Filippimiunut 3:5 - Labrador Inuttitut Heritage Bible

⁵ Uvlut sittamaujungane, kipimanerama, Israêlib kinguvânginut ilingajunga Benjaminib kinguvârivânga, Ebrêerinit Ebrêereojunga, perᴋojanik nâlengnermut Farisêereojunga.

Filippimiunut 3:5 Iomraidhean Croise

Genesis 14:13

Tikkiporlo ᴋemâsimajut illangat oᴋautigijartorlugo Abramut Ebrêerimut, nunaᴋarmat Mamrib Amoriterib napârtungine, Eskolib Aneriblo ᴋattangutingata. Tâpkoalo Abralo angerᴋatigêkput.

Genesis 17:12

Angutearsuit nalliat uvloᴋarpat sittamaujortunik, kippijaksarivase illipsingne kingorlerêngnipsingne; taimaktauᴋ kivgat iglungne inôlersimajut kênaujanullo takorngartanit sunatuinarnit pissiarijaumajut, illapsingnit pingitut (kippijaujariaᴋarput).

Genesis 40:15

Tigligaugama Ebrêerit nunanganit, taimaktauᴋ mâne idluitulilunginama sunamik pitjutaujomik parngnanairsortaugiamut.

Genesis 41:12

Tagvanelo illagivavuk inôsuktoᴋ Ebrêereojoᴋ, attanermik udjertortut angajoᴋângata kivganga. Taimna unipkârvigigaptigo, sinnaktômaniptingnik nallonaijaivigivâtiguk, nallonaijaivigivlunuk attunit sinnaktômaniptingnik.

Jona 1:9

Oᴋautivaillo: Ebreeriovunga: Nâlegarlo ᴋilaub Gudinga imarbingmik nunamiglo pingortitsijoᴋ, sivôragivara.

Lukase 1:59

Uvlullo sitamaujoane nutarârsuk tikipât kipilâllo, atâtangatullo Zacharîasemik ateᴋartipât.

Lukase 2:21

Uvlullo sitamaujortôlermatta, nutarârsuk kipijaungmat, ateᴋartipât Jêsusemik Engelib taimâk taingmago, sulle anâname timingata ilunanêlerᴋârtinago.

Lukase 5:38

Vainele nutâk imerᴋautinut nutânut imertûtijaksauvok, tamarmik tâva asserorjuiᴋatigêkput.

Apostelit Piniarningit 22:3

Jûdiovunga, Tarsuseme inûlertunga Zilîziamêtome, tamânele, iglugasaksoarne tamakkonane, inugoijaulaukpunga Gamaliêlib itigangita sângane, ajoᴋertortautsiarlunga sivorlipta perᴋojanginik, Gûdemiglo kivgartorasugilunga, sorlo ilipse ilûnase uvlome;

Apostelit Piniarningit 23:6

Paulusible ᴋaujimagamigit, ilangit Saduzêeriongmatta, ilangillo Farisêeriongmatta, niplialerpok kiglisiniartut akorngane. Ilipse angutit ᴋatangutigêt, Farisêeriovunga, Farisêeriblo ernerivanga; erᴋartortauvunga nerriukama toᴋungajut makitsomârninginik.

Apostelit Piniarningit 6:1

Uvlunele taipkonane ilinniartut unugannermatta, Grîkit avamudlarput Ebrêerinut uigarnitik pivlugit, isumagingimagit ajortanginik uvlut tamaita.

Rômiunut 11:1

Tagva mâna oᴋarpunga: Gûdib inuᴋotine ajaktulauᴋpagît? Taimaitsangilaᴋ. Uvangatauᴋ Israêlitiogama, Abrahab kinguvârivânga, Benjaminikut illagivânga.

II Korintemiunut 11:22

Taipkoa Ebrêeriovut, uvangatauᴋ. Israêlitiovut, uvangatauᴋ. Abrahâb kinguvârivait, uvangatauᴋ.

I Samuel 4:6

Filisterillo igiaᴋomijarnerub taimaitub nippivaksoangit tussaramigit, oᴋarput: Igiaᴋomijarnerub taimaitub nippivaksoanga Ebraerit tangmarvingane sunauva? Tukkisigamiglo Nalekab iklervinga tangmarvingmut tikkisimangmat,