Ester 9:2 - Labrador Inuttitut Heritage Bible

² Tagva Jûdit katimalerput iglugaseksoarmingne, atanniub Ahasverosib nunangine ilûnaine, aggatik illijomavlugit tapkonunga idluitullivigijomajinginut. Kialo agviarungnarlaungilait; sivuranarningat tikkisimalaungmat inûᴋattigêksoarnut ilûnainut.

Ester 9:2 Iomraidhean Croise

Genesis 35:5

Tagva aulalerput. Kakkilârnerublo, Gûdemit pijub, iglugasait tamattoma erᴋânêtut tikkipait, udlaniktailitilugit Jakokunik.

Ester 8:11

Tapkonane atanniub Jûdit perᴋovait, nâne Iglugaseksoarneᴋunik katimalerungnaramik, inôtsitiglo sorsugutigilugit, nungutilugillo nakterlugillo tokᴋolugillo inugiartoksuit ilûnatik, nunablo kappiasuktijimik pitsartuningit, sorrutsit arnallo illaliudlugit perᴋutingillo ârktautigilugit.

Ester 8:17

Nunanelo ilûnaine, iglugaseksoarnelo tikkitaujune atanniub oᴋausinginut, perᴋojanganullo, ᴋuviasungneᴋalaukpok, erᴋiêrtorneᴋalarmelo Jûdit akkorngane, nerrimartitsivut uvloksiorlutiglo. Unuktullo nunat inunginit Jûdingorlaukput; Jûdit sivuranarningita tupvigilaungmagit.

Ester 9:10

Hamanib Medatab erningata, Jûdit omigijingata erningit tellimaujortut; perᴋutinginulle aggatik illilaungilait.

Imgerut 71:13

Kangusuglît nungutaulîllo tarnimnik akkerartortut; kangusuktitaunermut mittautaunermullo imusertaulît, ᴋanoênimnik ᴋennertut.

Imgerut 71:24

Oᴋamatauk uvlut tamaita idluarnît imgerusiorutigivâ. Illerasuktuksaungmatta kangusuktitaujuksaungmattalo ᴋanoênimnik ᴋennertut.

Exodus 23:27

Sivôranek uvamnik tilijomavara sivunerne, inuillo ilûnnaita tikilârtatit aseroromavakka, omigijitillo ilûnnaita tunutitsomavakka ilingnik.

Jesaiase 8:9

Idluitullititse, nunaᴋatigêktose, serᴋomitaujomârpose. Tussaleritse, illũnase ungasiktome nunaᴋartose: parngnaileritse, serᴋomitaujomârpose — illa parngnaileritse, serᴋomitaujomârpose.

Deuteronomy 2:30

Sihonible, Hesbonib ataningata, tagvûna ingergarᴋolungilâtigut, Nâlekab Gûdipta tâpsoma anerninga mangaitilaungmago, ômatingalo ᴋepêsertipâ, pititsijungnarᴋovlugo tâpsominga aggaptingnut, sorlo uvlome pisimagame.

Josua 11:20

Tamannalo taimak Nalekamit pilaukpok omattingit mangaititauᴋovlugit, sorsuklutik Israelib ᴋittorngangit pârlugit, nungutauᴋovlugit, saimanermiglo pilerᴋonagit, pêjartauᴋovlugillo, sorlo Nalekab Mosese perᴋolaungmago.

Josua 2:9

Oᴋautivlugiglo: ᴋaujimavunga Nalekab nunamik mattominga tunnitsivigingmasse; kavaksarnerub tupvigingmattigut sivunapsigut, nunablo innungita illunatik tikkitsomârnise maksoajuijutigivât.