Exodus 3:5 - Labrador Inuttitut Heritage Bible

⁵ Oᴋarporlo: Kaglitailigit maunga, itigagutîkik itigarnit pêkik, nuna tullerartat ivlernarmat.

Exodus 3:5 Iomraidhean Croise

Josua 5:15

Angajoᴋaksoarlo Nalekab kattimgajoᴋotinginnut Josuamut oᴋarpok: Ittigagutit pêrkit ittiggangnit; nuna nangervigijat ivsornaimat. Josualo taimailiorpok.

Apostelit Piniarningit 7:33

Nâlekable oᴋautivâ: Itigagutîkik itigangnit pêkik, nuna tullerartat ivjornaingmat.

Exodus 19:12

Inuillo kiglilerveᴋartitaksarivatit avatâgut, oᴋarlutit: Ulloreasugitse ᴋakᴋamut majorarᴋonase, aktornagolônêt kiglinga: naliat aktuijok ᴋakᴋamik toᴋotaksauvok.

Okaluktok 5:1

Itigit saputinikut Gûdib iglunganut aijarangavit, ᴋaingarlutillo tussaromamut, âtsinernit sillaitut tunnergutinginnik; tâpkoa ᴋaujimangimatta sunamik idluitullinermingnik.

Ebrêerinut 12:20

Oᴋautaumajut tagvane saperamigit. Nergjutillo illangata ᴋaᴋᴋaᴋ aktoruniuk ujarᴋanut milloraksaulauᴋpoᴋ, pitigaksaulauᴋporlônêt.

Exodus 19:21

Nâlekablo Mosese oᴋautivâ: Atersarit, inuillo inerterkit kibliguterᴋonagit Nâlekamut takojomamut, unuktullo tâpkonangat aserorᴋonagit.

Leviticus 10:3

Mosesiblo Aron oᴋautivâ: Tamadja ila Nâlekab oᴋautigilauktanga, oᴋarlune: Ivsornaititaujomavunga uvamnik najorniktunut, inuillo ilûnatik sângane ânanausijaujomavunga. Aronalo niplingilak.

II Pêtrusib 1:18

Nippelo tamanna ᴋilangmit pijoᴋ tussarpavut, ᴋaᴋᴋame ivjornaitome illagigaptigo.

Deuteronomy 23:14

Nâlegak Gûdît arvertarmat tangmârvingme, piulijomavlutit, ômigijitillo sâlautitsomavlugit sivunerne; taimaimat tangmârvît ivsornaituksauvok, sumik salumaitomik takoᴋonago ilingne, allarᴋonagolo ilingnit.

Jeremia 30:21

Ilamik ilangat angajoᴋârijomârpât, aulatsijingallo akunermingnit pijomârpoᴋ; ᴋaglititsomârpara, tâpsomalo tikilârpânga; kina ᴋoaᴋsângalungilâk uvamnôrlunê? oᴋarpoᴋ Nâlagaᴋ.

Exodus 4:28

Mosesiblo Aronemut oᴋautigivait tamaita Nâlekab tilijime oᴋausingit, tatamnartullo tamaita perᴋojangit.