Exodus 1:7 - Labrador Inuttitut Heritage Bible

⁷ Israêlikut, kinguvâktâᴋatarlutik pivallialerput unuksivallialutiglo angijororpalliadlarlutiglo; nunalo nâmavât tâpkoa.

Exodus 1:7 Iomraidhean Croise

Genesis 1:20

Gudelo oᴋarpoᴋ: Imaᴋ aulaviole ômajunut tarnelingnut aulajunut, tingmitjallo tingilit nuname ᴋilaub aulangitub atâne.

Genesis 1:28

Gûdiblo saimauserpak oᴋautivlugiglo: Kinguvâktâᴋattarlutik unuksivallialeritik, nuna nâmavlugo attaniotivigivlugolo: nâlegauleritiglo mingeritjanut imânêtunut, tingmitjanullo ᴋilaub atânêtunut, ômajunullo tamainut aulajunut nuname.

Genesis 12:2

Inugasaksoangortitsomavagit saimauserlutillo, attillo nertornartitsomavara saimanartitsomavlutillo.

Genesis 13:16

Kinguvâksatillo unuksivalliatitsomavakka sanniktitut nuname. Sanningnik nunamêtunik kittitsijungnartoᴋarpat, tâpsoma kinguvâksatittauᴋ kittinajarivait.

Genesis 15:5

Anerᴋovâlo sillamut oᴋautivlugolo: Attê, ᴋilak ârlorvigiuk uvloritjallo kittikit, kittilugit sappingikungne. Imâglo oᴋautivâ: Taimaituksauvut kinguvâksatit.

Genesis 17:16

Pitsartutitsomagapko, tâpsomangat ernermik tunitjivigijomârpagit; pitsartutitsomagapko, inugasaksoangoromârpoᴋ, nunaᴋatigêksuillo attaningit tâpsomangat pijomârput.

Genesis 22:17

Tamanna pivlugo saimauseromavagit, kinguvâksatillo unuksivalliatitsomavakka uvloritjatitut ᴋilangmêtutitut, siorᴋatitullo imarbiksûb sikjanganêtutitut. Kinguvâksavillo akkerartortimik upkoaᴋsoangit pigijomârpait.

Genesis 26:22

Tagvangallo nûpoᴋ, imeᴋarviksaᴋ assia poagijarlugo, tâmna akkerartûtigingilât; tamanna pivlugo Rehôbotemik atserarpâ, oᴋarlunelo: Mâna Nâlekab inniksaliorpâtigut aglisitilutalo nuname mattomane.

Genesis 26:4

Kinguvâksatillo unuksivalliatitsomavakka ᴋilaub uvloriangititut, kinguvâksarnullo nunat tamakkoa tamaita tunijomavakka. Kinguvâksakullo inôᴋatigêksuit nunamêtut ilûnamatsiatik saimausertaujomârput,

Genesis 28:14

Kinguvâksatillo nunab sanningititut unuktigijomârput, siamaromârpotillo paunga taunungalo avungalo aungallo, illikkullo kinguvâksakullo kinguvârêt nunamêtut ilûnamatsiatik saimausertaujomârput.

Genesis 35:11

Gûdiblo oᴋautivâ: Uvanga Gûdeovunga ajugaᴋangitoᴋ. Kinguvâktâᴋattarit unuksivalliavlutit; inôᴋatigêt, illa inôᴋatigêksuit illingnit pijomârput, attanîllo makkitingnit pijomârput.

Genesis 46:3

Oᴋautivâlo: Uvanga Gûdeovunga, atâtavit Gûdinga; sivôranak, attersartuksaugavit Egiptenemut, tagvane inugasaksoangortitsomagapkit.

Genesis 47:27

Israêlikullo nunaᴋalerput Egipteneme nuname Goseneme. Tamanna nunaᴋutigivlugo kinguvâktârᴋattarput unuksivalliavlutik.

Genesis 48:16

Engelib ajortunit tamainit piuliklertub uvamnik, tâpsoma nukapiâk ukkoa saimauserligik, taijaulerᴋovlugik attimnik atâtângmalo attîgingnik Abrahablo Isaablo, aglisivalliarᴋovlugik unuksivalliarᴋovlugiglo nuname!

Genesis 48:4

Oᴋarvigivlunga: Ahâk, kinguvâktârtitsomavagit unuksivalliatitsomavlutillo inugasaksoangortilutit, nunalo manna sorairtuksaungitomik perᴋutautitsomavara kinguvângnut kingunikkut.

Genesis 9:1

Gudiblo saimauserpait Noa erningillo oᴋarvigivlugit: Kinguvâktâᴋattarluse unuksivallialeritse, nuna nâmavlugo.

Nehemia 9:23

ᴋitorngangillo unnuksivalliatilaukpattit uvloritsetitut ᴋilangmêtutitut, âlaukpattillo nunamut atâtagijanginut oᴋarutigilauktarnut, ittervigilugo nangmineliutilugolo pijuksaungmatta.

Imgerut 105:24

Innuᴋotinelo unnuksivalliatipait angijomik, sôngonersautipaillo ômigijinginit.

Imgerut 107:38

Pitsartutipaillo unnuksivalliadlarᴋovlugit, nergjutingillo ikkitôtilungilait;

Exodus 1:12

Kisiane siorniortitauvallianingat maliklugo pivalliatuinarput unuksivalliavlutiglo. Taimaimat Israêlikut sivôragilerpait.

Exodus 12:37

Israêlikullo ingergalerput Ramesesemit Suggotemut, angutainait pisuktut 600,000, sorrutsit kitinagit.

Exodus 5:5

Faraolo oᴋarpok amma: Takovatik inuit unulualerêrtut nuname, iliptiglo ᴋikarᴋojomavatik aglât sulijaksanginit.

Hesekiel 16:7

Unuksivaliatilauᴋpagit ᴋuglungajotut natername, unuksilauᴋpotillo angijororlutillo, pinnarnarsilutillo; iviangîkik angijororpûk, nujatillo perorput; usingalauᴋpotille kangunarlutillo.

Apostelit Piniarningit 13:17

Inuit ukua Israêlitit Gûdingata atâtagijavut anerilaukpait, inuillo tâpkoa ivlernartilaukpait, takorngartaulaungmatta nuname Egipteneme; taikangallo anitilaukpait talermut pitsartujoksoarmut.

Deuteronomy 10:22

Atâtagilauᴋtatit atersâlauᴋput Egiptenemut tarnelit 70ovlutik, mânalo Nâlekab Gûdivît ᴋilaub uvloriangititut unuktigitipâtit.

Deuteronomy 26:5

Kiovlutillo oᴋartuksauvotit Nâlekab Gûdivît sângane: Atâtaga Siriamiongolauᴋpok nuktartok, atersârporlo Egiptenemut, tagvanelo tujormiangovok, ikitunik ilaᴋarlune; tagvanele inôᴋatigêksoangolerpok angijut, pitsartujut, unuktôvlutiglo.