Exodus 10:2 - Labrador Inuttitut Heritage Bible

² Igvillo unipkârungnarᴋovlutit ernivit erngutavillo siutinginut piniarnernik piniarnerijamnik Egipteneme, nalunaikutaliarimajamniglo tâpkoa akorngane; ᴋaujimarᴋovluse uvangaugama Nâlegak.

Exodus 10:2 Iomraidhean Croise

II Samuel 7:22

Tamanna pivlugo angijônasugijauvotit; illiktut itoᴋangimat, Gudeᴋangilarlo illiktun îtomik; tamaita siutiptingnut tussarlauktavut malliklugit.

Imgerut 44:1

Gude siutiptigut tussalaukpavut, atâtagijapta unipkautigilaukpait uvaptingnut, pinniarnerilauktâttit taipkoa nalliuningine itsaksoarme.

Imgerut 44:2

Aggangnut nallojut aulartilaukpâttit, taipkoale ineᴋartilaukpâttit; innuᴋattigêksuit asserorlaukpâttit, taipkoale siamartilaukpâttit.

Imgerut 58:11

Inuit oᴋarniarᴋovlugit: Ahamarik idluartok akkeᴋaralloarpok! ila Gûde erᴋartuijôvok nuname.

Imgerut 71:18

ᴋemangniarnangatauk innutoᴋaunimne ᴋêrtoniaruma; tallit oᴋautigilugo perᴋârtinanga ᴋittorngat ᴋittornganginut, pitsartunîllo, illunainut tikkitsomârtunnut sulle.

Imgerut 78:3

Tussalauktaptingnik, tukkisilauktaptingniglo, atâtagijaptalo unipᴋâlauktanginik uvaptingnut.

Exodus 13:14

Mattomalo kingorngagut ernerpit aperikpatit, oᴋarlune: ᴋanok tukkeᴋarᴋâ tamanna? Oᴋautijaksarivat: Aggangnut pitsartujunut Nâlekab anitilauᴋpâtigut Egiptenemit, iglomit kipalûtitauvigijaptingnit:

Exodus 14:18

Egiptenemiullo misigijuksauvut uvangaugama Nâlegak, nertortauniksarsimaguma Faraokut, ᴋamutingitigullo aksaloaliktigut unatautiktigut, horsenelo ikimajungitigut.

Exodus 14:4

Faraublo ômatinga mangaititsomavara udlanerᴋovlugo tâpkoninga; opigijaujomavungalo Faraokut sorsuktuksarsoaᴋutingitigullo, Egiptenemiut tukisitsiarᴋovlugit uvangaugama Nâlegak. Taimailiorput tagva.

Exodus 7:17

Imâk oᴋarpok Nâlegak: Mattomunga tukisijuksauvotit, uvanga Nâlegaugama: Ahâk, ajaupiamut tigumiartamnut kôb imanga anaugupko, ablatsângorniarpok aungorlune.

Exodus 7:5

Egiptenemiullo tukisijuksauvut uvanga Nâlegaugama, Egiptenemiut isagupkit, Israêlikullo aularutikupkit akornganit.

Exodus 8:6

Aroniblo aggane isaktingmagit Egiptenib imangita ᴋollâtigut, narrâjit timuarput Egiptenemiut nunangat nâmavlugo.

Jesaiase 38:19

Inôjut, illa inôjut nertorpâtit, sôrlo uvanga pigama uvlome. Atâtab nertornarnit ᴋaujijautilârpâ ᴋitorngaminut.

Hesekiel 20:26

Ivsornartipakkalo tunergutimingnut, ikomakôrtitsingmatta tamainik erniangojunik, asseroiᴋovlunga tâpkoninga, ᴋaujimalerᴋovlugit tâmnaugama Nâlegaᴋ.

Hesekiel 20:28

Tikiutisimalaurapkit nunamut, aggakka isângatilugit tunijamnut tâpkonunga, ulernairtuivut ᴋaᴋᴋanik poᴋtojunik tamainik, napârtuniglo siliktunik tamainik, tagvanelo tunerguserput, tagvungalo pajukput tunergutimingnik maᴋojungnartunik, tagvanelo âᴋiksorpait tipigiktut naimajominartuliarimajatik, tagvanelo kovivait tunergutitik imiksat.

Joel 1:3

Kitorngapsingnut oᴋautigisiuk, ᴋitorngaselo oᴋautjilit ᴋitorngamingnik, tâpkoalo ᴋitorngangit kinguvângolârtunik.

Efêsusemiunut 6:4

Ilipselo angajoᴋaujose, ᴋitorngase ningaᴋsarniarasigik, inugoiniarsigigle nâlektilugit, Nâlekablo oᴋausinginik ᴋaujitilugit.

Deuteronomy 4:9

Udjertortuinarit ilingnik, tarnîllo katsungaidlutit pairiuk, puigorᴋonak pisimajunik ijîkpît takojangangnik, pêjarᴋonagillo ômatingnit uvlut inôvigilârtatit tamaita nâvlugit; ᴋaujijautikille ᴋitorngarnut ᴋitorngavillo ᴋitornganginut;