoᴋ arvertartunut tagvane:

Jesaiase 44:24

Nâlegaᴋ piulijit, pairijit anânavit timinganit oᴋarpoᴋ imâk: Uvanga Nâlegauvunga, tamainik piniartunga; kissima ᴋilak issivipara nunamiglo nerrototitsivunga, ikajorteᴋarnanga.

Jesaiase 45:18

Imâk oᴋarpoᴋ Nâlegaᴋ, ᴋilangmik pingortitsijoᴋ, Gûdeojoᴋ, nunamik sanajoᴋ âᴋiksorlugolo tunganelivlugolo; — tamannalo pingortilungilâ inuᴋartailivlugo, inuᴋarᴋovlugole âᴋiksorpâ — : Uvanga Nâlegauvunga assimniglo Nâlegaᴋangilaᴋ.

Jesaiase 51:13

Nâlegarlo puigorpat pingortitit, ᴋilangmiglo issivitsijoᴋ, nunamiglo tungaviliorijoᴋ. Kaut tamât erᴋsitsainarpotit aksorôtjijub ningaumajârninganik, kajusimangmat asseroromavlutit. Aksorôtjijub ningaumajârninga naûk?

Jesaiase 51:16

Oᴋausikkalo illivakka ᴋanernut ullikpagillo aggama tachalininganut, ᴋilak illijomavlugo, nuna tungaviktâromavlugo, Zionemiunullo oᴋaromavlunga: Inuᴋotigivapse.

Jesaiase 65:17

Ahâgle, ᴋilangmik nutâmik nunamiglo nutâmik pingortitsijomârpunga; sivorlît tagva erᴋartaujungnairomârput erᴋaumajaujungnairlutiglo.

Jeremia 10:12

Tâpsoma nuna sanalauᴋpâ pitsartunerminut, silaᴋsoarlo pingortilauᴋpâ ilisimanerminut, silatunerminullo ᴋilait issivilauᴋpait.

Jeremia 32:17

Nâlagaᴋ Gudik! Ahâk, ᴋilaᴋ nunalo pingortilauᴋpakik pitsartunersoarnut talingnullo issangmijomut; ajornartoᴋangilaᴋ ilingnut;

Jeremia 51:15

Tâpsoma nuna pingortilauᴋpâ pitsartunerminut, silaᴋsoarlo tunganeᴋtâlauᴋpâ ilisimanerminut, silatunerminullo ᴋilait issivilauᴋpait.

Saggaria 12:1

Oᴋausek oᴋumaitok Nâlekab oᴋauserijanga Israêle pivlugo. Imâk oᴋarpok Nâlegak, ᴋilangmik isivitsijok, nunamiglo tunganilêjok, inûblo anerninganik ilumigijanganik pingortitsijok:

Mattêuse 11:25

Taipsomane Jêsuse oᴋalerpok: Atâtak, ᴋilaublo nunablo nâlegangak, nakorivagit, ilisimajunut silatujunullo tamanna angigutjutigigangne, nutaᴋᴋatitun-itunullo nalojungnaitijutigigangne.

Markuse 13:19

Uvlune taipkonane kappianartoᴋaromârmat naleᴋangitomik; silab pigiarninganit, taimangat Gûdib inuit pingortilaungmagit, tamanna tikidlugo taimaitoᴋalaungilaᴋ, kingornganelo taimâk angitigijomik kappianartoᴋarnianginivoᴋ.

Apostelit Piniarningit 14:15

Oᴋarlutiglo: Angutaujose, sôk taimailiorpisê? Inutuinauvoguk toᴋojomârtoguk ilipsitut, oᴋautsiniglo tusarnertunik oᴋâlavojuk ilipsingnut, sâgiarᴋovluse ômangat Gûdeungitomit Gûdemut ômajomut, ᴋilangmiglo nunamiglo, imarbingmiglo iluanêtuniglo tamainik pingortitsijomut;

Apostelit Piniarningit 17:24

Gûde silaksoarmik pingortitsijok pinginiglo tamainik, Nâlegaugame ᴋilangmullo nunamullo, katimaviksoarne aggangnut sanamajune iniᴋangilaᴋ;

Apostelit Piniarningit 4:24

Tamanna tusaramitsuk, ilagêklutik niplerput Gûdemut oᴋarlutiglo: Nâlegak igvit Gûdiojotit ᴋilangmiglo, nunamiglo, imarbingmiglo pinginiglo tamainik pingortitsijotit;

Rômiunut 11:36

Tâpsomangat, tâpsomûnalo tâpsomungalo ilûnamatsiatikingmatta. Tâmna nertortaudlarle issoᴋangitomut. Amen.

I Korintemiunut 8:6

Taimaigalloartilugo, atausênarmik Gûdeᴋarpogut, Atâtamik; tâpsomangat ilûnnamatsiatik pivut, uvagullo tâpsomanêpogut; atausênarmiglo Nâlegaᴋarpogut Jêsuse Kristûsemik, tâpsomûna ilûnnamatsiatik pivut uvagullo tâpsomûna.

Efêsusemiunut 3:9

Tamaitalo illitarsitiniarlugit nalonalauᴋtub ilinganinganik, silaᴋsûb pigiarninganit ijersimajomik Gûdeme, tamaitaᴋsoarnik Jêsuse Kristusikut pingortitsijome;

Ebrêerinut 1:10

Igvillo, Nâlegaᴋ, nuna pigiarninganit tunganeᴋtâlauᴋpat, ᴋilaillo aggakpît senamajangit.

Ebrêerinut 1:2

Kingorlermik Ernikut oᴋalauᴋpoᴋ uvaptingnut uvlune tamakkonane. Tâmna kingormgujijuksangortilauᴋpâ tamaitaᴋsoarnik, tâpsomûnatauᴋ silaᴋsoaᴋ pingortilauᴋpâ.

Ebrêerinut 11:3

Okpernermut illitarsivogut, silaᴋsoaᴋ Gûdib oᴋausinganut pingortisimangmat; takuksaujut tamaita pingortitaumangmatta sunaungitomit.

Ebrêerinut 3:4

Iglut ilûnaita senajaulerput kinamut; tamainigle pingortitsijoᴋ, tagva Gûde.

II Pêtrusib 3:5

Kaujimangilalle, ᴋaujijomanginamik, ᴋilak itsaᴋ Gûdib oᴋausinganut pingmat, nunalo imânit, imânêdlunelo;

I Johannesib 1:1

Issuanit-ilauktok, ijiptingnut takolauᴋtavut, ᴋimigolauᴋtavut, aggaptingmullo aktulauᴋtavut, tussalauᴋtavut, oᴋausiᴋ inôgutaujoᴋ (oᴋautigivavut ilipsingnut).

Takotitaunermik 10:6

Tâmnalo taivlugo, inôjok issoᴋangitomit issoᴋangitomut, pingortitsilauktok ᴋilangmik ᴋilangmêtuniglo, nunamiglo nunamêtuniglo imarbingmiglo imarbingmêtuniglo, (Engele) oᴋamarikpok, mânamit neliuneᴋarungnairtuksaungmat;

Takotitaunermik 14:7

Nippersoarmullo oᴋarpok: Gûde kuksasungniarvigisiuk nertorsiuglo akkiniarviksanga neliutingmat; tuksiarvigisiuglo ᴋilangmiglo nunamiglo imarbingmiglo, imiuglo puilavinginik pingortitsijok.

Takotitaunermik 21:6

Oᴋarvigigivânga: Pimajarêrpok. Alfauvunga Omegauvlungalo, pigiarniovlungalo naggatauvunga. Imeruktok imiub ômanartub puilavinganit imertitsomavara akkeᴋangitomik.

Takotitaunermik 22:13

Alfauvunga Omegauvlungalo, pigiarneovlungalo naggatauvunga, sivorliovlungalo kingorliovunga.

Takotitaunermik 3:14

Illagêt Laodiseamiut Engelingat aglagvigiuk: Tamadja oᴋautigivâ Ameneojub, nalâgôrlunelo mikseᴋârtôvlunelo kigligiutsijub, Gûdib pingortitangita pigiarningata:

Takotitaunermik 4:11

Nâlegak, igvit nelopᴋotingivitôjotit pigilugit nertornarnerlo nâlengnarnerlo pitsartunerlo; igvit tamaitaᴋsuit pingortilaurangne; igvillo perᴋogangne, ilerput pingortisimavlutiglo.