Exodus 10:3 - Labrador Inuttitut Heritage Bible

³ Moseselo Aronelo iterpuk tagva Faraomut, oᴋautivlugolo: Imâk oᴋarpok Nâlegak, Ebrêerit Gûdingat: ᴋanok sivitutigijomik manigotitailijomavêt ilingnik sâmne? Inuᴋotikka aularᴋokit, kivgartorvigijaksaringmanga.

Exodus 10:3 Iomraidhean Croise

I Atannit 18:21

Tagva Eliab inugasaksuit ilûnnamasiangit nangeriartorvigivait, oᴋarlunelo: ᴋanok akkunêrtigijomik tussiarkise iglugêngne? Nâlegak Gûdeokpat, tagva tamna malliklugo agvertaritse; Baaleokpalle, tagva tamna malliklugo agvertaritse. Inugasaksuillo kiolungilât.

I Atannit 21:29

Takkovit ᴋanok Ahabe nikkanasarmat ingminik sâmne? Tamânna pivlugo nikkanarsarmat ingminik sâmne, ᴋanoêtok tikkikojomalungilara tapsoma uvlungine; erningatale uvlungine ᴋanoêtok tikkerkojomavara iglunganut.

II Atannit 22:19

Tamanna pivlugo, omattit auksititaulaungmat oᴋautsinut tussarlauktarnut, nikkanarsarlauravillo illingnik Nâlekab sângane, tussarlauravit oᴋauserilauktamnik, iglugasaksuit tamakkoa innungillo pitjutigillugit, asserortaujuksaungmatta, ominarsijaujuksaungmattalo, annoraᴋotitillo allilaurangne, kugviorlauravillo sâmne; tagva uvanga tussarlaurivara, Nâlegak oᴋarpok.

II Kronika 33:12

Kappianartomênamelo ᴋennuvok Nalekamut Gudiminut mannigotitilunelo Nalekab atâtagijame Gudingata sângane.

II Kronika 33:19

Tuksiarningillo, ᴋannorlo tussartauninga, ajorningillo, idluitulliningillo, innillo sannavigilauktangit poktojunik, nappartuniglo Gudingoalingnik, Gudingoaniglo, manigotitiᴋârtinago, ahâk, tamakkoa aglaksimavut takkojut unipkausingine.

II Kronika 34:27

Tamanna pivlugo omattit auksititaumangmat, manigotitilauravillo Gudib sângane, oᴋausingit tussarlaurangne, iglugasaksuit makkoa pivlugit, innungillo pitjutigellugit, manigotitilauravillo sâmne annoraᴋotitit allilaurangne, ᴋugviolauravillo sâmne, tagva uvanga tussarlaurivagittauk, Nalegak oᴋarpok.

II Kronika 7:14

Innuᴋotikkalo attera malliklugo atserarsimajut nikkanarsarpatta, tuksiarpattalo, kênaralo ᴋennerlugo pikpatta, sagiarlutiglo apᴋotigijamingnit idluitomit; tagva ᴋillangmit tussaromavunga, issumagijungnailugillo ajorningit, nunangallo innulilugo.

Hiobe 42:6

Tamanna pivlugo passijaksaunerarpunga, ᴋakᴋialerlungalo sannerne arsannelo.

Exodus 10:4

Kippiluguville inuᴋotikka aularᴋovlugit, ahâk, ᴋaupat piglertaujat tikititsomavakka nunangnut:

Exodus 16:28

Nâlegarlo tagva oᴋarpok Mosesemut: ᴋanok akunertigijomik perᴋojakka maligaksaurᴋojakkalo ᴋippilûtigisimagomavisigîk nâlegomanagit?

Exodus 4:23

Oᴋautivagillo: Ernera aularᴋojaksarivat, kivgartorᴋovlugo uvamnik. Aularᴋojomangikungne, tagva ernît angajuklek toᴋotsomavara.

Exodus 5:1

Kingorngane Moseselo Aronelo oᴋariartorpuk Faraomut: Imâk oᴋarpok Nâlegak Israêlib Gûdinga: Inuᴋotikka aularᴋokit, inuᴋangitome uvamnut uvloksiortuksaungmata.

Exodus 9:17

Sulle atangusiguvit inuᴋotimnut, aularᴋojomanagit,

Salomob Okâl 1:22

Ilisimaitose, ᴋanok akkunêrtigijomik ilisimaitsomavisse? Mitauteᴋartullo mitauteᴋarosugomavât? Silaitullo illitarksinek omigijomavatsuk?

Salomob Okâl 1:24

ᴋaikᴋojinimnigle ᴋunugapse; aggakka issangagapᴋit, Kamajoᴋangimallo tapᴋoninga;

Salomob Okâl 18:12

Kina asserortuksaulerpat, tapsoma ommatinga Piojorilerᴋârpok; nertornautiksarsijoᴋarᴋârtinagolo, Mikkijorortitaujariaᴋarᴋârpok.

Jesaiase 1:5

Naukut annaujaksauvisê sulle, idluitullinise unuksivalliatitsainarapsigik? Niaᴋoᴋ illũnane ãniavoᴋ, õmallo illũnane ᴋanimavoᴋ.

Jesaiase 2:11

Inuit piojorijutitut tautusôngojut kattalungatitaujomârput, inuillo pimmariutertut suksaujungnairtitaujomârput, Nâlegarlo kissime angijôjomârpoᴋ nalliutome taipsomane.

Jeremia 13:10

Inugasaᴋsuit tamakkoa idliutut, tusaromangitut oᴋausimnik, arvertartut ômatingita piniaromajangine idluitune, maliktullo Gudib assinginik kivgartoromavlugit tuksiarvigijomavlugillo, tapserutitut otunak, sunamullônêt atoraksaujungnaitotut, ilingajomârput.

Jeremia 13:18

Ataneᴋ ataniublo anânanga oᴋautikik: Nikanarsârlutik ingileritik, niaᴋôt pinnarnarsautigilauᴋtaptik pêjartaungmat niaᴋuptingnit.

Jeremia 50:29

Pitiksilît katimaᴋolersigik Babiloneme, ilûnaita pitiksimik ᴋellusijungnartut; ilumavlugo tangmâritse avatâne; aulartoᴋarniarane; suliarijangit maliklugit akkiniarsiuk; piniarnerijangit maliklugit piniarvigisiuk; iktoriktaidlarmat Nâlakamut, Israêlib ivsornaitoᴋsôjunganut.

Hesekiel 5:6

Inatsinikkale mumilauᴋpait idluitulinersauvlune inôᴋatigêksoarnit, perᴋojakkalo angiluartomik nunaᴋatigêksoarnit avatânêtunit; tâpkoa inatsinikka ajaktormagit, arvertalungimattalo perᴋojakka maliklugit.

Daniel 5:22

Igvillo, Belsazar, tâpsoma ininga, ômatit nikanarsârtilungilat, tamakkoa tamaita ᴋaujimagaloarangni;

Numbers 14:27

Kanoᴋ akunertigijomik ilagêktoᴋsuit makkoa idluitut oᴋarnilutjijut uvamnik ᴋenuêsarvigijaksarivakkâ? Israêlikut oᴋarnilungningit, oᴋarniluserijangit uvamnik, tusâvakka.

Rômiunut 2:4

Ubvalo akluininga pitsiarnermik ᴋenuersârnermiglo kamangitsertornermiglo nachogiviûk? ᴋaujimangilatît, Gûdib pitsiarningata tassiormatit ᴋaᴋialernermût?

Ebrêerinut 12:25

Udsertoritse, oᴋâlajomik tapatoᴋonase, Taipkoa, nuname oᴋâlatilugo tapatôlauᴋtut, ᴋemâjungnalaungimatta, tagva uvagut piluartomik ᴋemâjungnangilagut ᴋilangmit oᴋâlajoᴋ tapagiguptigo.

Jâkobusib 4:10

Nikanarsâritse Gûdib sângane, tâpsoma tagva angijorortitsomârpâse.

I Pêtrusib 5:6

Tamanna pivlugo ilipsingnik nikanarsâritse Gûdib agganginut pitsartujoᴋsoarnut, neliunermine ilipsingnik nertornartitserᴋovlugo.