Filippimiunut 4:8 - Labrador Inuttitut Heritage Bible

⁸ Tagvale ᴋatangutikka, mikseᴋârnerillo ilusitsiaringnerillo, idluarnerillo, ivjornainerillo, naglingnarnerillo, illanârêngnerillo, ilûnaita inutsiaᴋutaunerit, ᴋujanartoᴋarpallônêt, nertornartoᴋatamakkoa issumaksarsiorutigisigik.

Filippimiunut 4:8 Iomraidhean Croise

Genesis 18:19

Kaujimavara pitjutigilâllo, perᴋojerᴋovlugo ᴋitorngaminik inuᴋotiminiglo kinguvâksaminik, Nâlekab apᴋutiksaurᴋojanginik malerᴋovlugit, idluartulivlutik ajungitulivlutiglo, Nâlegaᴋ nâmaksititserᴋovlugo Abrahamut oᴋautigijaminik.

II Samuel 1:23

Saule Jonathanelo erdlingnarlutik innerᴋonarlutiglo innôsigingne, toᴋᴋomingnetauk aviutingilâk; oᴋinersauvuk nektoralingmit, sanginersaulutiglo Loewemit.

II Samuel 23:3

Israelib Gudinga oᴋalaukpok uvamnut, Israeliblo ᴋairtunga oᴋâlalaukpok, attanniôjok idluartok innuit akkorngane, attanniôjok sivuranerme Gudemik.

Imgerut 82:2

ᴋannok sivitutigijomik nâmangitomik idluarsaijomavisê, Gûdeᴋangitullo kinauningit erᴋaginersarilugit? Sêla.

Salomob Okâl 11:1

Kiktitautit nellangaitut Nâlekab makkojugivait; oᴋumaiutalle nâmamariktut nâmagivait.

Salomob Okâl 12:4

Nulle ilusitsiariktok, niaᴋoteovok uiminut; illuserluktorle marnetun-ipok tapsoma sauninginne.

Salomob Okâl 16:11

Kiktitautit, oᴋumailuttallo idluartut Nâlekamit pivut, oᴋumailutallo pongnêtut Nâlekab sanajarivait.

Salomob Okâl 20:7

Idluartub idluitailinermine arvertartub ᴋitorngangit ᴋanoêngitsiaromârput tapsoma kingorngane.

Salomob Okâl 31:10

Kina nuliamik illusitsiariktomik nachvârniarᴋa? Tâmna ivlernarnersauvok angijomik sappangannit pivianartoksôjunnit.

Salomob Okâl 31:29

Pannît unuktut idluartunnik illuseᴋalaukput; igville ilûnaita pitikipattit.

Salomob Okâl 31:31

Tâmna nakorijauniarpok, aggangita sakᴋertitangit pitjutigillugit; pinniarningitalo nertorniarpat iglugasaksuit itterviksoanginne.

Imgerusersoak 5:16

Kaninga mamaksauteôvok innerᴋonamariklune. Taimaitôvok nagliktanâra, illanâra taimaitôvok, Jerusalemib paningit illipse.

Jesaiase 26:7

Idluartuble apᴋutâ nallâgôrtotôvoᴋ, idluartub apᴋosininga idluarsitipat.

Mattêuse 22:16

Ilinniartitigle tâpsomunga tilivait, Herôdesiblo kigvangit illautilugit, oᴋarlutiglo: Ajoᴋertuijok, okpernartôjotit ᴋaujimavaptigit, Gûdemullo apᴋotiksamik ajoᴋertuitsiartotit, inuillo sivôragingilatit, tâpkoa kinauningit kamaginginangne.

Markuse 6:20

Herôdesible Jôhannese ileragivâ, nelunginamiuk idluartôvlune issumagiktoᴋsôngmat; tamanna pivlugo saputivâ ᴋangaulermallo nâlekpâ, tussarnerilâllo.

Lukase 16:15

Oᴋautivaillo: Ajungitôjomagalloarpose inuit sângane Gûdible ômatise ilitarivait; inungnut nertortaujomajut Gûdib maᴋojugivait.

Lukase 2:25

Ahâglo, anguteᴋalaukpok Jerusaleme Sîmeonemik atilingmik; angullo tamna idluarlunelo Gûdemik nâlekpok, Israêliblo manigortaujutiksanganik nerriukpok, Anernerublo ajunginerub inigivâ.

Lukase 23:50

Ahâglo angut, Jôsefemik atilik, kiglisiniarpaktut ilangat, ajungitok issumagiktorlo!

Johannese 7:18

Ingminik oᴋâlajok nertortauniksaminik ᴋenerpok; tâpsomale tilijime nertornarninganik pinasuartok, tâmna mikseᴋârtôvok, idluineᴋangilarlônêt tâpsomane.

Apostelit Piniarningit 10:22

Oᴋarpullo, Kornêliuse Zenturiôjoᴋ, angut isumagiktok Gûdemik nâlektok, Jûdit ilûnatik idluarnerartangat, Gûdemut ᴋaujititauvok Engelikut ivsornaitokut, ilingnik ᴋaikojerᴋovlugo iglominut, oᴋautsinik tusartuksauvlune ilingnit.

Apostelit Piniarningit 22:12

Tagvanele anguteᴋalaukpok Gûdemik opigosuktomik perᴋojaniglo nâletsiarlune, Ananîasemik atilingmik, Jûdit ilûnatik tagvanêtut piloriktoᴋotigijanganik.

Apostelit Piniarningit 6:3

Taimaimat, erdlingnartose ᴋatangutigêt, angutinik 7 nik ᴋenilauritse akunapsingne, idluartoᴋutaujunik Anernermiglo ajunginermik silatunermiglo ilumertaujunik, kivgartorᴋojaksaptingnik tamattomunga.

Rômiunut 13:13

Arvertarta ilusitsiarikluta uvloᴋsiortutitut, nerritunata, tallanatalo tachisimajune ilukeudlarata, aivanatalo, anerudjinatalo.

Rômiunut 13:3

Pitsartujoᴋsuille sivôranangilat ajungitulijunut, idluitunulle. Atanernigle sivôrajomangikuvit, ajungitulilerit: tagva tâpkonunga nertortauniarpotit.

Rômiunut 14:18

Tamattomunga Kristusemik kivgartortoᴋ, Gûdemut ᴋuviagijauvoᴋ, inungnullo ivlerijauvlune.

Rômiunut 2:29

Ilumigulle pijoᴋ, Jûdiovoᴋ; ômatiblo kipimaninga kipimaniovoᴋ anernikut pijoᴋ, aglatuinartigut pinane; tâpsoma nertornautâ inungnit pingilaᴋ Gûdemille.

I Korintemiunut 4:5

Taimaimat erᴋartuiniarase naliuterᴋârtinago, Nâlegak tikitsiarilugo; tâpsoma tâktome ijertorsimajuttauk sakᴋertitsomârmagit ᴋaumajomut, ômatille erᴋarsautingit nalonairomârpait; taimailerpat, ilûnatik atunit nertortaujariaᴋarnitik pigijomârpait Gûdemit.

II Korintemiunut 13:7

Gûdele tuksiarvigivara, sumiglônêt piungitulerᴋonase; uvagut atortutitut saᴋᴋeromavluta pingilanga, ilipsele ajungitulerᴋovluse, uvagullo sôrlo atungitutitut-erᴋovluta.

II Korintemiunut 6:8

Nertortaujarangapta nachogijaujarangaptalo, ajortônerartaujarangapta ajungitônerartaujarangaptalo; uivêriklertutitut okpernaralloartogut;

II Korintemiunut 8:18

ᴋatangutiptale illangat tilivavut, aipauᴋovlugo, illagêt ilûnatik piloriktoᴋotigijangat, atutsiarmat oᴋautsinik tussarnertunik.

II Korintemiunut 8:21

Udjertorapta, piniarnerit idluarᴋovlugit, Nâlekab sângane kissianeungitoᴋ, inuit takoanetauᴋ.

Galâtsiamiunut 5:22

Anernerub perortisangangit tamadja: Naglingneᴋ, ᴋuviasungneᴋ, ullapirsaineᴋ, ᴋenuersârneᴋ, inôtsiarneᴋ, pitsiarneᴋ, okperneᴋ, piojoringineᴋ, ikliguktailineᴋ.

Efêsusemiunut 4:25

Taimaimat sagluneᴋ iperarlugo mikseᴋârnermik oᴋauseᴋaritse, ilûnase atunit inuᴋatipsingnut; avatauᴋatigêkapta.

Efêsusemiunut 5:9

Arvertaritse ᴋaumajub ᴋitorngangititut. Anernerub perortitangit tamadsa: Sunatuinarnik ajungituliniarneᴋ, idluarnerlo, mikseᴋârnerlo.

Efêsusemiunut 6:14

Tagva makitipsigut tapserusijaritse mikseᴋârnermik, idluarnerlo atimavlugo, sagvingmiutarivlugo.

Deuteronomy 16:20

Idluarnek, ila idluarnek maligaksarivat, inôᴋovlutit, nunalo Nâlekab Gûdivît tunijanga ilingnut kingormgutilugo.

Filippimiunut 3:1

Amatauk ᴋatangutikka, ᴋuviasugitse Nâlekame! Aglakka ilipsingnut adsigêtsainarmatta, ᴋunutigingilakka, ilipselo nakimarnitailijutigiluarivase.

Kolossamiunut 4:5

Silatujomik taipkoa ilagingitase inôᴋatigisigik; atutsiarlugolo neliutok.

I Tessalônikamiunut 4:12

Ilusitsiarikluse arvertarᴋovluse illagingitapsingne, taipkoalo illanganik atoriaᴋarᴋonase.

I Timôteusemut 2:2

Atanivîllo atanersuillo tamaita pivlugit, ullapitaunangitomik terlingnartomiglo inôseᴋarungnarᴋovluta Gûdemik nâlengnêrme ilusitsiaringnermelo.

I Timôteusemut 3:11

Taimâktauk nuliangit ilusitsiariktuksaugivut, terliaᴋataitaililutik idluartomik iliortuksauvlutik, nertornartuksauvlutiglo ilinganerne ilûnaine.

I Timôteusemut 3:4

Iglomioᴋatiminik pairᴋsitsiartok, nâlektunik ilusitsiariktuniglo ᴋitorngaᴋartok;

I Timôteusemut 4:12

Inôsungnernik nachojoᴋarniarane! Igjaraksaunialerille okpertunut, oᴋautsemullo inôniarnermullo nagligosungnermullo anernermullo okpernermullo ikliguktailinermullo.

I Timôteusemut 5:10

Piloriktoᴋutaungmijok ajungitulinermik, ᴋitornganik perorsailaurune, siniktarviogajuklune, ivsornaitut (okpertut) itiganginik ubvalauklune, ajoᴋsartuniglo pitsialauᴋlune, ajungitunik tamainik pinasualauklune.

I Timôteusemut 5:2

Ningiut anânatitut; inôsuktut arnat ᴋatangutititut ikligujuinerme.

Titusemut 1:8

Siniktarviogajuklune, ajungitomiglo nagligosuklune, nâmatuinartomik pilune, idluarlunelo, ivsornailunelo, ikliguktaililunelo;

Titusemut 2:14

Ingminik tunnilauktub pivluta, piulijomavluta idluitunit tamainit, ivsornaititsijomavlunelo nagminek inoᴋutiksaminik, ataruilijinik piniarnernut ajungitunut.

Titusemut 2:2

Ituit âmaingajôjârtailititsainarᴋovlugit, ᴋuksalailugatik, nâmatuinartomiglo pilutik, atsuilerᴋovlugit okpernermelo, naglingnermelo, ᴋenuersârnermelo.

Titusemut 2:7

Ilûnânele nangminek igvit takotilerit ajungitulinermik igjaraksauvlutit, illaᴋangitomik ajoᴋertûseᴋardlutit opinarlutillo,

Titusemut 3:14

Okpertoᴋativulle ilinniarlît, ajungitulijungnarᴋovlugit pijarialingnik ikajorlutik, sulingitôlerᴋonagit.

Ebrêerinut 11:2

Tâpsomûna sivorlît (nertornartomik) kigligiutigijauvut.

Ebrêerinut 13:18

Tuksiarutitigut. Uvagut manigornivut imaipoᴋ, passijaksaungitomik issumaᴋarapta, idluartomiglo inônasuarapta ilûnâne.

Jâkobusib 1:27

Idluartomik passijaksaungitomiglo Gûdemik kivgartornek Gûdib Atâtab sângane imaipok: Iliarsuit uigarnerillo siorniorningine takojartorlugit, nangminerlo ivsornartitautailivlune silaksoarmiunut.

Jâkobusib 3:17

Silatunerle pângat pijok sivorlermik ikliguktailivok, taimâktauk ullapirsausêjok, ᴋenuêtok, oᴋautsarêngitok, nâpkigosuktoksôjok ajungituliᴋattarlune, adsigêktitsijok, takkormôjuitok.

I Pêtrusib 1:22

Tarniselo sujungaitisigik mikseᴋârneᴋ nâleklugo Anernermut, ᴋatangutinik nagligosoᴋovluse takkormôjuidluse; ômamullo ivjornaitomut nagliktigêvigitse!

I Pêtrusib 2:12

Nelojullo akorngane, ajungitomik arvertaritse: ilipsingnik terliaᴋataijut idluitulinerarluse, ajungitulinipsingnik takoᴋovlugit, Gûdemiglo nertordlerᴋovlugit kiglisiniarviub uvlungane.

I Pêtrusib 4:8

Tamanna pivlugo silatuleritse erᴋomavluselo tuksiaritse. Tamainille anginerpângojomik, nagliktigêgitse ilungertordluse; naglingnerub ajornerit unuktoᴋsôningit mattungmagit.

II Pêtrusib 3:1

Tamadja aglangma aipangit ilipsingnut, naglingnartose; tamakkonunga tupaktiluselo erᴋaitipara issumase nelâgôrtoᴋ;

I Johannesib 3:18

Kitorngârsukka, oᴋausituinarmut, oᴋatuinarmullônêt naglingniarata; piniarnirmulli miksiᴋârnimullo pita.

I Johannesib 3:3

Naliat taimaitomik nirriungniᴋartoᴋ tâpsomunga, tâmna ivsornailiniarpoᴋ, sorlo tâmna ivsornaingmat.

I Johannesib 4:1

Naglingnartosi aninirit ilûnaita okpirinasigik, aninirilli ôktorsigik, Gûdemit pingmangâtâ; nalautaijut nalangaitut unuktoksuit aimangmatta silaᴋsoarmut.

Ruth 3:11

Mânna panîk, sivoraniarnak; tamainik oᴋauserijarnik pinniarvigijomavagit; iglugaseksoarmiut inûᴋatikka illûnamassiatik ᴋaujimangmatta, arnaugavit illusitsiariktok.