6 Issumajârase sumiglônêt; ilûnainigle pijomajapsingnik Gûdemut nalonaijaileritse, tuksiarluselo ᴋenuvluselo ᴋujalivluselo.
Sâlaurilletôk kivgavit tuksiarninganut, ᴋenuninganullo, Nâlegak Gûdîk, tusarᴋovlutit nipliarnermik, tuksiarnermiglo, kivgavit uvlome tuksiarnerijanganik sângne;
Attanerlo Hiskia nallautaijorlo Jesaiase tuksiarpuk tamanna pivlugo, nipliadlarlutiglo ᴋillangmut.
Nâlegak kangasinâka aitartikik, ᴋannera nertornarnernik oᴋâlaᴋovlugo.
Unnuktillugo uvlangotillugolo ᴋetterartillugolo ârusugomavunga ᴋêajomalungalo; tagva nippiga tussarniarpâ.
Tussunitit pitikit Nâlekamut, tâpsoma pattangaitiniarpâtit, idluartorlo inilangajuinermêtsainarᴋoniangilâ soraijuitomik.
Inôjose tattigitsainarsiuk sorairase; ômattise nâvissigik sânganut; Gûde tattigivavut, Sêla.
Gûdeᴋangitut tûnnergutingit Nâlekab makkojugivait, idluitailijulle tuksiarningit ᴋuviagivait.
Pinniarniksatit perᴋokit Nâlekamut, tagva kajusimanerijatit sullitsiarniarput.
Taubeᴋotîk ᴋairtut kôrungnângine, ujaraksuit ᴋoppanginne, tautungnik takᴋotilaunga, nippît tussarlaulago; nippît mamadlarmat tautuillo innerᴋonarpok.
Aglaillo pisiniarnermik nalonaijaijut tunisimaᴋârapkit Bârungmut, Neriab erninganut, tuksiarpunga Nâlakamut, oᴋarlunga:
Kaigarsugviginga akkijomavagillo, unertutjivigijomavagillo angijunik inornartuniglo, ᴋaujimangitarnik.
Sâdrakib, Mîsakiblo Abednigoblo kiovlutik ataniᴋ oᴋautivât: Nebukadnezari, ilirasulungilagut akkiorlutit tamattomani.
Danielilo ᴋaujilirami aglait nalonaikusitauninginik, majuarpoᴋ iglominut, (igalângit taima iglominêtut Jerusalimut sângajut upkoêrput) siᴋortorporlo pingasuitorluni uvloinaᴋ, tuksiarlunilo Gudine ᴋujagivâ, sorlo sivorngani ilusiᴋarami.
Atsomârpasele, sivôraniarase, ᴋanok sumiglônêt oᴋausiksaᴋarniarmangâpse; stundeme tâpsomane tunitjivioniarapse kigusiksapsingnik.
Ukpigaille kakilautilit akornganut karngautigimajok, tâmnauvok, oᴋautsinik tussartok, silaksûblo mattoma pinginik siaklernerub, akluitsomanerublo uivêrinarningata oᴋautsit ipitipait, sulugainertâranalo perorsiaksatalingnik.
Taimaimat ᴋauksaᴋ issumaginasiuk, ᴋauksak piksaminik pinialermat. Nâmakpoᴋ uvlut ilûnatik ingmikut siaklerviokpatta.
Tamanna pivlugo taipkotitunaᴋ-ituksaungilase: Atâtapse atoriaᴋartase ᴋaujimavait, tuksiarvioᴋârane ilipsingnut.
Jêsusible kiovâ oᴋautivlugolo: Marta, Marta, siaklerneᴋarpotit suliaksaᴋalarpillo unuktunik;
Ilinniartinele oᴋautivait: Tamanna pivlugo oᴋaupapse: Inôsise pivlugo siaklerniarase, nerᴋiksapsingniglônêt, timipselônêt annorâksanginik.
Tamanna pivlugo erᴋaginiarasiuk sumik nerᴋiksaᴋarniarmangâpse, sumiglônêt imiksaᴋarniarmangâpse, issumajârniaraselo.
Adsiujomigle oᴋautivait, soraijuitomik tuksiariaᴋarnivut pitjutigilugo, inertuinata.
Gûdible anerijane piulinajangilagît, uvlut unanuallo nâvlugit nipliavigingmatsuk, unêt akunêralloarunê?
Kivgautilutit ᴋaiᴋojaumaguvit, tamanna issumajârutiginago pît; kivgaujungnairungnaruville, taimaingârit.
Issumagivapsele issumajârᴋojomanase. Aipaᴋangitub Nâlekab pingit issumagivait, Nâlekab idluarijanganut ilingajomavlune.
Tuksiutjinipse pivluta ikajorninganuttauᴋ; tunergut saimanartoᴋ unuktut tuksiutjininginut ᴋaitaumajoᴋ uvaptingnut pitjutigilugo, ᴋujalidlartoᴋarᴋovlugo unuktunik pivluta.
Tamaitalo ᴋujalijutiginiarsigik sorairase Gûdemut Atâtamullo, Nâlegapta Jêsusib Kristusib attingane.
Tuksiatsainaritse ilûnainik pijarialingnik, anernikut tuksiarluse ᴋenuluselo; taimailiorᴋovluse sorairase pigârmititse tamât, ivsornaitut tamaita tuksiulugit;
Ullapirsaullo Gûdemit pijok ataniotênarle ômatipsingne, tamattomunga ᴋaiᴋojaumagivose atautsemik timeoᴋovluse ᴋujalivigitselo.
Tamaitalo piniarnise, oᴋarangapselônêt piniarangapselônêt, ilûnaita piniarsigik Nâlekab Jêsusib atingane, ᴋujalivluselo Gûdemik Atâtamiglo tâpsomûna.
Soᴋosijuidluse tuksiaritse, taimailiorluselo pigâritse ᴋujalivluse.
Tagva mâna ᴋaiblaivunga, tamainit sivorlermik ᴋenujoᴋarᴋovlugo, tuksiartoᴋarᴋovlugolo, ᴋujalijuteᴋartoᴋarᴋovlugo inuit ilûnaita pivlugit;
Tâmnale uigarniovok idluartok, inutôgune, Gûdemik tattetuaᴋarune, sorairanelo ᴋenuvlune tuksiarlunelo uvlôtilugo unnuamelo.
Tamaitaᴋsuille naggatiksangat ᴋaglilerpoᴋ.
Siardlernise tamaita tâpsomunga pitisigik, tâpsoma issumagitsainarmase.
Hannale kiovok, oᴋarlunelo: Aukak, nalegâk, arnauvunga kiksartok. Weinemik immiksamiglo pitsartujomik immerlaungilanga, omattigale navilaukpara Nalekab sângane.
Davidelo angijomik kappiasulaukpok, inugatsuit milloromangmatsuk, innugatsuit illunatik tarningit annulaungmatta, nalliat ernine panninelo pivlugit. Davidele pitsartutipok ingminik Nalekame Gudimine;
Tagva Samuelib ujarak tiguva, nappartilugolo Mizpab Seniblo akkorngangne, atserarpâlo Ebenezeremik, oᴋarlunelo: Maunga tikkilugo Nalekab ikkajorlaukpâtigut.