Exodus 13:3 - Labrador Inuttitut Heritage Bible

³ Tagva Mosesib inuit oᴋautivait: Erᴋaumalersiuk uvlok tamanna, anivigijase Egiptenemit, iglomit kipalûtitauvigijapsingnit; aggangnut pitsartujunut Nâlekab tagvangat aulartilaungmase: sêrnarsarsimajomik ᴋakᴋôjaktortoᴋartuksaungilak.

Exodus 13:3 Iomraidhean Croise

Genesis 15:16

Ernerêlle kingorlerêt sittamaingit tamaunga utteromârivut, Amoriterit idluituliningat sulle nâmaksingimat.

I Atannit 8:42

(Tusarniarmatta aternik angijoksoarmik, aggangniglo pitsartujoksoarnik, tallerniglo issamijomik), ᴋailunelo tuksiarpat iglub oma sângane,

I Kronika 16:12

Tattamnartulliningit pinniarlauktangit erᴋarsigik, tattamnartulliningit oᴋausingillo.

Nehemia 1:10

Ilâle kivgarivattit inuᴋotigilugillo, piulilauktattit pitsartunersoarnut, aggangnullo sôngojunut.

Nehemia 9:10

Nallonaiᴋuteᴋartitsilaukpotit tattamnartullilutillo Faraome, kivgaᴋotinginelo ilûnaine, nunangatalo inugasaksoangine ilûnaine; igvit illitarksilauravit perajarlugvigingmagit; ateᴋartilaukpotillo sôrlo uvlome îmat.

Imgerut 105:5

Erᴋaumalersigik tattamnartulliningit, pinnialauktangit; nellunaikutangit ᴋaningatalo idluarsainingit.

Imgerut 114:1

Israelitit aularmatta Egiptenemit, Jakokut innuᴋattigêksoarnit takkorngartannit:

Imgerut 136:11

Israelitiniglo aulartitsilauktok tagvangat; pitsiarninga îtsainarmat issoᴋangitomut.

Imgerut 136:12

Aggangnut pitsartojunut, tallermullo issamijomut; pitsiarninga îtsainarmat issoᴋangitomut.

Imgerut 89:14

Idluarnerub idluarsainerublo iksivautat aulajuitipâk; saimaveᴋarnek mikseᴋârnerlo kênavît sânganêpuk.

Exodus 12:15

Uvlut 7 nâvlugit ᴋakᴋôjaᴋtortuksauvose sêrnarsauteᴋangitunik; uvlorme sivorlerpâme sêrnarsaut iglupsingnit pêraksarivase; tagva uvlormit sivorlerpâmit uvlut 7ingat tikidlugo ᴋakᴋôjaktortok sêrnarsautelingmik, tarne tâmna avitaujuksauvok Israêlikunit.

Exodus 12:17

Ivlersijuksauvose ᴋakᴋôjat sêrnarsauteᴋangitut uvloksiorvinganik; uvlorme tâpsomaneluatsiak tasiorapse ilagêksoangonise nunamit Egiptenemit: Tamanna pivlugo uvlok tâmna ivlerijaksarivase kinguvâpsigut soraijuitomut âᴋiksimajok.

Exodus 12:19

Uvlut 7 nâvlugit sêrnarsaut naipitaujuksaungilak iglupsingne; sêrnarsautelingmik nerrijub, tâpsoma tarninga avitaujuksauvok ilagênit Israêlikunit, takorngartaugunelônêt inûlersimajôgunelônêt nuname.

Exodus 12:2

Takᴋek tamanna ilipsingnut pigiarniojuksauvok takᴋernit: Sivorlerpaujuksauvok jârib takᴋinginit ilipsingnut.

Exodus 12:41

Pijoᴋarporlo, jârit 430 nângmata, uvlorme tâpsomanetsainak Nâlekab katimagajoksoaᴋotingit iluêngartut anivut nunamit Egiptenemit.

Exodus 12:42

Unnuak tamadja erᴋaumanadlartok Nâlekamut, tâpsoma tasiormagit nunamit Egiptenemit; unnuak tamanna Nâlekab pinga erᴋaumanadlartok Israêlikunut tamainut kinguvânginullo.

Exodus 12:8

Nerᴋingalo nerrijaksarivât unnuarme tâpsomane, ikomame jarraksimajok, ᴋakᴋôjamullo sêrnarsauteᴋangitomut, amânullo sungaujunut nerrijaksarivât.

Exodus 13:14

Mattomalo kingorngagut ernerpit aperikpatit, oᴋarlune: ᴋanok tukkeᴋarᴋâ tamanna? Oᴋautijaksarivat: Aggangnut pitsartujunut Nâlekab anitilauᴋpâtigut Egiptenemit, iglomit kipalûtitauvigijaptingnit:

Exodus 13:9

Nalunaikutauniarporlo ilingnut aggakkut, erᴋaijutauniarlarmelo ijîkpit akorngangne, Nâlekab maligaksaurᴋojangit ᴋanernêrᴋovlugit: Aggangnut pitsartujunut Nâlekab anitingmatit Egiptenemit.

Exodus 20:2

Uvanga Nâlegauvunga Gûdît, âtsisimajok ilingnik nunamit Egiptenemit, iglomit kipalôvingmit.

Exodus 20:8

Uvlok Sabbateojok erᴋaruk, ivlerijaurᴋovlugo ilingnut.

Exodus 23:15

Uvloksiorvik sêrnarsauteᴋangitunik ᴋakᴋôjaktorvik uvloksiorutigijaksarivat: ᴋakᴋôjaktortuksauvotit sêrnarsauteᴋangitunik uvlunik 7nenik, sorlo perᴋogapkit, takᴋiub Abibib naliuningane: tâpsomane anilauravit Egiptenemit: tunergutiksalijaranelo sakᴋertoᴋartuksaungilak sâmne:

Exodus 3:20

Kisianele aggakka isaklugit Egipteneme sugiaromârpara tatamnartunut sunatuinarnut piniaromârtamnut akorngane. Kingorngagullo aularᴋojomârpâse.

Exodus 34:18

Uvloksiorvik sêrnarsauteᴋangitomik ᴋakᴋôjaktorvik uvloksiorvigijaksarivat. Uvlunik 7nenik ᴋakᴋôjaktortuksauvotit sêrnarsauteᴋangitunik, sorlo perᴋolaurapkit, takᴋiub Abibib naliutisimaningane: takᴋerme Abibeme anilauravit Egiptenemit.

Exodus 6:1

Nâlegarle oᴋarpok Mosesemut: Mânna takojomârpotit, ᴋanok Faraomut ilioromârama, aggangnut pitsartujunut (aksorôtjauvlune) aularᴋojomârmagit, aggangnut pitsartujunut (aksorôtjauvlune) ᴋenugijomârmagit aglât nunaminit.

Exodus 6:6

Tamanna pivlugo Israêlikunut oᴋarit: Uvanga Nâlegauvunga Egiptenemiullo siorniortitsininginit aularutijomârpapse, nûtiluse kivgartortitsininginit, piulivluse talikut isamijokut, sugiartauviksoakullo.

Exodus 6:7

Ilalioromârpapselo inuᴋotigijomavluse, Gûdeojomavungalo ilipsingnut: Tukisijuksauvoselo uvangaugama Nâlegak Gûdise aularutijise Egiptenemiut siorniortitsininginit.

Exodus 7:4

Faraublo tusaromaniangilâtik; tagva Egiptenemiut isagomavakka, katimagajoᴋsoaᴋutikka, inuᴋotikka Israêlikut, aularutivlugit Egiptenemit sugiartauviksoatigut.

Jeremia 34:13

Imâk oᴋarpoᴋ Nâlagaᴋ, Israêlib Gudinga: Sivorlise angeᴋatigilauᴋpakka uvlorme tikiutjivigilauᴋtamne tâpkoninga nunamit Egiptenemit, iglomit kipalotitauviojomit, oᴋarlunga:

Daniel 9:15

Mânalo, Nâlegaᴋ Gudivut, inuᴋotitit aularutivatit nunamit Egiptenimit aggangnut pitsartudlartunut, tusaumajaujungortilutillo sorlo uvlomi ingmat; uvagut idluitulidlarpogut nâmangitulivlutalo.

Mattêuse 10:12

Iglomulle iterupse, iglub tamattoma inungit salutisigik.

Lukase 22:19

ᴋakᴋôjarlo tiguvâ, ᴋujalivlunelo avgorpâ tâpkonungalo tunivâ oᴋarlunelo: Tagva timiga tunijauniartok pivluse; taimailioritse erᴋaumajauniksamnut.

I Korintemiunut 11:24

ᴋujalivlunelo avgorpâ oᴋarlunelo: Tigulugo nerrisiuk; tagva timiga, tunijauniartok pivluse: taimailioritse erᴋaumajauniksamnut.

I Korintemiunut 5:8

Taimaimat uvloᴋsiorta pudjusautetoᴋamu-ungitok, pudjusauteᴋaratalo ajornermik takkormôrnermiglo, sanaugaᴋarlutale pudjusauteᴋangitomik ivjornaivluta mikseᴋârlutalo.

Efêsusemiunut 1:19

Pitsartuningatalo angininganik naleᴋangitomik uvaptingne okpertune, pitsartuninga tungavigivlugo.

Deuteronomy 13:10

Ujarᴋanullo miloraksarivat toᴋodlugo; uerisarasuarmatit Nâlekamit Gûdingnit, tikiutjijingnit nunamit Egiptenemit, iglomit kipalovingmit.

Deuteronomy 13:11

Israêlikullo ilûnatik tusalârput sivôraniarlutiglo, kingornganelo taimaitomik idluitulijokarniangilak akunapsingne.

Deuteronomy 13:5

Nelautaijorlo imna, sinnartômajorlônêt taimna, toᴋotaujuksauvok, nâlegungnaineᴋ Nâlekamik Gûdipsingnik, tikiutjijipsingnik nunamit Egiptenemit, piulijipsingniglo iglomit kipalovingmit, oᴋautigingmago, uerisaromangmase apᴋomit Nâlekab Gûdivît apᴋutauᴋojanganit ilingnut. Taimaglo ajortok akunapsingnit pêjarniarpat.

Deuteronomy 13:6

ᴋatangutivit, anânavît erningata, ernivîllônêt, panivîllônêt, nuliavîllônêt sagvingmiutarijavît, ilanârijavîllônêt tarniktut ilingatitavît, angigutjivlune uerisarpatit, oᴋarlune: Gûdib assinginik kivgartoriartulerta, igvit atâtagijavîllônêt ilitaringitapsingnik;

Deuteronomy 15:15

Erᴋaijuksauvotillo kivgaulauravit nuname Egipteneme, Nâlekablo Gûdivît piulilaungmatit; tamanna pivlugo tamattominga perᴋovagit uvlome.

Deuteronomy 16:1

Takᴋek Abibe kamagitsiaruk, ᴋângerviksiorviglo uvloᴋsiorutigiuk Nâlekamut Gûdingnut; takᴋerme Abibeme Nâlekab Gûdivît aulartilaungmatit Egiptenemit unnuarme.

Deuteronomy 16:12

Erᴋaijuksauvotillo kivgaulauravit Egipteneme, maligaksallo makkoa kamagijaksarivatit piniarlugillo.

Deuteronomy 16:3

Tamanna ilagilugo pubjusimajomik ᴋakᴋôjaᴋtortuksaungilatit; uvlut sevenit nâvlugit pubjusauteᴋangitomik ᴋakᴋôjaᴋtortuksauvotit tâmna ilagilugo, ᴋakᴋôjarmik kapiasûtaujomik; erinesuklutit aulalauravit nunamit Egiptenemit; inôsivit uvlungit nâvlugit erᴋaumatsainarᴋovlutit uvlormik aularvigilauᴋtarnik nunamit Egiptenemit.

Deuteronomy 24:18

Erᴋaijuksauvotille kivgaulauravit Egipteneme, Nâlekablo Gûdivît piulilaungmatit tagvangat; tamanna pivlugo perᴋovagit taimailiorᴋonak.

Deuteronomy 24:22

Erᴋaijuksauvotillo kivgaulauravit nuname Egpteneme; tamanna pivlugo perᴋovagit taimailiorᴋovlutit.

Deuteronomy 26:8

Nâlekablo anitipâtigut Egiptenemit aggangnut pitsartudlartunut, talermullo issamijomut, ᴋoaᴋsârnartunullo angijoksoarnut, nelunaikutanullo, tatamnartunullo;

Deuteronomy 4:34

Gûdelônêt tigusinasualauᴋsimavâ inôᴋatigêksoarnik nangminerijomajaminik inôᴋatigêksuit tâpkoa assingita akornganit, ôktornernut, nelunaikutanut, tatamnartulinernut, unatarnermut, aggangnut pitsartudlartunut, tallermullo issamijomut, kapianartovaksoarnullo, sorlo Nâlekab Gûdipse piniulaungmase Egipteneme ijipse sânginê?

Deuteronomy 5:15

Erᴋaijuksauvotillo kivgaulauravit nuname Egipteneme, Nâlekablo Gûdivît tikiutivâtit tagvangat aggangnut pitsartujunut tallermullo issamijomut; tamanna pivlugo Nâlekab Gûdivît perᴋovâtit uvloᴋ sabbateojok ivlerijaksarigangne.

Deuteronomy 5:6

Uvanga Nâlegauvunga Gûdît, âtsisimajok ilingnik nunamit Egiptenemit, iglomit kipalovingmit.

Deuteronomy 6:12

Tagva udjertorit puigorᴋonak Nâlekamik tikiutjijingnik nunamit Egiptenemit, iglomit kipalovingmit.

Deuteronomy 6:21

Ernît oᴋautilârpat: Faraub kipalogilauᴋpâtigut Egipteneme; Nâlekablo tikiupâtigut Egiptenemit aggangnut pitsartujunut;

Deuteronomy 7:8

Nâlekable nagligidlarmase, angerninelo oᴋautigimariktane atâtapsingnut serᴋomitsomanginamiuk, Nâlekab tamaungautipâse aggangnut pitsartujunut, piuliluse iglomit kipalovingmit, Faraub, Egiptenib ataningata, agganginit.

Deuteronomy 8:14

Omatit pingijaiᴋonago, Nâlegak Gûdît tikiutijigijat nunamit Egiptenemit, iglomit kipaloviojomit puigorlugo perᴋonak;

Deuteronomy 9:12

Nâlekablo oᴋautivânga: Makitit, mângat atersârsârit, inuᴋotitit tikiutijatit Egiptenemit asseroingmatta nangminermingnik; sangusimangmatta apᴋomit tâpkonunga apᴋutauᴋojamnit; kovimajomik inungoaliorput ingmingnut.

Josua 24:17

Nalekab Gudipta uvagut atatagijavullo tassiorlaungmattigut Egiptenemit kippaloviub iglunganit, ijiptalo sângine nallonaikutakartitsilaukpok angijunik, sapputilaukpâtigullo apᴋome ingergarvigilauktaptingne illunane, innuᴋattigêksuillo illunatik akkorngane tapkutiguna apᴋosarutigilauktapta;

Idluarsaijut 2:12

ᴋemakpâllo Nâlegak atâtagijangita Gûdingat, tesiornilauktok tapkoninga nunamit Egiptenemit, malliklutiglo Gûdib asinginik, inuᴋattigêksuillo avatinginelauktut Gûdinginiktauk, tuksiarvigivaillo, Nâlegarlo ningarosuktipât.

Idluarsaijut 6:8

Nâlekab nallautaijok tilliva tapkonunga, tapsoma oᴋautivait: Imâk Nâlegak Israelib Gûdingat oᴋarpok: Egiptenemit tessiorlaukpapse, aulartiluselo iglomit kippalovingmit;