Biblia Todo Logo
Bìoball air-loidhne

- Sanasan -




Filippimiunut 1:10 - Labrador Inuttitut Heritage Bible

10 Kiglisiniarungnarᴋovluse suna ajunginerpaungmangât; nelâgôrᴋovluse, sinaungaᴋonaselo Kristusib uvluksangata naliuniksanga tikidlugo.

Faic an caibideil Dèan lethbhreac




Filippimiunut 1:10
43 Iomraidhean Croise  

Najagivlugo oᴋalungilâᴋ uvamnut? Amma tâmna nangmineᴋ (arnaᴋ) oᴋarpoᴋ annigivlugo. Omatipkut nelâgôrlunga, aggapkullo passijaksaunanga, taimailiorpunga.


Siutib oᴋâlanek nautsertorlungiᴋaûk? ᴋilaublo nerᴋiksat ikpigingilagît.


Siutib oᴋâlanek nautsertormago, ᴋanniublo, nerᴋiksak ikpigivâ.


Ajungitoᴋ ômigivase, idluitorlo ungagilugo; tâpkoa amêjarpase, sauningillo nerᴋêjarpase;


ᴋeviardlunalo Pêtruse oᴋautivâ: Tunumnut pît, Sâtanase! Sinaungasaramga; Gûdib pingit issumaginginangne, inuit pingit kissêta.


Pêtrusible kiovâ, oᴋautivlugolo: Ilûnamatsiatik sinaungajutigigalloarpatit, uvanga sinaungajuteᴋarniatsangilanga.


Jêsusib Natânaêl tikitine takovâ, oᴋautigivlugolo: Ahâk, tagga Israêlite idluartok, nelangaineᴋangitok!


Idluitulijub ᴋaumajok ômigivâ, ᴋaumajomullo aijomanane, piniarnerlungnine pidlartauᴋonagit.


Tamattomanele idluartomik isumaᴋarasuarpunga ilûnâne Gûdemullo inungnullo.


Silaᴋsûblo tamattoma inungit adsiginiarasigik, ablatsauleritsele issumapsigut nutângordluse; nautsertorᴋovluse, sunaungmangât Gûdib pijomajanga ajungitoᴋ ᴋuviagijaujorlo nâmamariktorlo.


Naglingneᴋ takkormôrtailile. Ajorneᴋ ômigisiuk, ajunginerle ungagisiuk.


Kaiblarpapsele, ᴋatangutikka, uloreagisigik akkerartortitsijullo issumaluktitsijullo, ajoᴋertûtsit illinialauᴋtapse assiatigôrtut, avileritselo tâpkonangat.


Pijomajanganiglo ᴋaujimavotit, perᴋojanullo ajoᴋertortaugavit, kiglisiniarpotit, piniaraksat ajunginersat sunaungmangâta;


Piniaromangitarale pisârupko, perᴋojat tagva ajungininganik angerpunga.


Gûdib perᴋojangit ᴋuviagivakka ilumiutapkut;


Uvingub issumanga Gûdemik ômisungniongmat; Gûdib perᴋojangit nâlagomanginamigit, saperpaillo.


Tâpsoma soᴋosijuitiniarivâse naggatiksamut pidlaraksausuerᴋovluse Nâlegapta Jêsusib Kristûsib uvlungane.


Sinaungajutauniarase Jûdinullônêt, Grîᴋinullônêt, Gûdib ilagêktoᴋotinginullônêt.


Taimaimat nerᴋe ᴋatangutima sinaungajutigikpago, nerᴋemik nerrijomanajatsangilanga, ᴋatangutimnut sinaungajutaujomananga.


Nertornautigijavut tamadja: issumapta kigligiutigingmatigut, issumalingasuerluta nelâgôrlutalo Gûdib sângane, uviniliuble issumanga atornago, saimarsauteᴋarlutalo arvertalaurapta nuname, angiluartomigle akunapsingne.


Gûdib oᴋausingit asserᴋotsitilugit pinginapta, asserᴋotsititsijutitut ipkotitunaᴋ unuktutitut; nelâgôrlutale Gûdemillo Gûdiblo sângane oᴋâlavogut Kristûsemê.


Taimailiorpogut sinaungajutaulugata kimut; kivgartornivut oᴋarnerlôtauᴋonago;


Taimâk oᴋauseᴋangilanga, sumik perᴋojilunga; assisele taimâk piniatsiarmatta, naglingnisetauᴋ ôktutuinarpara ilungertormangât.


Uvangale ᴋatangutikka, sulle kipinermik oᴋâlaguma, sôᴋ sulle unangmijauvîk? Seningajolik tagva sinaungasautigijaujungnairajarpoᴋ.


Uvagulle naglingnerme nalâgôrniarta, aglivalliavlutale ilûnaine tâpsomunga niaᴋôjomut, tagva Kristusemut.


Kiglisiniaritselo, suna idluarijaungmangât Nâlekamut.


Ingminut pititsomavlugit illagêt ânanaujut, ivsornartoᴋangitut, imulloᴋangitullo, taimaitomiglônêt assianik peᴋangitut, ivsornaiᴋovlugille pidlaraksausuerlutik.


Saimarsauteᴋarlit ilûnatik Nâlegaptingnik Jêsuse Kristusemik naglingniktut ilungertorlutik. Amen. Rômame makkoa aglaktaumavut Efesusemiunut. Tikikusib naksalauᴋpait.


Ipkoa Kristuse oᴋâlautigivât ᴋaningaumajârnermut nalagôrlugatiglo, ᴋelarutikka kappianartomik illajomavlugit issumaᴋaramik.


Tamattomingalo sungertûteᴋarvikpunga, ajungituliamik pigialauᴋtub ilupsingne, tâpsoma nâmaksitiniarivâ Jêsusib Kristusib uvluksangata naliuniksanga tikidlugo.


Oᴋauseᴋ inôjutaujoᴋ atavigênarlugo; tamattominga Kristusib uvluksangane nertornauteᴋarᴋovlunga, sulinanga aᴋpangilaunginama, sulinangalônêt sanalaunginama.


Omatise nakoᴋsititauᴋovlugit, pidlaraksautaililutik ivjornailinerme Gûdib Atâtaptalo sângane, Nâlegapta Jêsusib Kristûsib tikiviane, ivjornaitoᴋotine illagilugit.


Tamaitale kiglisiniarsigik; ajungineᴋ piksarilugo.


Nangminerle Gûdib ullapirsaijub ivjornaitilise ilûnâne ilupsigut, anerniselo, tarniselo, timiselo iluêngarlutik saputijautsainarlit pidlaraksauᴋonagit Nâlegapta Jêsusib Kristûsib tikiviane.


Tagva manna Nalegak sivoragisiuk kivgartorlugolo nertornartomik idluartomiglo, Gudingoallo atâtagijapse kivgartorlauktangit kôksuit akkiane, Egiptenemelo ipperarsigik, kivgartorluselo Nalekamik.


Naglingnartosi aninirit ilûnaita okpirinasigik, aninirilli ôktorsigik, Gûdemit pingmangâtâ; nalautaijut nalangaitut unuktoksuit aimangmatta silaᴋsoarmut.


Piniarnitit senanîllo ᴋenuersârnîllo ᴋaujimavakka, idluitulijullo ᴋenuersârvigijungnanginangne, Apostelionermingniglo oᴋartut, taimainatiglo ôktulaurangne, nagvârlutillo saglotojoksôngmatta.


Lean sinn:

Sanasan


Sanasan