Exodus 4:5 - Labrador Inuttitut Heritage Bible

⁵ Okperᴋovlugit, Nâlekab atâtangita Gûdingata, Abrahab Gûdingata, Isaab Gûdingata, Jakob Gûdingata sakᴋervigingmatit.

Exodus 4:5 Iomraidhean Croise

Genesis 12:7

Nâlekablo Abra saᴋᴋervigivâ oᴋautilâlo: Kinguvâksarnut nuna manna tunijomârpara. Tagva tunerguserviliorpoᴋ tagvane Nâlekamut saᴋᴋervigijiminut.

Genesis 17:1

Abrale jâreᴋarmat 99nik, Nâlekab saᴋᴋervigivâ oᴋautilâlo: Uvanga Gûdeovunga ajugaᴋangitoᴋ, saᴋᴋamne arvertarit pidlaraksausuerlutillo.

Genesis 18:1

Nalekablo saᴋᴋervigivâ Mamrib napârtungine, tupperme pângane iksivatilugo uvlub kiaᴋadlarningane.

Genesis 26:2

Nâlekablo saᴋᴋervigivâ oᴋautilâlo: Ingergarniarnak Egiptenemut, nunamêtualerille oᴋautigijamne illingnut.

Genesis 28:13

Sunaubvalo, Nâlegaᴋ ᴋollâne nangerpoᴋ oᴋarlunelo: Uvanga Nâlegauvunga, atâtavit Abrahab Gûdinga, Isaablo Gûdinga. Nuna innangavigijat tunijomavara illingnut kinguvâksarnullo.

Genesis 48:15

Josefelo saimauserpâ oᴋarlunelo: Gûdib piksoma — atâtâkka Abrahalo Isaarlo arvertalaukpuk saᴋᴋâne — Gûdib uvamnik pairᴋsijub inûlervimnit uvlomemut aglât,

Genesis 48:3

Jakole Josefemut oᴋarpoᴋ: Gûdib ajugaᴋangitub saᴋᴋervigilaujuvânga Luseme, nuname Kânaaneme, saimauserlungalo,

I Atannit 18:36

Tunnerguteᴋarviublo nerᴋiksanik nelliuningane, Elia nellautaijok tagvungariarpok oᴋarlunelo: Nâlegak Abramib, Isaublo, Israeliblo Gûdingat, uvlome ᴋaujijaule igvit Gûdeôgavit Israeleme, uvangalo kivgaugama illingnut, taimailiorlauramalo oᴋautsitit malliklugit.

II Kronika 20:20

Uvlarârsukullo parngnailerput, aularlutiglo Tekoab sunaᴋajuitunganut. Aulartillugillo Josafate nangerpok oᴋarlunelo: Naleksinga Judamiôjose Jerusalemiôjoselo: Nalegak Gudise okperisiuk, tagva ussornarniarpose; nallautaijoᴋotingillo okperisigik, tagva sullidlarniarpose.

Exodus 19:9

Nâlekablo Mosese oᴋautivâ: Ahâk, tikitsomavagit nuvujame isortaksoarme, inuit tusarkovlugit oᴋarᴋatigigupkit, ilingnullo okperᴋovlugit nâksaungitomik. Mosesiblo inuit oᴋauserijangit oᴋautigivait Nâlekamut.

Exodus 3:15

Amma Gûde oᴋarpok Mosesemut: Imâk oᴋartuksauvotit Israêlekunut: Nâlekab atâtapse Gûdingata, Abrahab Gûdingata, Isaab Gûdingata, Jakob Gûdingata tilivânga ilipsingnut. Tamadja atera nâksaungitomut pijara, tamadja taigusera kinguvarêt kingordlinginut.

Exodus 3:16

Tagva angajoᴋaujut Israêlikune katititsartorkit oᴋautivlugillo: Nâlekab atâtapse Gûdingata, Abrahab Gûdingata, Isaab Gûdingata, Jakob Gûdingata sakᴋervigivânga oᴋarlune: Takonârpapse, ᴋanorlo piniarviogapse Egipteneme:

Exodus 3:18

Nipîllo nâlagaksarigalloarpât tagva, itertuksauvoselo, igvit angajoᴋaujullo Israêlikune, Egiptenemiut ataninganut, oᴋarvigilugo: Nâlekab Ebrêerit Gûdingata nalipsarpâtigut. Mânnalo ingergalertatôk inuᴋangitomut, uvlut pingasut ingergavigivlugit, tunerguseriartorluta Nâlekamut Gûdiptingnut.

Exodus 3:4

Nâlekable takogamiuk takojartortok, Gûdib tagva nipliavigivâ ukpigait kakilautelît akornganit, oᴋarlunelo: Mosese! Mosese! Kiovâ: Mânêpunga.

Exodus 3:6

Amma oᴋarpok: Uvangauvunga atâtavit Gûdigijanga, Abrahab Gûdigijanga, Isaablo Gûdigijanga, Jakoblo Gûdigijanga. Tagva Mosesib kênane mattuvâ; Gûde takonârlugo sivôragame.

Exodus 4:1

Mosese kiovoᴋ oᴋarlune: Ahâgle, okperijomângilânga, nipigalo nâlagomângilât, oᴋaromârpulle: Nâlekab sakᴋervigitsangilâtit.

Exodus 4:31

Inuillo okpilerput; tusaramiglo Nâlekab Israêlikut takojartormagit, kapiasuktitauningillo takonârmagit, tagva okᴋungalerput opigosuklutik.

Exodus 4:4

Nâlekable oᴋautivâ: Isaklugo pamiungagut tiguleruk! Isaklugo tagva tigungmago, aggangine ajaupiangorivok.

Jesaiase 7:9

Efraimiblo niaᴋorijaksanga tagva Samâria, Samâriablo niaᴋorijaksanga tagva Remaliab erninga. Soᴋᴋosijuitsangikupse (tattigivlunga), sôngoniangilase.

Jeremia 31:3

Nâlagaᴋ saᴋᴋilauᴋpoᴋ uvamnut ungasiktomit, oᴋarlune: Naglingnermut soraijuitomut nagligivagit, taimaimat pitsiarnermut amuarasuarpagit.

Johannese 11:15

ᴋuviasukpungalo, tainganêlaunginama, okpilerᴋovluse. Ingergalertale tâpsomunga.

Johannese 11:42

Nelungilangale tusatsainaramga; inuille ovane nangertut pivlugit taimâk oᴋarpunga, okpilerᴋovlugit tililauramga.

Johannese 20:27

Kingorngagut Tômase oᴋautivâ: Tikît ᴋaitsuk, aggakkalo takolikit; aggaktillo isakkit ovunga, ililugillo senerᴋamnut; okpinginaglo, okperille!

Johannese 20:31

Tamakkoale aglaksimavut, okpilerᴋovluse, Jêsuse Kristûseongmat, Gûdib Erninga; okpernermullo inôseᴋarᴋovluse tâpsoma atingane.

Johannese 5:36

Uvangale pijariarᴋortunersamik kigligiutjuteᴋarpunga Johannesib kigligiutjininganit; piniarnerille, Atâtab ᴋailauᴋtangit uvamnut, nâjerᴋovlunga tamakkoninga, piniarnerit tamakkoa piniarutigijakka, kigligiutjivut uvamnik, Atâtab tilingmanga.

Apostelit Piniarningit 7:2

Oᴋarporle Stefanuse: Angutiojose, ᴋatangutigêktose atâtaujoselo, nâlagitse! Gûde ânanaujotuak takotipok ingminik atâtaptingnut Abrahamut, sule Mesopotâmiamêtilugo, Haraneme nunaᴋalauᴋârtinago.

Ebrêerinut 11:16

Tâmnale pinago kipilerput ajunginersamik, tagva ᴋilangmêtomik. Tamanna pivlugo Gûdib kangusûtigingilait Gûdinganik taijauvlune; iglogasaksoarnik âᴋiksoilaurame taipkonunga.