Filippimiunut 3:8 - Labrador Inuttitut Heritage Bible

⁸ Ila angijomik piungilutarivakka tamaita, pijomavlugo idluarᴋejangat, illitarsineᴋ Kristuse Jêsusemik Nâlekamik; tâmna pivlugo tamaita piungilutarilauᴋtakka, aktarlukugivakkalo, Kristuse pijomavlugo.

Filippimiunut 3:8 Iomraidhean Croise

I Atannit 14:10

Taimaimat, ahâk, ᴋanoêtomik pititsijomavunga Jerobeamib iglunganut, pêjaijomavungalo Jerobeamemit, inungniglo omajuniglo tamainik, kivgaujomik kivgaungitomiglo Israeleme; Jerobeamiblo iglungata kinguvângit pêjaromavakka, sorlo aktarnerlukut pêjartauvangmatta, nungumariᴋârtinago.

II Atannit 9:37

Isebeliblo timinga toᴋungajok perorsaijotut natername, nallajuksauvok perorsêvingme Jesreelemetome; oᴋarungnartoᴋarkonago: tagva Isebele.

Hiobe 20:7

Sulle nungumaringniarpok anangatut, taipkoa takkolauktut tâpsominga oᴋarniarᴋovlugit: Nanêᴋâ?

Imgerut 126:6

Arvertarput kugviorlutiglo, perortoᴋalerlutiglo pivianartunnik, ᴋailutiglo ᴋuviasuklutik, ᴋaitsilarmiglo kippitamingnik.

Imgerut 73:25

Igvit pigituinarupkit, tagva ᴋillak nunalo ᴋujanarutigivâka.

Jesaiase 53:11

Tarnime siorniorninga pivlugo nãmaksititaunerminik takojomârpoᴋ, illitarᴋsinerminullo kivgama tâpsoma idluartotôjub unuktoᴋsuit idluarsititsomârpait, ajorningit pêjaramigit.

Mâlaki 2:3

Ahâk, karngasûtit inerteromârpakka ilipse pivluse, aᴋtarnerlukuniglo siamartitsijomârpunga kênapsingnut, tagva aᴋtarnerlukunik neliuneᴋsiorvipsingnit pijunik; aularutijaulârposelo tâpkoa ilagilugit.

Numbers 14:30

Tikituksaungilase nunamut angerutigilauᴋtamnut, aggakka issângatilugit, nunaᴋutautitsomavlugo ilipsingnut, Kâle, Jefunib erninga, Josualo, Nunib erninga, kissimik.

Lukase 1:43

Nakîllo tamanna pivâ, Nâlekama anânangata tikingmangâ?

Lukase 11:20

Sâtanasit Gûdib aggangitigut anitikupkit, Gûdib nâlegauvingata tagva tikipâse.

Johannese 14:20

Uvlorme taipsomane tukkisiniarpose, Atâtamnênama, ilipselo ilumnênapse, uvangalo ilupsingnênama.

Johannese 14:7

Ilitarigupsinga, Atâtaga ilitarinajarivase. Mânamillo ilitarivase takolaukpaselo.

Johannese 16:3

Taimailiorvigijomârpâse, Atâtagalônêt uvangalônêt ilitaringinamitiguk.

Johannese 17:3

Tamadjauvorle inôgut nungusuitok: ilitarsilune ilingnik, kisivit nelâgut Gûdeogavit tililauktarniglo Jêsuse Kristûsemik.

Johannese 17:8

Oᴋautsille tunilauktatit uvamnut, tunilaukpakka tâpkonunga; ilaliulauᴋpaillo, nelâgullo ilitarsilutik, ilingnit anilaurama, okpilerlutiglo, tililauramga.

Johannese 20:13

Tâpkoalo oᴋautivâk: Arnak, sôk ᴋeavît? Oᴋautivâk: Nâlegara aᴋsârnigarinerpât, nelovungalo, namut ilingmangâtsuk.

Johannese 20:28

Tômasib kiovâ oᴋautivlugolo: Nâlegara Gûdigalo!

Apostelit Piniarningit 20:24

Tamakkoale tamaita sivôragingilakka, inôseralo nangminek ivleringilara, ᴋuviasuklunga nunamênera nâniaromavlugo, kivgartorneralo Nâlekamut Jêsusemut perᴋojaumanera, oᴋautigivlugo Gûdib saimarsautâ oᴋautsinut tusarnertunut.

Rômiunut 8:18

Issumavikkama, naliutub tamattoma kappianarningit adsigêktitaksaungimatta ânanaunersoarmut saᴋᴋijârtitaujomârtomut uvaptingne.

Rômiunut 8:39

Kingingnerublônêt, itinerublônêt, assingitalônêt pingortisimajut avititsunangimatigut Gûdib naglingninganit, Kristuse Jêsuseme Nâlegaptingnêtomit.

I Korintemiunut 2:2

Sumiglônêt akunapsingne ᴋaujimanasugilaungilanga, Jêsuse Kristûsemik kikiaktorsimajomik kissianik.

I Korintemiunut 9:10

Ubvalo mattominga piluartomik uvagut pivluta oᴋâlalaungilâk? Aukak, uvagut pivluta aglaksimangmat. Poagrejartok (ivjomik) poagrejartuksauvok nerriuklune, sulugainerniglo kadjuktok nerriuklune kadjuktuksauvok.

II Korintemiunut 4:4

Silaᴋsûb tamattoma Gûdingata okpingitut taipkoa issumangît takpêtilauᴋpait, oᴋautsit tussarnertut Kristûsemik, Gûdib adsingata pinnarnarninganik, ᴋaumaningat ᴋaumaᴋonago taipkonunga.

II Korintemiunut 4:6

Gûdele, ᴋaumajomik nuerᴋojijoᴋ tâᴋtomit, ômatiptingne ᴋaumarsaivoᴋ, uvaptigut nellonarungnaititauᴋovlugo illitarsineᴋ Gûdib pinnarnarninganik Jêsusib Kristûsib sângane.

Galâtsiamiunut 1:16

Ernine saᴋᴋertitsomavlugo ilumne, oᴋautsinut tussarnertunut oᴋâlajuksauᴋovlunga tâpsominga nelojut akorngane; erinesuklunga tagva pivunga, uvinik auglo issumaksarsioᴋatiginagik.

Efêsusemiunut 4:13

Ilûnata tikitsiariluta okpernermut atautsemut illitarsinermullo Gûdib erninganik, angutemariolerdluta Kristusib aglisimaringninga tikidlugo.

Filippimiunut 1:1

Pauluse Timôteuselo, Jêsusib Kristusib kivgâgik, ivjornaitunut tamainut Kristuse Jêsuseme Filippimêtunut, ajoᴋertuinerôjunullo (illagêllo) kivganginut.

Filippimiunut 3:10

Illitarijomavlugo tâmna, makiningatalo pitsartuninga, siorniorningalo illangiubvigijomavlugo, toᴋunga adsiginiarlugo uvanga,

Filippimiunut 3:12

Imaingilaᴋ, tigumajarêrapko, nâmaksijarêrlungalônêt; pinasuarparale tigujungnarmangâpko, uvangatauᴋ tigujaumangnimigama Kristuse Jêsusemut.

Filippimiunut 3:7

Uvamnulle atornartôlauᴋtut, piungilutarivakka Kristuse pivlugo.

II Timôteusemut 4:6

Uvanga tunergutautitaujarêlerama, aviniarviksaralo naliutivok.

Ebrêerinut 3:14

Kristuse illangiubvigigaptigo, sungertûteᴋarnivut aulaijungnangeruptigo naggatânut,

I Pêtrusib 2:7

Ilipsingnut tagva okpertose pivianarpoᴋ; okpingitunulle ujarak taimna, igloliortut nachogijangat, terreᴋuksaliangotitaumavoᴋ,

II Pêtrusib 1:2

Gûdib tunitsivigilise saimanartoᴋsoarmik ullapᴋosernartoᴋsoarmiglo, illitarsinermut Gûdemik, Jêsuse Kristûsemiglo Nâlegaptingnik.

II Pêtrusib 1:3

Tâpsoma Gûdib pitsartuningata tunitsivigingmâtigut tamainik inôtsiarnermut arvertarnermullo Gûdib idluarijanganut ilingajunik, illitarsinermut tâpsominga uvaptingnik ᴋairᴋojijomik ânanaunerminut ajunginerminullo;

II Pêtrusib 1:8

Tamakkoa ilipsingnêkunik pigannêrdlutik, erᴋeasuktiniangilâse sulingitiniaraselônêt illitarsinerme Nâlegaptingnik Jêsuse Kristûsemik,

II Pêtrusib 3:18

Nâlegaptale Piulijiptalo Jêsusib Kristûsib saimarsautâne illitarsinermelo tâpsominga aglivalliatitse. Tâmna nertortaule tamattomane issoᴋangitomullo. Amen.

I Johannesib 1:3

Tâmna takolauᴋtavut tussalauᴋtavullo oᴋautigivavut ilipsingnut, ilipsitauᴋ illagêgutiᴋarᴋovlusi uvaptingnut; uvagullo Atâtamut Erninganullo Jêsuse Kristusemut illagêngniᴋarpogut.

I Johannesib 2:19

Uvaptingnit taipkoa aularput, illaginginaptigik; illagilaurunitigut uvaptingnêtsainarajalauᴋput; (aularpulli) saᴋᴋijarᴋovlugo ilûnatik illagilaungimatigut.

I Johannesib 5:20

Kaujimavogulli, Gûdib Erninga tikisimangmat silatuniᴋartipâtigullo Gûde miksiᴋârtoᴋ illitarivlugo; miksiᴋârtomêpogullo Erningane Jêsuse Kristuseme. Tâmna Gûdiovoᴋ miksiᴋârtoᴋ, inôsiolarmilo naksaungitoᴋ.