Filippimiunut 1:5 - Labrador Inuttitut Heritage Bible

⁵ Oᴋautsinut tussarnertunut illagêguteᴋarnise pivlugo, uvlormit sivorlerpâmit mâna tikidlugo.

Filippimiunut 1:5 Iomraidhean Croise

Apostelit Piniarningit 2:42

Apostelille ajoᴋertûtinginik nâlatsainalerput, ilagêklutiglo, ᴋakᴋôjaniglo avgoilutik, tuksiaᴋatigêklutiglo.

Rômiunut 11:17

Akkerungitale illangit naviksimagalloarmatta, igville orᴋsuliksamik napârtutsiangolaungitotit, akornganut ivertitauleravit napârtutsiab orᴋsuliksab amânganik iptinganiglo illangiusimavlutit;

Rômiunut 12:13

Ivsornaitut ajoᴋsarninginut angajoᴋauniaritse; siniktarviojomatitse.

Rômiunut 15:26

Mazedôniamiut Achâjamiullo ᴋunulugatik tujôtsanik katersoilaungmatta, ivjornaitut Jerusalemêtut ikajoromavlugit.

I Korintemiunut 1:9

Gûde okpernarmat, tâpsomunga ᴋaiᴋojaumavose Erningata Nâlegapta Jêsusib Kristûsib ilagêngninganut.

II Korintemiunut 8:1

ᴋaujitipapsele, ᴋatangutikka, Gûdib saimarsautânik, tunijaumajomik illagêktunut Mazedôniame.

Efêsusemiunut 3:6

Tamadja, nalojut kingormgujeᴋataungmatta timeᴋataularmiglo, illangiuteᴋataularmiglo angersimaninganik Kristuseme, oᴋautsitigut tussarnertutigut,

Filippimiunut 1:12

Nalojungnaitipapsele ᴋatangutikka naglingnartose, ilingatitaunera tamanna sunaubva oᴋautsit tussarnertut aglivaliajutigivât.

Filippimiunut 1:16

Ipkoa Kristuse oᴋâlautigivât ᴋaningaumajârnermut nalagôrlugatiglo, ᴋelarutikka kappianartomik illajomavlugit issumaᴋaramik.

Filippimiunut 1:27

Arvertaritsele Kristusib oᴋausingit tussarnertut malitsiarlugit; tikigumalônêt takoluse, apsimalungalônêt tussarᴋovlunga, sôngolernipsingnik atautseme anernerme, atautsemik tarneᴋarluse sorsugiaᴋatigilutalo okperneᴋ oᴋautsinut tussarnertutnut pivlugo.

Filippimiunut 1:7

Taimâk idluarmat, tamattominga issumaᴋariaᴋarpunga ilûnase pivluse, ômatimninapse ovane parngnanairsorsimanimne, akiornimnelo oᴋautsit tussarnertut kigligiutigilugit aulajungnangertinapkit, ilipse ilûnase saimarsauteᴋaᴋatigigapse.

Filippimiunut 2:12

Taimaimat nagliktakka, sorlo nâletsainalaurapse, najorapse kissianeungitoᴋ, mânaletauᴋ anginersamik aglat apsimatilunga, piulijauniksase piniarsiuk kuksasukluse sajukluselo.

Filippimiunut 2:22

Tâmnale ᴋaujimavase idluartoᴋsôngmat; sorlo atâtab ᴋitorngane kivgartoᴋatigingmago, taimâk kivgartoᴋatigilauᴋpara oᴋautsinik tussarnertunik.

Filippimiunut 4:3

Igvittauᴋ nertornartoᴋ ikajoᴋatiga, ᴋenuvigivagit, (arnâk) tâpkoa ikajorniakik, sorsugiaᴋatigilauᴋtâkka oᴋautsit tussarnertut pivlugit, Klemense assingillo piniaᴋatikka illagilugit, atteᴋartut aglaksimajunik aglangne ômanartune.

Filemônemut 1:17

Tagva illagijaktut-inasugigumga, illalioruk uvangaujârtilugo.

Ebrêerinut 3:14

Kristuse illangiubvigigaptigo, sungertûteᴋarnivut aulaijungnangeruptigo naggatânut,

II Pêtrusib 1:1

Simon Pêtruse, Jêsusib Kristûsib kivganga Apôstelingalo. okpernermik pivianartomik uvaptitut pimaᴋatiptingnut idluarnerme, Gûdipta piulijiptalo Jêsusib Kristûsib pititsininganut.

I Johannesib 1:3

Tâmna takolauᴋtavut tussalauᴋtavullo oᴋautigivavut ilipsingnut, ilipsitauᴋ illagêgutiᴋarᴋovlusi uvaptingnut; uvagullo Atâtamut Erninganullo Jêsuse Kristusemut illagêngniᴋarpogut.

I Johannesib 1:7

ᴋaumajomili arvitarupta, sorlo tâmna ᴋaumajomêngimat, illagêngniᴋarpogut uvaptingnut; Jêsusiblo Kristusib, tâpsoma erningata, aungata ubvarpâtigut ajortunit tamainit.