Exodus 2:3 - Labrador Inuttitut Heritage Bible

³ Sivitunersamigle ijerlugo sapperamiuk, iklerviarsuk ibviogak tiguvâ tâpsomunga; mingoarlugolo kutsomullo târmullo, nutarârsuglo tagvunga ilivlugo pitipâ iviksuit akornganut kôb sinânut.

Exodus 2:3 Iomraidhean Croise

Genesis 11:3

Oᴋaᴋatigêkpullo: Attê, ivitânik sanalauᴋta ikkomamut sittijorortilugit. Tagva ivitât ujararivait, kutsorlo macharivlugo.

Genesis 14:10

Naᴋsarlo Siddim kutsolingnik ittersaᴋadlarpoᴋ. Kemâgamiglo Sodomab Gomorrablo attanîgik (illangillo) takanunga kattakput; amiakungillo ᴋemâlerput ᴋaᴋᴋanut.

Genesis 6:14

Illingnut umiaᴋsoaliorit pingermik, takamanelo iglunik sanavlutit, kutsorlugolo kutsumik illuagut sillatâgullo.

Exodus 1:22

Tagva Faraub inuᴋotine tamaita perᴋovait oᴋarlune: Angutearsuit inôlertut ilûnnaita kôksoarmut eginiarpase, arnârsuille ilûnnaita inôtilugit.

Jesaiase 18:2

Tagvangat imakut kivgartortunik tilliklerput umiaᴋtortunik iviksoangojunik imaᴋsuit ᴋângatigut. Illipse, tillijaujose, tuavidlartose, ainiaritse nunaᴋatigênut angijunut mingoarsimajunullo, nunaᴋatigênut erᴋsinartunut itsaᴋsoarnit mãnamut, nunaᴋatigênut aksorôdjijunut, asserorsaijunut, nunaᴋartunut kôksoaᴋtalingme.

Jesaiase 19:6

Kôksuillo tippelugomârput, kôllo ipteriliklutik niparomârput, perortullo suvlolît iviksuillo ᴋunorlersâromârput.

Jesaiase 35:7

Sioraliksoarnelo ᴋappialajoᴋ tassingoromârpoᴋ, nunamelo pannertome puilaveᴋaromârpoᴋ. Terrianiangajut innigilauᴋtangit tangmârvigijomârpait, iviksukaᴋaromârporlo tagvane ivingniglo iviksoarniglo suvlolingnik.

Mattêuse 2:13

Aularmattale, ahâk, Nâlekab Engelingata Jôsefe sakᴋervigivâ sinnaktomanikut oᴋarlunalo: Makitit, nutarârsuglo anânangalo ilingnut pikik, nunamullo Egiptenemut ᴋemâlerit, taikanêlutillo, uvamnut oᴋautijauᴋârtinak; Herôdesib nutarârsuk toᴋonasuarmago.

Mattêuse 2:16

Herôdese ᴋaujimalerame ilisimajunut tapagijaugame, ᴋaningajâdlalerpok, nutarârsuillo ilûnaita Betlehemêtut erᴋânêtullo, jârilit maggûngnik, nukardlingillo toᴋotaujartorᴋovait, ilisimajut kiglisivigitsialauramigit (inûlervinganik).

Apostelit Piniarningit 7:19

Tâpsoma uivêtôvlune ilaptingnut, atâtagijavut kappiasuktipait, nutaranginiglo egitautitsivok, inôᴋojomanagit.