Ester 9:25 - Labrador Inuttitut Heritage Bible

²⁵ ᴋanorlo Estere atannermut ailaungmat, oᴋalaungmallo, aglangnut tapsoma kajusimaningit idluitut, Jûdit pivlugit issumagilauktangit, sangutitaukovlugit tapsoma niaᴋoanut; ᴋanorlo tamna erningillo nivingartaulaungmatta nappârtomut.

Ester 9:25 Iomraidhean Croise

I Atannit 8:32

Tagva igvit tusalaurit ᴋillangme, pinniarlutillo, Erᴋartorlugillo kivgatit, uivêtok pasijaksaunerarlugo, agvertarningalo pitilugo niaᴋunganut; idluartorlo idluartonerarlugo, tunnitsivigilugolo idluarninga malliklugo.

Ester 3:6

Nachogivâlo aggane illilugit Mardachaimut kisiane, Mardachaib inûᴋattingit oᴋautigilaungmagit tâpsomunga; pinnasuarporle Mardachaib inugaseksoaᴋotingit Jûdit ilûnaita Ahasverosib atanniovingane ilûnanêtut nungutitsomavlugit.

Ester 7:10

Taimâk Haman ᴋimiktaulaukpok nappârtome sennalauktamine Mardachai pivlugo. Tagva atanniub ningarninga sorailaukpok.

Ester 7:4

Niorvgutigijaumagapta, uvanga inoᴋutikkalo, nungutaukovluta, naktertauᴋovlutalo, inuartauᴋovlutalo. Niorvgutigijaunajarupta arnaujogut angutaujogullo Kivgaksauᴋovluta, tagva nippeᴋarajangilanga; omisuktele sappidlarpok atanniub assiojijangit sattortautilugit.

Ester 7:5

Tagva atannek Ahasverose oᴋauseᴋarpok, oᴋarlunelo atannermut Esteremut: Kinauva taimna? Kinauvalonêt taimaitomik issumalerungnartok taimailioromavlune?

Imgerut 140:8

Nâlegak Gûdeᴋangitok kajungervigijanganik tunnitsivigitailiuk; koksalaininga sullitailitiuk piojorijutiginajarmatsuk, Sêla.

Imgerut 140:9

Illumajima niaᴋunginnut kangasinângita siorniornarninget kattagle.

Imgerut 141:10

Gûdeᴋangitut kattaglit nulluaᴋotimingnut, uvanga ᴋanoênanga ᴋângertillunga.

Imgerut 7:16

ᴋanoêninga niakoanut piniarpok, pinniarlungningalo kabsinganut ᴋattangniarpok.

Imgerut 7:17

Nâlegak ᴋujagivara idluarninga pivlugo, nertoromavaralo Nâlekab ᴋotsingnerpângôjub attinga.

Imgerut 94:23

Tâpsomalo namangitulliningit akkiniarutigijomârpait tâpkoninga, kassêninginnullo nungutsomârpait; Nâlekab Gûdipta nungutsomârpait.

Salomob Okâl 26:27

Ittersâlungmik ittersalliortok kattagomârpok tapsoma iluanut; ujaraksoarmiglo aksaᴋâtitsijok, omunga uttervioniarpok.

Salomob Okâl 5:22

Gûdeᴋangitok idluitullinerminut pijaujomârpok, ajortullinimelo ᴋellerutânut pittuktaujomârpok.

Jesaiase 22:25

Kilangmiugasaksuit Nâlegangat oᴋarpoᴋ: Taipsomane kikiak katjuktaumajoᴋ innemut aulataujungnangitomut pêromarpoᴋ, naviklunelo kattagomârpoᴋ, nivingartaujullo tâpsomunga pêrtaujomârput; Nâlegaᴋ taimak oᴋarmat.

Obadia 1:15

Nâlekab uvlunga ᴋaglimat inôᴋatigêksoarnut tamainut; sôrlo igvit piniaravit, taimâk piniarviolârpôtit; piniarnît utilârpoᴋ niaᴋungnut.

Mattêuse 21:44

Ujarᴋamullo ômunga kataktok, serᴋominiarpok; katagvigijanele ujarᴋab serᴋaliniarpâ.

I Samuel 25:39

Davidele tamattominga tussarame Nabale toᴋᴋolerêrmat oᴋarpok: Nalegak nertortaule mittautigijaunimnik akkiniaruteᴋalauktok Nabalemik, kivganelo sapputilaungmago idluitullinermit; Nalekab Nabalib idluitullininga tamana akkiniarutigilaungmago niaᴋoanut. Davidelo tilliklerpok Abigailelo oᴋautsauᴋova nullianigomagamiuk.