Exodus 5:1 - Labrador Inuttitut Heritage Bible

¹ Kingorngane Moseselo Aronelo oᴋariartorpuk Faraomut: Imâk oᴋarpok Nâlegak Israêlib Gûdinga: Inuᴋotikka aularᴋokit, inuᴋangitome uvamnut uvloksiortuksaungmata.

Exodus 5:1 Iomraidhean Croise

I Atannit 21:20

Ahabelo Eliamut oᴋarpok: Nachvârpinga omisukteojotit uvamnik? Tamna oᴋarpok: Âhaila nachvârpagit, niorvgotigigavit pinniartuinaromavlutit Nâlekab ijikita idluigijanginik.

Imgerut 119:46

Kigligiutsinitit oᴋautigivakka attanît sângine, sillasiungilangalo;

Exodus 10:3

Moseselo Aronelo iterpuk tagva Faraomut, oᴋautivlugolo: Imâk oᴋarpok Nâlegak, Ebrêerit Gûdingat: ᴋanok sivitutigijomik manigotitailijomavêt ilingnik sâmne? Inuᴋotikka aularᴋokit, kivgartorvigijaksaringmanga.

Exodus 10:4

Kippiluguville inuᴋotikka aularᴋovlugit, ahâk, ᴋaupat piglertaujat tikititsomavakka nunangnut:

Exodus 10:9

Moseselo oᴋarpok: Aularomavogut inôsuktovut inuᴋoartovullo, ernivut panivullo, saukavut nergjutivullo ilagivlugit; uvloksiortuksaugapta Nâlekamut.

Exodus 3:18

Nipîllo nâlagaksarigalloarpât tagva, itertuksauvoselo, igvit angajoᴋaujullo Israêlikune, Egiptenemiut ataninganut, oᴋarvigilugo: Nâlekab Ebrêerit Gûdingata nalipsarpâtigut. Mânnalo ingergalertatôk inuᴋangitomut, uvlut pingasut ingergavigivlugit, tunerguseriartorluta Nâlekamut Gûdiptingnut.

Exodus 33:13

Mânna tagga, saimaneᴋsiguma ijîkpit sângangne unertutilaunga apᴋotingnik, ilitarᴋsilerᴋovlunga ilingnik, saimanekserᴋovlunga ijîkpit sângangne: inôᴋatigêksuillo ulernairtorkit inuᴋotigigangne.

Exodus 4:23

Oᴋautivagillo: Ernera aularᴋojaksarivat, kivgartorᴋovlugo uvamnik. Aularᴋojomangikungne, tagva ernît angajuklek toᴋotsomavara.

Exodus 6:11

Farao Egiptenemiut ataningat oᴋautijartoruk, aularᴋojilerᴋovlugo Israêlikunik nunaminit.

Exodus 6:27

Tâpkoangovuk oᴋartuk Faraomut Egiptenemiut ataninganut, Israêlikut aularᴋovlugit Egiptenemit, Mosese tâmna Aronelo.

Exodus 7:16

Oᴋarvigijaksarivallo: Nâlekab Ebrêerit Gûdingata tilivânga ilingnut, oᴋautjaurᴋovlutit: Inuᴋotikka aularᴋokit, kivgartorvigijaksaringmanga inuᴋangitome. Kisiane mânna tikidlugo tusaromangilatit.

Exodus 7:2

Igvit perᴋojamnik tamainik ilingnut oᴋartuksauvotit, Aronible angajuvit oᴋautigijaksarivait Faraomut, Israêlikunik aularᴋojerᴋovlugo nunaminit.

Exodus 8:1

Nalegarlo tagva oᴋarpok Mosesemut: Faraomut oᴋariartorit: Imâk Nâlegak oᴋarpok: Inuᴋotikka aularᴋokit, kivgartorvigijaksaringmanga!

Exodus 8:16

Nalegak oᴋarpok tagva Mosesemut: Aronemut oᴋarit: Ajaupiaᴋotit isautivlugo nunab saningit anaukit kiktoriangorᴋovlugit Egiptenemiut nunangane ilûnâne.

Exodus 8:17

Taimailiorpuglo. Aroniblo ajaupiaᴋotine isautivlugo nunab saningit anaungmagit, kiktoriat pilerput inungnut nergjutinullo; nunab saningit ilûnnamatsiatik kiktoriangorput Egiptenemiut nunangane ilûnâne.

Exodus 8:20

Nalegarlo oᴋarpok Mosesemut: Uvlârorlutit nangeriartorit Faraub sânganut (ahâk, kôngmut ainiarpok) oᴋautivlugo: Imâk Nâlegak oᴋarpok: inuᴋotikka aularᴋokit, kivgartorvigijaksaringmanga!

Exodus 8:27

Uvlut pingasut ingergavigivlugit ingergajomavogut inuᴋangitomut, Nâlekamut Gûdiptingnut tunerguseriartorluta, sorlo perᴋungmatigut.

Exodus 9:1

Nalegak tagva oᴋarpok Mosesemut: Faraomut oᴋariartorit: Imâk Nâlegak Ebrêerit Gûdingat oᴋarpok: Inuᴋotikka aularᴋokit, kivgartorvigijaksaringmanga.

Exodus 9:2

Aularᴋolugille ᴋunudlaruvit, noᴋangatitsomavlugit sulle,

Jesaiase 25:6

Kilangmiugasaksuillo Nâlegangat âᴋiksoijomârpoᴋ ᴋaᴋᴋame tamattomane nerrimârviksoamik orᴋsulingmik nunaᴋatigêksoarnut tamainut, nerrimârviksoamik vainelingmik issungitomik, orᴋsulingmiglo pattermik vainelingmiglo issungitomik sannêjarsimajomik.

Hesekiel 2:6

Igvillo, inûb erninga, erᴋsigijaksarilungilatit, oᴋausingillônêt erᴋsiginiarnagit, kakkidlarnartut kappidlarnartullo akornganêgaloaruvit, inôgaloaruvillo kingupaujârtut akorngane, oᴋausingit erᴋsigijaksaringilatit, kênangillo kapiasûtiginiarnagit, tapatojoᴋsôᴋatigêngongmatta.

Mattêuse 10:18

Atanernullo atanersoarnullo âtsomârpâse pivlunga, taipkoa nalojullo nalojungnairutiksanginut.

Mattêuse 10:28

Erᴋsiginiarasigiglo timinik toᴋotsijut, tarninigle toᴋotsijungnangitut. Anginersamigle taimna erᴋsigisiuk, timiniglo tarniniglo asserortitsijungnartok ânianartovingme.

Apostelit Piniarningit 4:29

Mânalo Nâlegak, silungninginik takusarit, kivgatillo sivôranatik oᴋâlatikit oᴋausernik.

I Korintemiunut 5:8

Taimaimat uvloᴋsiorta pudjusautetoᴋamu-ungitok, pudjusauteᴋaratalo ajornermik takkormôrnermiglo, sanaugaᴋarlutale pudjusauteᴋangitomik ivjornaivluta mikseᴋârlutalo.