Filemônemut 1:22 - Labrador Inuttitut Heritage Bible

²² Tamanna illavlugo siniktarviksamnik pinialerit; nerriukama tuksiarnise pitjutigivlugit tunijauniartunga ilipsingnut.

Filemônemut 1:22 Iomraidhean Croise

Apostelit Piniarningit 27:24

Oᴋarlunelo: Pauluse nangiarnak, ataniviksûb sânganut pititaujuksauvotit; ahâglo umiaktorᴋatitit tamaita Gûdib tunilaukpait ilingnut.

Apostelit Piniarningit 28:23

Uvlormiglo taingmatsuk, (naliutingmat) unuktut pulârpât siniktarviane; tâpkoninga ajoᴋertuivlune oᴋâlavok Gûdib nâlegauvianik, ajoᴋertorlugillo Jêsusemik, Môsesib perᴋojanginit nalautaijunillo, uvlâmit unnungmut.

Rômiunut 15:24

Spâniamut ainiaruma tikitsomavapse. Issumagama ingergarnimne taikunga takojomavluse, ilipsingnullo ᴋanilârtauᴋovlunga, anikitomik ᴋuviasuᴋatigiᴋârupse.

II Korintemiunut 1:11

Tuksiutjinipse pivluta ikajorninganuttauᴋ; tunergut saimanartoᴋ unuktut tuksiutjininginut ᴋaitaumajoᴋ uvaptingnut pitjutigilugo, ᴋujalidlartoᴋarᴋovlugo unuktunik pivluta.

Filippimiunut 1:19

Nalunginama, tamanna piulijaujutiginiarapko tuksiarnipsingnut, Jêsusiblo Kristusib Anerningata ikajorninganut.

Filippimiunut 2:24

Nâlekamele sungertûteᴋarpunga, nangmineᴋtauᴋ uvanga mânakassâkkut tikiniarapse.

Ebrêerinut 13:19

Kaiblaluarpapsele, taimailiorᴋovluse, tuavinersamik ama tunijauᴋovlunga ilipsingnut (tikilunga).

Ebrêerinut 13:23

Neloᴋongilapse ᴋatangutivut Timôteuse ama ᴋelarutjârtaungmat; tâmna aiparivlugo takojomavapse, tikituarpat.

Jâkobusib 5:16

Ajornipsingnik kigligiksaritse ilapsingnut, tuksiarutigêgitselo inûlijauᴋovluse. Idluartub tuksiarninga angijomik pitsartuneᴋarpok, ilungertornermut pigune.

II Johannesib 1:12

Unuktunik aglagutiksaᴋaralloartunga ilipsingnut, aglangnulle aglaumullo pijomananga: neriukamale tikitsomavluse ᴋanikut oᴋarvigiluse, ᴋuviasungnivut nâmakserᴋovlugo.

III Johannesib 1:14

Nerriukpungale takojomavlutit mânakut, tagva ᴋanikut oᴋaᴋatigêngniarpoguk.