Filippimiunut 2:1 - Labrador Inuttitut Heritage Bible

¹ Ilipsingne tagva kaiblaijoᴋarpat Kristuseme, manigoijoᴋarpat naglingnerme, illagêktoᴋarpat Anernerme, ômamut naglingniktoᴋarlunelo nâpkiniktoᴋarpat;

Filippimiunut 2:1 Iomraidhean Croise

Imgerut 133:1

Ahak, ânanaudlarmêk, takkoranidlarmêglo, ᴋattangutigêt issumaᴋarᴋattigêklutik iglomioᴋattigêkpâtta.

Jesaiase 16:11

Tamanna pivlugo õmatiga Harfetut nipliavoᴋ Moabe pivlugo, illugalo Kirrâresse pivlugo.

Lukase 2:25

Ahâglo, anguteᴋalaukpok Jerusaleme Sîmeonemik atilingmik; angullo tamna idluarlunelo Gûdemik nâlekpok, Israêliblo manigortaujutiksanganik nerriukpok, Anernerublo ajunginerub inigivâ.

Johannese 14:18

Iliarsôᴋojomangilapse, tikitsomagivapse.

Johannese 14:27

Ulapirsaumik ᴋemaivigivapse, ulapirsautimnik tunitjivigivapse. Tunitjivigingilapse silaksoarmiut tunijiningititut. Omatise ᴋoaksârniaratik erᴋsiniaratiglo!

Johannese 17:13

Mânnale ᴋaivunga ilingnut, taimâglo oᴋarpunga silaksoarmêdlunga, ᴋuviasungnimnik ilumiuteᴋarᴋovlugit nâmaktomik.

Apostelit Piniarningit 2:46

Uvlullo tamaita ilagêklutik katimaviksoarmêput, ᴋakᴋôjallo avgorpait iglune tamaine.

Apostelit Piniarningit 4:32

Okpertulle unuktoksôjut atautsemik ômateᴋarlarmiglo, atautsemik tarneᴋarput (sorlo); perᴋutimingniglo oᴋartoᴋangilat piminik tailugit, tamaitale adsigêktomik avikpait ingmingnut.

Rômiunut 5:5

Nerriungnerle kangusuktitsiniangilaᴋ. Gûdib naglingninga kovimangmat ômatiptingnut, Anernermut ajunginermut tunergusiarijaptingnut.

Rômiunut 8:26

Taimaktauᴋ sangêniptingne Anernerub ikajorpâtigut. Tuksiarnermik ᴋanoᴋ nâmaktomik nalogapta; Anerneruble nangmineᴋ akkisartorpâtigut anersaumijunut oᴋautaujungnangitunut.

I Korintemiunut 12:13

Tamapta Anernermut atautsemut baptisimagapta, atautsemik timeolerᴋovluta Jûdiongmangâptalônêt, Grîᴋiongmangâptalônêt, kivgaungmangâptalônêt, kivgaungimangâptalônêt; ilûnatalo imitauvogut Anernermut atautsemut.

I Korintemiunut 15:31

Sorlo nalâgut nertornautigigapse Kristûseme Jêsuseme Nâlekame, uvlut tamaita toᴋolertotun-ipunga.

I Korintemiunut 3:16

ᴋaujimangilasê Gûdib iglogingmase, Gûdiblo Anerningata inigingmasê?

II Korintemiunut 2:14

Gûdele ᴋujagiviktaule! ajugautitsainarmatigut Kristuseme, tâpsominga illitarsineᴋ tippigiktotut ᴋaujitingmago nunane tamaine, uvagut atorluta.

Galâtsiamiunut 4:6

Kitorngaugapsele, Gûdib Ernerme Anerninga ômatipsingnut pitipâ, tâmna nipliajoᴋ: Abba Atâtak!

Galâtsiamiunut 5:22

Anernerub perortisangangit tamadja: Naglingneᴋ, ᴋuviasungneᴋ, ullapirsaineᴋ, ᴋenuersârneᴋ, inôtsiarneᴋ, pitsiarneᴋ, okperneᴋ, piojoringineᴋ, ikliguktailineᴋ.

Efêsusemiunut 4:4

Time atauseᴋ, anerneᴋ atauseᴋ, sorlotauᴋ ᴋaiᴋojaumagapse nerriugijaksaᴋarluse atautsemik ᴋaiᴋojaumanipsingnut.

Filippimiunut 1:8

Gûdib ila ᴋaujimavânga, ᴋanoᴋ ômamut angijomik ungagigapse tamapse, Jêsusib Kristusib nagligasungnersoangane.

Filippimiunut 3:3

Uvagut kipimaniogapta, Gûdemik kivgartortogut anernerme, nertôtivlutalo Kristuse Jêsusemik, uvinik tatiginago.

Kolossamiunut 2:2

Omatingit ᴋaiblartauᴋovlugit ᴋelaksortigêrᴋovlugillo naglingnikut, akluilerᴋovlugillo ilisimajutiksanik tamainik nakimarninangitunik, Gûdemik Atâtamiglo Kristûsemiglo nalonartok illitarilerdlugo.

Kolossamiunut 3:12

Taimaimat, Gûdub anerimajangititut ivsornaitutitullo, naglingnartutitullo, atinialeritse ômamut nâpkigosungnermik, inôtsiarnermiglo, piojoringinermiglo, ᴋenuênermiglo, kamangitsertornermiglo;

Ebrêerinut 6:18

Maggungnut soᴋᴋosijuitungnut (Gûde saglovlune ajornavingmat) sôngojomik manigorutiksaᴋarᴋovluta, uvagut ᴋilanârtogut nerriugijaksaᴋ perᴋojaumajoᴋ uvaptingnut atavigênarlugo;

I Pêtrusib 1:2

Anerimajut, Gûdib Atâtab sivorngagut issumasimaninganut, Anernerub ivjornaititsininganut, nâleᴋovlugit, serparsartauᴋovlugillo Jêsusib Kristusib aunganut: Gûdib saimarlise ullapᴋoserliselo aglivalliajomik.

I Johannesib 3:24

Piᴋojanganiglo nâliktoᴋ tâpsomanêtsainarpoᴋ, tâmnalo tâpsomanêpoᴋ. Anernerlo tunijanga uvaptingnut nalunaikutarivavut, iluptingnêtsainarniarmat.

I Johannesib 4:12

Gûdemik takomajoᴋatsangilaᴋ. Nagliktigêkupta, Gûde iluptingnêtsainarpoᴋ, naglingningalo iluptingni nâmaksivoᴋ.

I Johannesib 4:16

Gûdiblo naglingninga uvaptingnut ᴋaujimavlugo okpirivavut. Gûde naglingniovoᴋ, naglingnimêtsainartorlo Gûdemêtsainarpoᴋ, Gûdelo tâpsomanêpoᴋ.