Filippimiunut 3:1 - Labrador Inuttitut Heritage Bible

¹ Amatauk ᴋatangutikka, ᴋuviasugitse Nâlekame! Aglakka ilipsingnut adsigêtsainarmatta, ᴋunutigingilakka, ilipselo nakimarnitailijutigiluarivase.

Filippimiunut 3:1 Iomraidhean Croise

I Kronika 15:28

Taimâk Israelitit ilûnamasiangita Nalekab angerutingata iklervinga takpaungartipât, igiaᴋomijarlutik, tiptulausijarlutiglo, Trompetesijarlutiglo, Cimbelisijarlarmiglo nipperᴋortojunik, Psalteresijarlutiglo, Harfesijarlarmiglo.

I Kronika 16:10

Atinga heiligeôjok nertorsiuk. Tapkoa Nalekamik ᴋennertut ommatingit ᴋuviasulerlit.

I Kronika 29:22

Nerrivullo immerlutiglo uvlorme taipsomane Nalekab sângane ᴋuviasuvaksoadlarlutik. Salomolo Davidib erninga atanningortipsarpât, mingoarlugolo atanningortipât Nalekamut, Zadokelo ajuᴋertuijersoangortipât.

Nehemia 8:10

Tamânna pivlugo oᴋautivait: Aileritse nerriluselo orksulingmik, immerluselo mamaktomik; pajungniluselo aitusiamik âᴋiksoilaungitunut ingmingnut; uvlok tamânna ivsornaitôngmat Nâlegaptingnut; tamânna pivlugo issumajarniarase, ᴋuviasungnek Nâlekamik pitsartutigigapsiuk.

Hiobe 22:26

Tagva ajugaᴋangitok ᴋuviasutiginiarpet, ârlorniarlutillo Gûdemut.

Imgerut 149:2

Israelitit sannajigilauktatik ᴋuviagilitsuk; Zionib ᴋittorngangita attannitik serrigilitsuk.

Imgerut 32:11

Idluartose Nâlegak ᴋuviasutigissiuk, serridlarluselo; nertordleritselo illunase idluitailijose.

Imgerut 33:1

ᴋuviasudlaritse Nâlekame idluartose; idluitailijut nertutsiaraksarivât.

Imgerut 37:4

Nâlegak ᴋuviasutigiuk; tâpsoma tunnitsiviginiarpâtit ômattivît tussugijanganik.

Imgerut 42:4

Tamanna issumagigupko, tagva ômattiga nâvipara illumne; aiᴋattaujomadlarama kattimgajunnut, agvertarᴋattigijomavlugillo Gûdib iglunganut, ᴋuviasudlarlunga ᴋujalidlarlungalo kattimgajut uvloksiortut akkorngane.

Imgerut 5:11

Illunatik tatteᴋartut illingnik ᴋuviasuglît; soraijuitomik nertordlerlît, igvit serngnigigangne; serrilerlît illingne, atternik naglingniktut.

Imgerut 97:1

Nalegak attanniovok, nunaksub tamanna ᴋuviasutigiliuk ᴋikkertallo unnurningit tamaita serrilerlît.

Jesaiase 41:16

Siamartitsomârpattit, anoremullo tiktaujomârput aᴋunamullo pêrtauvlutik. Igville Nâlegaᴋ iggiaᴋomijarvigijomârpat, ivlernartitorlo Israêlikkune nertôtigijomârpat.

Jesaiase 61:10

Nâlekame ᴋuviasukpunga, tarnigalo serrivoᴋ Gûdimne, annorârmanga piulijaunermik, attitingmangalo idluarsinermik ulliksoatut, sôrlo uiksaᴋ (illingangmat) ânanâmik niaᴋôsertoᴋ ajoᴋertuijotut, sôrlo nulliaksaᴋ (illingangmat) ânanausijutiksaminik attimajoᴋ.

Jesaiase 65:14

Ahâk, kivgakka iggiaᴋomijartuksauvut erᴋiertornermut, illipsele kiksadlarnermut ᴋeajuksauvose ogguartuksauvluselo kappiasumut.

Joel 2:23

Taimaimat ᴋuviasudlaritse, ilipse Zionib ᴋitorngangit, serigitselo Nâlekame Gudipsingne; tâpsoma tunitjivigingmase silalungmik sivorliojomik nâmaktomik, pivluse silaluk kovivâ, silaluk sivorleᴋ silaluglo kingorleᴋ, taᴋᴋerme sivorlerpaujome.

Sefania 3:14

Imgitsiarit, Zionib pania; ᴋaggudlarit, Israêle; erᴋiêrtorit ᴋuviasudlarlutillo ômamut tamanut, Jerusalemib paninga.

Sefania 3:17

Nâlegak Gûdît ilingnêpok, pitsartudlartok piulikleromajok: ᴋuviasungnermut serrijûtigilârpâtit, nagligosungnermine nunanijâlârpok, imgerutinut serrijûtigilârpâtit.

Saggaria 10:7

Efraimemullo ilingajut pitsartujoksoatitut îtsomârput, ômatingillo ᴋuviasudlaromârput sorlo vainemut; ilâ, ᴋitorngangita takojomârpât, ᴋuviasugomârpullo; ômatingit ᴋuviasugomârput Nâlekame.

Mattêuse 5:12

Alliatitse, sivôraniaraselo, akkilertautsiaromârapse ᴋilangme. Taimâktauk nalautaijut sivorlise unangmigingmatigik.

Lukase 1:47

Anernermalo Gûde Piulijiga ᴋuviasugvigivâ.

Rômiunut 5:11

Tamannale kissimeungitoᴋ, nertôtivogulletauᴋ Gûdeme, Nâlegaptigut Jêsuse Kristusikut, tâpsomûna mâna ulapirsaumik tunitsiviogapta.

II Korintemiunut 13:11

Tagva, ᴋatangutikka, ᴋuviasugitse, nâmaksiniaritse, manigortigêgitse, adsigêktomik issumaᴋaritse, ullapirsauteᴋaritse; taimâk naglingniktub ullapirsaijublo Gûdib illaginiarpâse.

Efêsusemiunut 6:10

Tagvale ᴋatangutikka nakoᴋsitiniaritse Nâlekame, ajugaᴋangitub pitsartuninganut.

Deuteronomy 12:18

Nerrijaksarivatille tamakkoa Nâlekab Gûdivît sângane inime Nâlekab Gûdivît annerimajangane, igvit, ernivîllo, panivîllo, kivgablo angutib, kivgablo arnaub, Levitiojûblo itertarvingnêtûb: ᴋuviasudlartuksauvotillo Nâlekab Gûdivît sângane aggakpît isarutigijangit tamaita pivlugit.

Deuteronomy 16:11

Serrijuksauvotillo Nâlekab Gûdivît sângane, igvit, ernîllo, panîllo, kivgallo angut, kivgallo arnak; Leviteojorlo itertarvingnêtok, takorngartarlo, iliarsuglo, uigarnerlo, akunapsingnêtut, ineme Nâlekab Gûdivit annerijangane aterminut iniksauᴋovlugo.

Filippimiunut 3:3

Uvagut kipimaniogapta, Gûdemik kivgartortogut anernerme, nertôtivlutalo Kristuse Jêsusemik, uvinik tatiginago.

Filippimiunut 4:4

Kuviasutsainaritse Nâlekame, amalo oᴋarpunga: ᴋuviasugitse.

Filippimiunut 4:8

Tagvale ᴋatangutikka, mikseᴋârnerillo ilusitsiaringnerillo, idluarnerillo, ivjornainerillo, naglingnarnerillo, illanârêngnerillo, ilûnaita inutsiaᴋutaunerit, ᴋujanartoᴋarpallônêt, nertornartoᴋatamakkoa issumaksarsiorutigisigik.

I Tessalônikamiunut 4:1

Ama ᴋatangutivut, inaksorpapse kaiblarluselo Nâlekame Jêsuseme, nâmaksivalliarᴋovluse, sôrlo tussarapse uvaptingnit ᴋanoᴋ inôniariaᴋarnermik, Gûdemut ᴋuviagijauᴋovluse.

I Tessalônikamiunut 5:16

ᴋuviasutsainaritse.

Jâkobusib 1:2

ᴋatangutikka nagligijakka, angijomik ᴋuviasugitse, sunatuinarnut ôktortaulerupse,

I Pêtrusib 3:8

Tagvale ilûnase issumaᴋaᴋatigêngniaritse, naiperᴋotigosukluse ᴋatangutitut naglikluse, nâpkigosukluse inôtsiarluse.

I Pêtrusib 4:13

Kuviasugitsele, Kristuse kappiasuktitauᴋatigigapsiuk, ânanauningata saᴋᴋeromârviane ᴋuviasûteᴋarᴋovlusetauᴋ serriniardluse.

II Pêtrusib 3:1

Tamadja aglangma aipangit ilipsingnut, naglingnartose; tamakkonunga tupaktiluselo erᴋaitipara issumase nelâgôrtoᴋ;

I Samuel 2:1

Hannalo tuksiarpok oᴋarlunelo: Omattiga ᴋuviasukpok Nalekame, pitsartunera angijorortitaumavok Nalekame, ᴋannera angmarmarikpok omigijikka pivlugit; piuliklernît ᴋuviasutigigapko.