Exodus 24:3 - Labrador Inuttitut Heritage Bible

³ Mosesiblo inuit oᴋautijartorpait Nâlekab oᴋausinginik tamainik, maligaksaniglo tamainik; inuillo ilûnnatik nipemut atausermut kiovut, oᴋarlutiglo: Nâlekab oᴋauserijangit tamaita piniaromavavut.

Exodus 24:3 Iomraidhean Croise

II Kronika 15:14

Angervigimarikpâllo Nalegak nippeᴋôrtôjomut, igiaᴋomijarlutiglo, trompetesijarlutiglo, tiptulausijarlarmiglo.

II Kronika 15:15

Judakullo illunamasiatik angermaringnek tamna ᴋuviasutigivât; angermarilauramik ômamut tamânut, ᴋennerpâllo pijomanermingnut tamânut, nachvartauᴋolaukporlo tapᴋonunga; Nalekablo merngoêrserneᴋartipait avatingine illunane.

Imgerut 50:5

Ivsornaitoᴋotikka kattersorsigik uvamnut, angilauktut uvamnut tunnergutiksak pitjutigellugo.

Exodus 19:8

Inuillo ilûnnatik atautsikut kiovut, oᴋarlutiglo: Nâlekab oᴋauserijangit tamaita piniaromavavut. Mosesiblo inuit oᴋausingit âpait Nâlekamut.

Exodus 24:2

Moseselo kisime ᴋaglilertuksauvok Nâlekamut, tâpkoale ᴋanitomut ᴋaijuksaungilat; inuillônêt majorarᴋatigijaksaringilât.

Exodus 24:7

Angerᴋatigêngnerublo aglangit tiguvait atuarsivlunelo inuit tussâtilugit: tâpkoalo oᴋarput: Nâlekab oᴋauserijangit tamaita piniaromavavut, nâlagomavlutalo.

Jeremia 11:4

Angerutigilauᴋtamnik atâtagijapsingnut uvlorme aularutjivigilauᴋtamne tâpkoninga nunamit Egiptenemit, kiaksauteâlungmit kikiangojomit, oᴋarlunga: Nippiga nâlaksiuk, piniarlugillo tamaita perᴋojakka ilipsingnut; taimak inuᴋutaujomârpose uvamnut, uvangalo Gudeojomavunga ilipsingnut;

Jeremia 34:13

Imâk oᴋarpoᴋ Nâlagaᴋ, Israêlib Gudinga: Sivorlise angeᴋatigilauᴋpakka uvlorme tikiutjivigilauᴋtamne tâpkoninga nunamit Egiptenemit, iglomit kipalotitauviojomit, oᴋarlunga:

Haggai 2:5

Oᴋausiᴋ inna maliklugo angirutigilauᴋtamnik ilipsinut Egiptenemit anigapsi, aninniralo akunapsingnêtsainarpoᴋ; sivôraniarasi.

Mâlaki 2:10

Atautsimik atâtaᴋangilagût ilûnatâ? Gudib atautsib pingortilaungilâtigût? Suna pivlugo nelâgôngituliᴋatigêkitâ, atâtapta angiᴋatigêngnerijangat asserorlugô?

Deuteronomy 11:1

Taimaimat Nâlegak Gûdît nagligijaksarivat, tâpsomalo pijomajanga, maligaksauᴋojangillo, idluarsautiksangillo, perᴋojangillo malitsiarlugit tamât.

Deuteronomy 4:1

Manalo, Israêl, maligaksat idluarsautiksallo Ajuᴋertûtigijakka ilipsingnut tusarsigik, piniarᴋovluse tâpkoninga; inôᴋovluse, iterᴋovluselo nunalo Nâlekab, atâtapse Gûdingata, tunijanga ilipsingnut pigilugo.

Deuteronomy 4:45

Tamadja kigligiutjinerit, maligaksallo, idluarsautiksallo Mosesib oᴋautigijangit Israêlikunut Egiptenemit anisimangmatta;

Deuteronomy 4:5

Ahâk, ajuᴋertorpapse maligaksanik idluarsautiksaniglo, sorlo Nâlekab Gûdima perᴋongmanga, taimailiorᴋovluse nuname aivigijapsingne pigijomavlugo.

Deuteronomy 5:1

Mosesiblo Israêlikut tamaita ᴋaiᴋovait, oᴋautilugillo: Ilipse, Israêlikut, perᴋojat maligaksallo, oᴋautigijakka uvlome siutipse sângane, tusarsigik ilinialugillo, puigorniarasigiglo, tamakkoa maliklugit piniarᴋovluse.

Deuteronomy 5:31

Igville, noᴋangalerit najornimne, oᴋautigijomavakkalo ilingnut perᴋojat tamaita, maligaksallo, idluarsautiksallo, ajuᴋertûtigijaksarijatit tâpkonunga, piniarᴋovlugit tâpkoninga, nuname tunijamne tâpkonunga perᴋutauᴋovlugo.

Deuteronomy 6:1

Tamadjalo perᴋojat, maligaksallo, idluarsautiksallo Nâlekab Gûdipse ajuᴋertûtauᴋojangit ilipsingnut, piniarᴋovluse tâpkoninga nuname ikârvigijaksapsingne pigijomavlugo;

Josua 24:21

Innugasaksuillo Josuamut oᴋarput: Taimangolungitok, Nalegarle kivgartoromavavut.

Josua 24:22

Tagva Josua innugasaksoarnut oᴋarpok: Illipse kigligiudsijôvose pivluse, Nalegak annerigapsiuk kivgartoromavlugo. Tapkoalo oᴋarput: Ahaila.

Josua 24:24

Innugasaksuillo Josuamut oᴋarput: Nalegak Gudivut kivgartoromavavut nippingalo nalagomavavut.