Exodus 5:3 - Labrador Inuttitut Heritage Bible

³ Oᴋarpuk: Ebrêerit Gûdingata tikipâtigut. Inuᴋangitomut aularᴋolauktiguttôk uvlut pingasut ingergavigivlugit, Nâlekamut Gûdiptingnut tunerguseromagapta, ᴋanimasiâlungmut saviksoarmullônêt pijaurᴋonata.

Exodus 5:3 Iomraidhean Croise

II Atannit 17:25

Nunakarnimigle pigiarningane Nâlegak sivuragilaungimatsuk, Nâlegak tilliklerpok Loewinik tapᴋoa akkornganut, tapᴋoa toᴋotsivut akkorngane.

II Kronika 30:8

Tagva tappatôniarase manna atâtagijapsetut, aggassele tunnissigik Nalekamut, ᴋaititselo ivsornaitoviᴋotinganut ivsornaitilauktanganut issoᴋangitomut, Nalegarlo Gudise kivgartorsiuk, ningarninga illungertortok sangulerᴋovlugo illipsingnit.

Esra 7:23

Tamaitalo ᴋillaub Gudingata perᴋojiningit tunnijautsiatsainartuksauvut ᴋillaub Gudingata iglunganut, ningautsemik tikkitoᴋarᴋonago attanniovingmut attannermullo, erninginullo.

Exodus 3:18

Nipîllo nâlagaksarigalloarpât tagva, itertuksauvoselo, igvit angajoᴋaujullo Israêlikune, Egiptenemiut ataninganut, oᴋarvigilugo: Nâlekab Ebrêerit Gûdingata nalipsarpâtigut. Mânnalo ingergalertatôk inuᴋangitomut, uvlut pingasut ingergavigivlugit, tunerguseriartorluta Nâlekamut Gûdiptingnut.

Exodus 7:16

Oᴋarvigijaksarivallo: Nâlekab Ebrêerit Gûdingata tilivânga ilingnut, oᴋautjaurᴋovlutit: Inuᴋotikka aularᴋokit, kivgartorvigijaksaringmanga inuᴋangitome. Kisiane mânna tikidlugo tusaromangilatit.

Exodus 8:1

Nalegarlo tagva oᴋarpok Mosesemut: Faraomut oᴋariartorit: Imâk Nâlegak oᴋarpok: Inuᴋotikka aularᴋokit, kivgartorvigijaksaringmanga!

Exodus 8:20

Nalegarlo oᴋarpok Mosesemut: Uvlârorlutit nangeriartorit Faraub sânganut (ahâk, kôngmut ainiarpok) oᴋautivlugo: Imâk Nâlegak oᴋarpok: inuᴋotikka aularᴋokit, kivgartorvigijaksaringmanga!

Exodus 8:27

Uvlut pingasut ingergavigivlugit ingergajomavogut inuᴋangitomut, Nâlekamut Gûdiptingnut tunerguseriartorluta, sorlo perᴋungmatigut.

Hesekiel 6:11

Imâk oᴋarpoᴋ Nâlegaᴋ Nâlegaujoᴋ: Aggaktit pattaktorkit, ittigarnullo tukkartorit, oᴋarlutillo: Kappê, Israêlib ᴋitorngangita idluituliningit maᴋojungnartut tamaita pivlugit; toᴋoraromârmatta saviksoarmut, kângnartoᴋsoarmullo, nûsilingnartomullo.

Leviticus 26:25

Tikiutjijomârpungalo saviksoarmik ilipsingnut, akkinialârtomik angerutaujûb ningadlarninganik; katimgatitaulârposelo iglugasaksoapsingne, nusilingnartorlo tililârpara akunapsingnut; unertutijaulârposelo ômigijipse agganginut.

Deuteronomy 28:21

Nâlekab nusilingnartok unangmiklertiniarpâ ilingnik, pêjartauᴋârtinak nunamit aivigijarnit pigijomavlugo.