Filippimiunut 2:5 - Labrador Inuttitut Heritage Bible

⁵ Ilûnase issumaᴋaritse Jêsusib Kristusib issumaᴋarningatut.

Filippimiunut 2:5 Iomraidhean Croise

Mattêuse 11:29

Nangmautara ilipsingnut pisiuk, ilinniarvigivlungalo; ᴋenuênama piojorijuilarmalo ômatimne; tagva merngoerserviksarsiniarpose tarnipsingnut.

Lukase 22:27

Kina atanionersauvâ? Nerrimârvingme iksivajok, kivgartortorlônêt? Taimnaungitok, nerrimârvingme iksivajôᴋ? Uvangale akunapsingne kivgatun-ipunga.

Apostelit Piniarningit 10:38

Jêsuse Nazaremiok pivlugo, Gûdib mingoalaungmago Anernermik ajunginermik pitsartunermiglo; tâmna arvertalaungmat ajungituliartorlune, inûlilaitalo ilûnaita Sâtanasemut sâlaulauktut, Gûdib najormago.

Apostelit Piniarningit 20:35

Nangminek ᴋaujitilaukpapse tamainik, taimâk sanajuksaugapta, sangêtut ikajorlugit, Nâlekablo Jêsusib oᴋausingit erᴋarlugit, oᴋarmat: Tunijinek piloringnarnersauvok pilitaunermit.

Rômiunut 14:15

Katangutivîlle nerᴋigijatit kiksautigikpagit, tagva naglingneᴋ maliklugo iluseᴋangilatit. Nerᴋigijatille pivlugit Kristusib toᴋotigijanga asserortiniarnagotôᴋ.

Rômiunut 15:3

Kristusetauᴋ ingminik nâmagilaungimat, sorlole aglaksimangmat: Ilingnik oᴋauteᴋaluktut oᴋarnerlungningita tupvigivânga.

Rômiunut 15:5

Gûdible ᴋenuersârtitsijub manigoijublo tunitjivigilise issumaᴋaᴋatigêngnermik, Kristuse Jêsuse maliklugo.

I Korintemiunut 10:33

Sorlo uvangatauk tamainut ᴋuviagijaunasuarama sunatuinatigut, idluarᴋutiksamik pinasuarlunga uvamnu-ungitok, unuktunulle, piulijauᴋovlugit.

Efêsusemiunut 5:2

Naglingnermelo arvertaritse, sorlotauᴋ Kristusib nagligilaungmatigut, ingminiglo tunilaungmat pivluta, tunergutiksaujomavlune toᴋotaksamik, Gûdemut tipitsiariksautiksamik.

Filippimiunut 1:1

Pauluse Timôteuselo, Jêsusib Kristusib kivgâgik, ivjornaitunut tamainut Kristuse Jêsuseme Filippimêtunut, ajoᴋertuinerôjunullo (illagêllo) kivganginut.

I Pêtrusib 2:21

Tamattomunga ᴋairᴋojaugapse. Kristusetauᴋ âniadlalaungmat pivluta, igjaraksamik ᴋemaivlune uvaptingnut, tâpsoma tuminginik malerᴋovluta.

I Pêtrusib 4:1

Kristuse ânialaungmat timimigut pivluta, ilipsetauᴋ taimaitomik issumamik tigusilermititse; uvinikut âniajoᴋ idluitulijungnairmat;

I Johannesib 2:6

Tâpsomanêtsainardluni oᴋartoᴋ, arvirtartuksaugivoᴋ, sorlo tâmna (Jêsuse) arvitalaungmat.