Filippimiunut 4:3 - Labrador Inuttitut Heritage Bible

³ Igvittauᴋ nertornartoᴋ ikajoᴋatiga, ᴋenuvigivagit, (arnâk) tâpkoa ikajorniakik, sorsugiaᴋatigilauᴋtâkka oᴋautsit tussarnertut pivlugit, Klemense assingillo piniaᴋatikka illagilugit, atteᴋartut aglaksimajunik aglangne ômanartune.

Filippimiunut 4:3 Iomraidhean Croise

Imgerut 69:28

Pêjartaulit inôjut aglanginnit makpertanit, idluartullo aglaᴋassiutitauᴋoniarnagit.

Exodus 32:32

Mânnale idluituliningit isumagijungnairomagungne; pijomangikuville, pênga aglarangnit igvit aglaksimajarnit.

Jesaiase 4:3

Ivsornaituniglo taijaujomârput amiakôjut Zioneme inôjullo sulle Jerusaleme — illũnatik aglaksimajut inôrᴋojauvlutik Jerusaleme,

Hesekiel 13:9

Aggamnullo tiglulârpakka nelautaijut uivêrinartunik oᴋâlajut saglonerniglo nelautaijut; inuᴋotikka ᴋaggimiolerpatta najûtijuksaungilat, aglaktaujuksaungilallônêt Israêlib ᴋitorngangita aglaksimaviane, aijuksaungilallônêt Israêlib nunanganut; ᴋaujijuksauvoselo uvangaugama Nâlegaᴋ Nâlegaujoᴋ.

Daniel 12:1

Naliutomilo tâpsomani Migaili, angajoᴋâᴋsoaᴋ imna inôᴋativît ᴋitorngangita singnigijingat, nikovidlaromârpoᴋ; kapianartoviᴋaromârparlo naliᴋalauᴋsimangitomik inôᴋatigêksoaᴋatainarninganit naliuniᴋ tâmna tikidlugo; naliutomilo tâpsomani inôᴋatitit piulijaujomârput, ilûnatik aglangni aglaᴋsimajut.

Lukase 10:20

Anernerille (idluiluktut) nâlengmase, ᴋuviasûtiginasiuk; ᴋuviasugitsele, atise aglaksimangmatta ᴋilangme.

Rômiunut 12:1

Taimaimat kaiblarpapse, ᴋatangutikka, Gûdib nâpkiningninga pivlugo, timise tunisigik tunergutiksatut ômajotut, ivjornaitotut Gûdemullo ᴋuviagijaujotut; taimailiorupse, Gûde tukkeᴋartomik kivgartutsiarpase (anernerme.)

Rômiunut 16:12

Salutisigik Trifêna Trifôsalo, Nâlekame piniarᴋattartuk. Salutisiuk Persida naglingnartoᴋ, unuktunik pinialauᴋtoᴋ Nâlekame.

Rômiunut 16:9

Salutisigik Urbane piniaᴋativut Kristuseme, Staggiselo nagliktara.

Filippimiunut 1:12

Nalojungnaitipapsele ᴋatangutikka naglingnartose, ilingatitaunera tamanna sunaubva oᴋautsit tussarnertut aglivaliajutigivât.

Filippimiunut 1:16

Ipkoa Kristuse oᴋâlautigivât ᴋaningaumajârnermut nalagôrlugatiglo, ᴋelarutikka kappianartomik illajomavlugit issumaᴋaramik.

Filippimiunut 1:27

Arvertaritsele Kristusib oᴋausingit tussarnertut malitsiarlugit; tikigumalônêt takoluse, apsimalungalônêt tussarᴋovlunga, sôngolernipsingnik atautseme anernerme, atautsemik tarneᴋarluse sorsugiaᴋatigilutalo okperneᴋ oᴋautsinut tussarnertutnut pivlugo.

Filippimiunut 1:5

Oᴋautsinut tussarnertunut illagêguteᴋarnise pivlugo, uvlormit sivorlerpâmit mâna tikidlugo.

Filippimiunut 1:7

Taimâk idluarmat, tamattominga issumaᴋariaᴋarpunga ilûnase pivluse, ômatimninapse ovane parngnanairsorsimanimne, akiornimnelo oᴋautsit tussarnertut kigligiutigilugit aulajungnangertinapkit, ilipse ilûnase saimarsauteᴋaᴋatigigapse.

Filippimiunut 4:2

Evôdia kaiblarpara Sintiᴋelo kaiblarpara, adsigêktomik issumaᴋarᴋovlugik Nâlekame.

Kolossamiunut 1:7

Taimâktauk ajoᴋertortauvose nagliktaptingnut Epafrasemut kivgartoᴋatiptingnut; tâmna Kristûsemik nertornarlune kivgartorpok pivluse,

Takotitaunermik 13:8

Tuksiarvigivâllo nunaksoarmiut ilûnatik ateᴋartut aglaksimangitunik silaᴋsub pigiarninganit Saugârsûb toᴋotaujub aglangine ômanartune.

Takotitaunermik 17:8

Nergjut takojat ilauktok itsungnairpok, ama anijomârpok netteᴋangitoksoarmit, aijomârlunelo asserortauvingmut; nunablo inungit, ateᴋartut aglaksimangitunik aglangne ômanartune silaᴋsûb pigiarninganit, tataminiaromârput, nergjut ilauktok itsungnairtorlo takogunitsuk sulle ingmat.

Takotitaunermik 20:12

Toᴋungajullo takogivakka, mikijullo angijullo, Gûdib sângane nangertut. Aglaillo makpertaulerput; aglaillo assingit makpertaulerivut, tagva ômanartut. Toᴋungajullo erᴋartortauvut, piniarningit aglangne aglaksimajut maliklugit.

Takotitaunermik 20:15

Neliat aglaksimanane aglangne ômanartune nagvârtaukpat, tâmna egitauvok ᴋôrᴋumut ikomaksoalingmut.

Takotitaunermik 21:27

Ipeᴋtojut neliat taᴋamunga piniatsangilak, maᴋojungnartulijorlo saglojorlônêt; Saugârsûble aglangine ômanartune aglaksimajut kissimik iterniarput.

Takotitaunermik 3:5

Sâlaᴋartok ᴋaᴋortanik annôrârtitauniarpok, atingalo pêrniangilara aglangnit ômanartunit, atingalo oᴋautigijomavara Atâtamnut Engelinginullo.