Filippimiunut 2:12 - Labrador Inuttitut Heritage Bible

¹² Taimaimat nagliktakka, sorlo nâletsainalaurapse, najorapse kissianeungitoᴋ, mânaletauᴋ anginersamik aglat apsimatilunga, piulijauniksase piniarsiuk kuksasukluse sajukluselo.

Filippimiunut 2:12 Iomraidhean Croise

Esra 10:3

Tagva manna Gudivut angerᴋattigilavut, nullit takkorngartat illunaita, erniangomajullo tapkonangat, apterlugit piᴋovluta nalekama (Esrab) attannertuininga malliklugo, tapkoalo Gudib perᴋojanginik sivurajut (attannertuiningit) perᴋojat malliklugo pinniartauᴋovlugo.

Imgerut 119:120

Erksigapkit ᴋêungomivunga idluarijatillo kakkilârutigivakka.

Imgerut 2:11

Nâlegak kivgartorsiuk sivôraluse, ᴋuviasuleritselo sajukluse.

Salomob Okâl 10:16

Idluartok perᴋutiminik atorpok inôtsemut; Gûdeᴋangitorle pinasualauktaminik atorpok idluitomut.

Salomob Okâl 13:4

Erᴋeasuktok tussuvok, piniangilarlo; erᴋinaitulle tarningit nâmaksititaujomârput.

Jesaiase 66:2

Aggama tamakkoa tamaita sanavait, taimaglo tamakkoa illũnatik pingulerput, oᴋarpoᴋ Nâlegaᴋ. Imaitoᴋ takunârpara: ajulertoᴋ, serᴋomisimajomik anernilik, oᴋausimnik sivorajoᴋ.

Jesaiase 66:5

Nâlekab oᴋausinginik tussaleritse, illipse, tâpsoma oᴋausinginik sivorajose: Kattangutise illipsingnik ômisuktut, avitsijut illipsingnik attera pivlugo oᴋaralloarput: Nâlegaᴋ nertornarsile, ᴋuviasungnipsingnik takonârᴋovluta, — tâpkoale kangusuktitaujomârput.

Mattêuse 11:12

Johannesible baptiterijub uvlungita kingorngatigut, sulle tagvunga, nâlegauvik ᴋilangmêtok aᴋsorôtjauvok; tâpsomingalo aksorôtjijut, amualerpât ingmingnut.

Mattêuse 11:29

Nangmautara ilipsingnut pisiuk, ilinniarvigivlungalo; ᴋenuênama piojorijuilarmalo ômatimne; tagva merngoerserviksarsiniarpose tarnipsingnut.

Apostelit Piniarningit 16:29

Nannergoamigle ᴋaitauᴋojivoᴋ, itersârlunelo, sajulerdlunelo Paulusib Silasiblo itiganginut pâmakpok.

Apostelit Piniarningit 9:6

Makilerille ailutillo iglugasaksoarnut, tagvane oᴋautjaulârpotit piniaraksarnik.

Rômiunut 2:7

Imâgle: ᴋenuersârlutik ajungitulinermut pinasuartut nertornartomiglo nâlangnartomiglo soᴋosijuitomiglo taipkoa inôgumik nungusuitomik tunisivigijomârpait;

I Korintemiunut 15:58

Taimaimat nagliktakka ᴋatangutikka, Nâlekab piniarᴋojanginik pivalliatsainaritse, sôngoluse soᴋᴋosijuititse! Nalunginapse, piniarnise Nâlekame sulinase pinginapsigik.

I Korintemiunut 2:3

Sangêtoksôvlungalo erᴋsilarmalo sajudlalarmalo najulaukpapse.

I Korintemiunut 4:14

Tamakkoninga aglangitunga kangusuktitsomavluse; erᴋaitinasuarpapsele ᴋitorngaptut nagligijaptut.

II Korintemiunut 7:15

Tâpsomalo angijomik ômamut nagligivâse, ilûnase nâlengnipsingnik erᴋaigangame, sivôravluselo sajukluselo ilaliulaurapsiuk.

Efêsusemiunut 6:5

Ilipse kivgaujose nâlegase nunamêtut nâleksigik, kuksasukluse sajukluselo, ômatipsigut issumalingasuerdluse, Kristuse sorlo nâleklugo;

Filippimiunut 1:27

Arvertaritsele Kristusib oᴋausingit tussarnertut malitsiarlugit; tikigumalônêt takoluse, apsimalungalônêt tussarᴋovlunga, sôngolernipsingnik atautseme anernerme, atautsemik tarneᴋarluse sorsugiaᴋatigilutalo okperneᴋ oᴋautsinut tussarnertutnut pivlugo.

Filippimiunut 1:29

Kristuse pivlugo tunitjiviogapse, okpervigilugo kissianeungitoᴋ, kappiasuktitaujutigilugoletauᴋ.

Filippimiunut 1:5

Oᴋautsinut tussarnertunut illagêguteᴋarnise pivlugo, uvlormit sivorlerpâmit mâna tikidlugo.

Filippimiunut 1:6

Tamattomingalo sungertûteᴋarvikpunga, ajungituliamik pigialauᴋtub ilupsingne, tâpsoma nâmaksitiniarivâ Jêsusib Kristusib uvluksangata naliuniksanga tikidlugo.

Filippimiunut 2:19

Nerriukpungale Nâlekame Jêsuseme, mânakassakut Timôteuse tiliniarapko ilipsingnut, uvangatauᴋ nakoᴋsijauᴋovlunga, ᴋanoᴋ ilinganipsingnik tussaruma.

Filippimiunut 4:1

Tagva, nagliktakka ungagijakka ᴋatangutikka, ᴋuviasûtiga niaᴋôtiksaralo, taimâk sôngotsainaritse Nâlekame, naglingnartose ilipse.

Filippimiunut 4:15

Ilipsele, Filippimiut, nangmineᴋtauᴋ ᴋaujimavose, oᴋautsit tussarnertut oᴋâlatigijautainarningane Mazedôniamit aulalaurama, illagêt assipse avâgilaungilânga, tunijineᴋ tigusinerlo issumagivlugo, ilipse kissipse.

I Tessalônikamiunut 1:3

Issumagitsainarlugit piniarnise okpernermut, senaniselo naglingnermut, ᴋenuersârniselo nerriungnermut, Nâlegaptingne Jêsuse Kristûseme, Gûdib Atâtaptalo sângane.

II Timôteusemut 2:10

Tamanna pivlugo kappianartut tamaita ᴋenuersârutigivakka anerimajut pivlugit; tâpkoatauk piulijaunermik Kristûseme Jêsusemêtomik perᴋovlugit, ânanaunek nâksaungitok illagilugo.

Ebrêerinut 12:1

Tamanna pivlugo uvaguttauᴋ, kigligiutsijunik taimak unuktigijoksoarnik avatiptigut peᴋarapta: Ajornerit allarlavut uvaptingnut nipingatsainartut erᴋinautigijavullo, ᴋenuersârlutalo aᴋpangerta aᴋpalliuterᴋojauniptingne,

Ebrêerinut 4:1

Tagva mâna udjertorta angervionivut iterniarnivut merngoerservioᴋojanganut kamaginago pinata, nelivut kinguraiᴋonago.

Ebrêerinut 4:11

Tagva mâna ataruilita, merngoêrservingmut tamattomunga iterᴋovluta, neliat kataᴋonago, ipkoa okpingitut igjaraksarivlugit.

Ebrêerinut 5:9

Tamaitalo nâmaksitinamigit, nalektiminut ilûnainut piulijaujutaumalerpoᴋ nâksaungitomik;

I Pêtrusib 2:11

Nagligijaujose ᴋatangutit, takorngartaujose nunagingitapsingnêtoselo inerterpapse: Uviniub ikliguninginik atortailititse, taipkoa tarne akkerartormatsuk;

II Pêtrusib 3:18

Nâlegaptale Piulijiptalo Jêsusib Kristûsib saimarsautâne illitarsinermelo tâpsominga aglivalliatitse. Tâmna nertortaule tamattomane issoᴋangitomullo. Amen.