Filippimiunut 2:13 - Labrador Inuttitut Heritage Bible

¹³ Gûde tagva pititsijoᴋ ilupsingne pijomanermiglo nâmaksititsinermiglo, idluarijane pitjutigilugo.

Filippimiunut 2:13 Iomraidhean Croise

I Atannit 8:58

Omativut sangutilugit tapsomunga, agvertarᴋovluta apᴋosiningine tamaine, malliᴋovlutalo perᴋojanginik, illusiokojanginiglo, idluarijanginiglo, perᴋolauktanginik atâtagijaptingnut.

II Kronika 30:12

Nalekab aggangita Judakuttauk tikkipait adsigêktunik issumaᴋartimagit, pinniarᴋovlugit attanniub angajoᴋaunerôjullo perᴋojangat, Gudib oᴋausinginit pijok, malliklugo.

Esra 1:1

Koresib Persiamiut attanningata Jaringita sivurlingane, nallautsilerᴋovlugit Nalekab oᴋausingit, oᴋauserilauktangit Jeremiab ᴋanningagut, Nalekab Koresib Persiamiut attanningata annerninga tuppaksarpa, akpautigijauᴋojiᴋovlugo attanniovingmine illunane, aglaktigullotauk, oᴋarᴋojilunelo:

Esra 1:5

Tagva angajoᴋaunerôjut atâtanit Judakunit, Benjaminekunillo, ajochertuijullo, Levitillo, illunatik annernermigut tuppaksartaujut Gudemut, parngnailerput takpaungaromavlutik, igloliorlugolo Nalekab igluksanga Jerusaleme.

Esra 7:27

Nertortaule Nalegak atâtagijapta Gudingat tamattominga attannermik illumêlauktok, Gudib iglunga Jerusalemêtok ânanausijomavlugo,

Nehemia 2:4

Tagva atanniub oᴋautivânga: Sunamigle tuksiarᴋit? Tagva ᴋilaub Gûdinganut tuksiarpunga,

Hiobe 33:29

Ahâk, tamanna tamât Gûdib pinniarpâ maggoertorlune pingasoêrtorlunelônêt inungmut.

Imgerut 110:3

Sâlaᴋarnivît uvloksoangane inuᴋotivit malligomârpâtit ᴋunnutuidlutik, ânanausijaunelijarlutik ivsornaitomik. Inûtsûᴋotitit tikkilerput illingnut mitsuksoaktut ᴋaub aupalungningata sânganit sorlo.

Imgerut 119:36

Omattiga ᴋajungertilauruk kigligiutsinernut, pijomatudlarnermuungitorlo.

Imgerut 141:4

Omattiga ᴋajungertiniarnago sunamut idluitomut, Gûdeᴋangitut illusingit attorlugit idluitullijut illagilugit, nerrerᴋonanga taipkoa oêrijanginnit.

Salomob Okâl 21:1

Atanniub ommatinga Nâlekab agganginêpok kôktitut imiliktitut; tapsoma sangutipa pijomajaminut.

Jesaiase 26:12

Uvaptingnulle ullapirsaumik pititsijomârpotit, Nâlegaᴋ, sullijavullõnêt tamaita tunigangne uvaptingnut.

Jeremia 31:33

Tamadja angerutiga Israêlikunut, uvlut tamakkoa kingorngatigut pijomârtara, oᴋarpoᴋ Nâlagaᴋ: Perᴋojakka issumanginut pititsomavakka, ômatinginullo aglagomavakka; taipkonungalo Gudeojomavunga, tâpkoalo inuᴋotigijomârivakka.

Jeremia 32:38

Inuᴋutigijomavakkalo Gudeojomavungalo tâpkonunga.

Lukase 12:32

Erᴋsiniarase, ilagêktuarsuit: Atâtapse idluaringmago tunitsivigivluse nâlegauvingminik.

Lukase 2:14

Gûde ᴋotsingnermêtok nakoridlartaule, ullapirsauteᴋarle nuname, inungnelo ᴋuvianartoᴋarle!

Johannese 3:27

Johannese kiovoᴋ oᴋarlunelo: Inuk tigusijungnangilak sumik, ᴋilangmit tunitjiviongikune.

Johannese 6:45

Nelautaijut aglangine aglaksimavok: Ilûnnatik ajoᴋertortaumajôjomârput Gûdemut. Atâtamillo tamattominga tusartoᴋ ilinniarlugolo, tâmna ᴋaijungnarpok uvamnut.

Johannese 6:65

Oᴋarporlo: Tamanna pivlugo oᴋautilauᴋpapse: Uvamnut tikitoᴋarungnangilak, Atâtamut tamattominga tunitjiviogune kisiane.

Apostelit Piniarningit 11:21

Nâlekablo aggangita ilagivait, unuktoksuillo okpilerput sâgiarlutiglo Nâlekamut.

Rômiunut 12:3

Saimanermulle tunergusiamnut oᴋaupapse ilûnase atunit, piojorijoᴋarᴋonago nangminerminik; nâmatuinartomigle issumaᴋaritse ilipsingnik, ilûnase ingmikôrluse, okpernipsingnut tunitjivionipsingnut Gûdemit.

Rômiunut 9:11

(Singaigik anerᴋartinagik, sulle ajungitulerᴋâratik idluitulerᴋâratiglônêt, Gûdib anerosungninga issumasimaningalo soᴋosijuerᴋovlugik, piniarnerit pitjutiginagit, ᴋaiᴋojijorle pitjutigilugo)

Rômiunut 9:16

Taimaimat inûb pijomaningalônêt aᴋpangerningalônêt sulingilaᴋ, Gûdible nâpkiningninga kissime.

I Korintemiunut 12:6

Pitsartunerillo sunatuinauvut, Gûdele tâmnautsainarpok, tamainik piniartitsijok tamaine.

I Korintemiunut 15:10

Gûdible saimarsaininganut ilinganera taimaipok; saimarsautâlo uvamnut pijok sulinane pimangilak, uvangale taipkonangat tamainit piniarnersaulaukpunga; uvangale pingitunga, Gûdible saimarsainingata ilagingmanga.

II Korintemiunut 3:5

Uvagut sumiglônêt issumasijungnangilagut nangminiptingnik; sappinginivulle Gûdemit pivoᴋ.

Efêsusemiunut 1:11

Tâpsomûna uvaguttauᴋ kingormgujijuksautitauvogut, sivorngagut anerimajogut issumasimaninganut, tamaitaᴋsoarnik piniartub pijomajame issumasimaninga maliklugo;

Efêsusemiunut 1:5

Issumasimagame ᴋitorngautitsomavluta ingminut, Jêsuse Kristusikut, taimâk ᴋuviagijaminut pijomagame,

Efêsusemiunut 1:9

Kaujitilaungmatigut pijomajame nalonarninganik, ᴋuviagijaminut, taimâk issumasimagame,

Efêsusemiunut 2:8

Saimanermut piulijaumagapse okpernikut; ilipsingnik taimaingilase, Gûdible tunergutâ tamanna.

II Tessalônikamiunut 1:11

Tamannalo pivlugo tuksiarutitsainarpapse Gûdiptingnut, pijungnarsititauᴋovluse ᴋaiᴋojauneᴋ tamanna malitsiarungnarlugo, (ilipsingnullo) ajungituliningit tamaita, ᴋuviagijangillo, okpernerublo piniarninga nâmaksititauᴋovlugit pitsartuninganut.

II Timôteusemut 1:9

Tâpsoma piulilaungmatigut, ᴋaiᴋolutalo ᴋaiᴋojinermut ivsornaitomut, piniarnivut pitjutiginagit, issumasimanerminulle saimanerminullo tunitsivioniptingnut Kristûseme Jêsuseme silaksoak pigiarᴋârtinago;

Ebrêerinut 13:21

Tâpsoma idluarsarlise, ilûnâne ajungitulijungnarᴋovluse perᴋojangit piniarlugit, senalunelo ilupsingne ᴋuviagijaminik, Jêsuse Kristusikut; tâmna nâlengnarsile issoᴋangitomit issoᴋangitomut. Amen.

I Pêtrusib 1:3

Nertortaule Gûde Nâlegaptalo Jêsusib Kristusib Atâtanga nâpkiningnersoarminut ernertâripsâlaungmatigut, ômanartomik nerriugijaksaᴋarᴋovluta, Jêsusib Kristusib makininganut toᴋungajunit;