Exodus 6:3 - Labrador Inuttitut Heritage Bible

³ Sakᴋertipungalo Abrahamut Isaamullo Jakomullo Gûdeojunga ajugaᴋangitok, aterale una: Nalegak nalunailungitara taipkonunga.

Exodus 6:3 Iomraidhean Croise

Genesis 13:18

Tagva Abrab tuppine nûtipait, tikkiutivlunelo nunaᴋalerpoᴋ Mamrib napârtungine Hebronemêtune, tagvanelo Nâlekamut tunerguserviliorpoᴋ.

Genesis 17:1

Abrale jâreᴋarmat 99nik, Nâlekab saᴋᴋervigivâ oᴋautilâlo: Uvanga Gûdeovunga ajugaᴋangitoᴋ, saᴋᴋamne arvertarit pidlaraksausuerlutillo.

Genesis 22:14

Abrahablo nuna tamanna atserarpâ: Nâlegaᴋ tautugaᴋarniarpoᴋ. Tamanna pivlugo sulle uvlome oᴋartoᴋarpakpoᴋ: Kaᴋᴋame, Nâlekab tautugaᴋarviane.

Genesis 28:3

Gûdible ajugaᴋangitub saimauserlitit, kinguvâktârtilutillo, unuksivalliatilutillo inôᴋatigêksoangortilutit;

Genesis 35:11

Gûdiblo oᴋautivâ: Uvanga Gûdeovunga ajugaᴋangitoᴋ. Kinguvâktâᴋattarit unuksivalliavlutit; inôᴋatigêt, illa inôᴋatigêksuit illingnit pijomârput, attanîllo makkitingnit pijomârput.

Genesis 48:3

Jakole Josefemut oᴋarpoᴋ: Gûdib ajugaᴋangitub saᴋᴋervigilaujuvânga Luseme, nuname Kânaaneme, saimauserlungalo,

Imgerut 68:4

Gûde imgervigissiuk, attinga nertorlugo imgervigissiuk, Apᴋosineliorsiuk, tâmna sunaᴋajuitutigut pijok tamaunga; Nâlekamik atteᴋarpok; igiaᴋomijaritselo sângane.

Imgerut 83:18

Tagva illitarksiniarput, igvit attikkut atserartaumagavit Nâlegaujotôjomik, ᴋotsingnerpâmiglo, sillaksoarme illûnane.

Exodus 15:3

Nâlegak unatarteovok: atinga tagga Nâlegak.

Exodus 23:21

Ileragiuk, nipingalo nâleklugo, sinaungasarniarnagolo; tappanise isumagijungnairniangimagit: atera tâpsomanêngmat.

Exodus 3:14

Gûdelo oᴋarpok Mosesemut: Tâmnauvunga tâmnatsainak! Oᴋarporlo: Taimâk oᴋartuksauvotit Israêlikunut: Tâmnaujungagôk, tâpsoma tilivânga ilipsingnut.

Jesaiase 42:8

Uvanga Nâlegaᴋ, tagva attera; nertornarnera tunijomangitara assimnut opinarneralõnêt Gûdingoarnut.

Jesaiase 44:6

Imâk oᴋarpoᴋ Nâlegaᴋ, Israêlib attaninga piulijingalo, ᴋilangmiugasaksuit Nâlegangat: Uvanga sivorliovunga, uvangalo kingorliovunga, assimniglo Gûdeᴋangilaᴋ.

Jeremia 16:21

Taimaimat, ahâk, ᴋaujititsomavakka, tamattomane ᴋaujititsomavakka aggamnik pitsartunimniglo; ᴋaujijuksauvullo atteᴋarama Jehôvamik.

Jeremia 33:2

Imâk oᴋarpoᴋ Nâlagaᴋ tamattominga piniartoᴋ, Nâlagaᴋ tamattominga âᴋiksoijoᴋ sulitsiarᴋovlugo; Nâlakamik atteᴋartoᴋ;

Hesekiel 20:5

Oᴋautikillo: Imâk oᴋarpoᴋ Nâlegaᴋ Nâlegaujoᴋ: Uvlorme ipsomane Israêle annerilaurapko, aggakkalo ᴋolangiutitigapkit Jakokut kinguvânginut, ᴋaujijautilauramalo tâpkonunga nuname Egipteneme, aggakka ᴋolangiutitigapkit tâpkonunga, oᴋarlunga: Uvangauvunga Nâlegaᴋ Gudise;

Hesekiel 37:13

Kaujijuksaulârposelo uvangaugama Nâlegaᴋ, iluvise angmarupkit, anitikupselo iluvipsingnit, ilipse inuᴋotikka.

Hesekiel 37:6

Mamertitsomârpapselo, uvineᴋartiluselo, amertârtiluselo, anernermiglo ilumeromârpapse, ômatil selo; ᴋaujijuksaulârposelo uvangaugama Nâlegaᴋ.

Johannese 8:58

Jêsusib oᴋautivait: Âhamarik, âhamarik oᴋaupapse: Âbrahâ ilerᴋârtinago uvanga ipunga.

Takotitaunermik 1:4

Johannese (aglakpok) illagêktotalingnut 7 nut Asiamêtunut: Saimarsaumik ullapirsaumiglo peᴋaleritse tâpsomangat mattomanêtomit, ilauktomillo ᴋaijomârtomillo, Anernernillo 7 nit tâpsoma iksivautaksoangata sânganêtunit;

Ruth 1:20

Tâmnale oᴋarpok: Tainiarassinga Naemimik, taingarsingale Maramik, ajugakangitub angijomik kiksartilaungmânga.