Exodus 7:3 - Labrador Inuttitut Heritage Bible

³ Uvangale Faraub ômmatinga sittisititsomavara, nalunaikutat tatamnartullo (piniaromajakka) unuksitilugit Egiptenemiut nunangane.

Exodus 7:3 Iomraidhean Croise

Nehemia 9:10

Nallonaiᴋuteᴋartitsilaukpotit tattamnartullilutillo Faraome, kivgaᴋotinginelo ilûnaine, nunangatalo inugasaksoangine ilûnaine; igvit illitarksilauravit perajarlugvigingmagit; ateᴋartilaukpotillo sôrlo uvlome îmat.

Imgerut 135:9

Nallonaikutaminik tattamnartullinerminiglo tikkerᴋojilauktub illingnut, Egiptenemiut nunangannut, Faraomut kivganginullo illûnainut.

Imgerut 78:12

Atâtagilauktangita sânginne tattamnartullilaukpok Egiptenib nunangane, Zoanib naternangane.

Exodus 11:10

Mosesiblo Aroniblo tatamnartut tamakkoa tamaita piniarnerivait Faraub sângane; Nâlekablo Faraub ômatinga mangaitipâ, tâpsomalo Israêlikut aularᴋolungilait nunaminit.

Exodus 11:9

Nâlekablo Mosese oᴋautivâ: Faraub tusaromangilâtik, tatamnartulinikka unukserᴋovlugit nuname Egipteneme.

Exodus 14:4

Faraublo ômatinga mangaititsomavara udlanerᴋovlugo tâpkoninga; opigijaujomavungalo Faraokut sorsuktuksarsoaᴋutingitigullo, Egiptenemiut tukisitsiarᴋovlugit uvangaugama Nâlegak. Taimailiorput tagva.

Exodus 3:20

Kisianele aggakka isaklugit Egipteneme sugiaromârpara tatamnartunut sunatuinarnut piniaromârtamnut akorngane. Kingorngagullo aularᴋojomârpâse.

Exodus 4:21

Nâlegarlo oᴋarpok Mosesemut: Tikingmikuvit Egiptenemut, kamatsialerit, tatamnartunik tamainik ilijamnik aggangnut piniarᴋovlutit Faraub sângane. Uvangale ômatinga mangaititsomârpara, inuillo aularᴋojomângilait.

Exodus 4:29

Moseselo Aronelo aularpuk Israêlikut angajoᴋângit tamaita katitilugit.

Exodus 4:7

Oᴋarporlo: Amma aggatit ilikit ikkiavit iluanut! Iligivaillo amma ikkiame iluanut, amumagillo sunaubva, uviningatut ilingalerêrivut.

Exodus 7:13

Taimailingagalloarmat Faraub ômatinga mangaitilerpok, tusaromangilaglo, sorlo Nâlegak oᴋarmat.

Exodus 9:16

Tamanna pivlugole inûlivagit, pitsartunera takuksautitsomavlugo ilingnut, ateralo oᴋautigijaurᴋovlugo nuname ilûnâne.

Salomob Okâl 21:1

Atanniub ommatinga Nâlekab agganginêpok kôktitut imiliktitut; tapsoma sangutipa pijomajaminut.

Jesaiase 51:9

Tupalerit, tupalerit, pitsartunermik attilaurit, Nâlekab tallinga igvit! Tupalerit sivornganetut, sôrlo itsaᴋsoaᴋ inôlauᴋtut akkornganne! Igviungilatît pingijaitomik sâlaᴋartoᴋ, ômajoâlungmik toᴋotsijoᴋ?

Migga 7:15

Tatamnadlartunik takotitsomârpakka, sorlo taipsomane nunamit Egiptenemit anilaurapse.

Johannese 4:48

Jêsusiblo oᴋautivâ: Nelunaikutanik tatamnartuniglo takungikupse, okperomangilase.

Apostelit Piniarningit 2:22

Ilipse angutit Israêlitiojose, oᴋautsit ukua tusâsigik: Jêsuse Nazaremiok, angut Gûdemit pijoᴋ, sakᴋijâlaukpok akunapsingne piniarnerminut, tatamnartulinerminullo, nalunaikutanullo, Gûdib tamakkoa tâpsomûna piniarnerilaungmagit akunapsingne, ilipsetauk nangminek ᴋaujimagapsetut.

Apostelit Piniarningit 7:36

Tâpsoma aulartipait, piniarlunelo tatamnartunik nalunaikutaniglo Egipteneme, imarbingmelo aupaluktame, inuᴋajuitomelo jârit 40 it nâvlugit.

Rômiunut 15:19

Nalunaikutanut pitsartudlartunut tatamnartunullo, Gûdib Anerningata pitsartuninganut. Taimak, Jerusalemit aularlunga, erᴋânelo ilûnâne Illîriamut tikidlunga, Kristusib oᴋausingit tussarnertut oᴋâlatigilauᴋpakka tamainut;

Rômiunut 9:18

Issumaminik tagva nâpkigivâ naliat; issumaminiglo sittitipâ naliat.

Deuteronomy 4:34

Gûdelônêt tigusinasualauᴋsimavâ inôᴋatigêksoarnik nangminerijomajaminik inôᴋatigêksuit tâpkoa assingita akornganit, ôktornernut, nelunaikutanut, tatamnartulinernut, unatarnermut, aggangnut pitsartudlartunut, tallermullo issamijomut, kapianartovaksoarnullo, sorlo Nâlekab Gûdipse piniulaungmase Egipteneme ijipse sânginê?

Deuteronomy 7:19

Oktornerit angijut ijivît takojangit, nelunaikutallo, tatamnartullo, aggaillo pitsartujut, tallerlo issamijok, Nâlekab Gûdivît anititsijutigilauᴋtangit ilingnik; inôᴋatigêksuit erᴋsigijatit tamaita Nâlekab Gûdivît taimailiorvigijomârivait.