Filippimiunut 4:11 - Labrador Inuttitut Heritage Bible

¹¹ Ajoᴋsarnermut taimâk oᴋauseᴋangilanga; ilûnâne nanêtarangamalônêt nâmaksijuksaunimnik illinialaurama.

Filippimiunut 4:11 Iomraidhean Croise

Genesis 28:20

Jakolo angerpoᴋ, angeruteᴋarlune imâk: Gûdib illagikpanga, saputivlungalo apᴋome mattomane ingergarvigijamne, nerᴋiksaniglo tunitjivigikpanga nerrijaksamnik, annorâniglo attijaksamnik,

Exodus 2:21

Mosesiblo angut tâmna angervigivâ tagvanêtsomavlune. Tâpsomalo Mosese tunitjivigivâ paniminik Ziporamik.

Lukase 3:14

Sorsuktuksattauk aperivât oᴋarlutik: Uvagulle ᴋanok piniartuksauvitâ? Oᴋautivait: Inungnik aᴋunaidlarniarase idluitulinaselônêt akkilertaunise nâmagisigik.

II Korintemiunut 11:27

Oᴋumaitunik unuktunik tukkiseᴋattalauᴋpunga senanermelo, pigârnermelo, kângnermelo imerungnermelo, nerritailiᴋattarnermelo, ᴋeujanermelo, annorâᴋanginermelo.

II Korintemiunut 6:10

Kiksartutitut ᴋuviasutsainartogulle; aklujutitut, unuktunik akluititsigalloartogut; peᴋangitutitut, tamainigle piksaᴋaralloartogut.

II Korintemiunut 8:9

Nâlegapta Jêsusib Kristûsib saimarsautâ ᴋaujimagapsiuk, akluitoᴋsôgalloardlune aklulilaungmat pivluse, akluninganut akluititauᴋovluse.

II Korintemiunut 9:8

Gûdible tunergutit tamaita unulertitsungnarpait ilipsingnut, tamainik ajoᴋsangitsainarᴋovluse, tunergutiksaᴋarᴋovluselo ajungitulijutaujungnartunik tamainik.

Filippimiunut 3:8

Ila angijomik piungilutarivakka tamaita, pijomavlugo idluarᴋejangat, illitarsineᴋ Kristuse Jêsusemik Nâlekamik; tâmna pivlugo tamaita piungilutarilauᴋtakka, aktarlukugivakkalo, Kristuse pijomavlugo.

Ebrêerinut 10:34

Ilapsugilaurapsinga ᴋelaksorsimajunga, ᴋuviasukluse aglât ᴋenuersâlaurapse perᴋutipsingnik aᴋsârtaugapse; ilipse ᴋaujimajose, ajunginersamik nunguniangitomiglo nangminipsingne perᴋutiksaᴋarapse ᴋilangme.