Ester 9:18 - Labrador Inuttitut Heritage Bible

¹⁸ Jûdille Susaneme katimalaukput uvlûngne tamangne, 13 me 14 melo, merngoêrserlutiglo uvlut 15 ingane, uvlorlo tamna uvlungortipât nerrimârtitsinermut ᴋuviasungnermullo illingajomut.

Ester 9:18 Iomraidhean Croise

Ester 8:11

Tapkonane atanniub Jûdit perᴋovait, nâne Iglugaseksoarneᴋunik katimalerungnaramik, inôtsitiglo sorsugutigilugit, nungutilugillo nakterlugillo tokᴋolugillo inugiartoksuit ilûnatik, nunablo kappiasuktijimik pitsartuningit, sorrutsit arnallo illaliudlugit perᴋutingillo ârktautigilugit.

Ester 9:1

Takᴋit 12 ingane, tagva takᴋib Adarib uvlungita 13 ingane, atanniub oᴋausingita perᴋojangatalo nellautsititauviane, uvlorme taipsomane Jûdit omigijingit nerriulauramik sâlagilugit, ablatsângolerpok Jûdit omigijitik sâlagijaksaringmagit.

Ester 9:11

Uvlorme taipsomane tokᴋotaumajut iglugaseksoarne Susaneme unnurningit pivut atanniub sânganut.

Ester 9:13

Estere oᴋarpok: Atannermut nâmagijaukpat, tagva Jûdit ᴋaupattauk Susaneme pinniarlit perᴋojak uvlomênitak malliklugo, nivingaiᴋovlugit Hamanib erninginik tellimaujortunik napârtomut.

Ester 9:15

Jûdillo katimalerput Susaneme takᴋib Adarib uvlungita 14 ingane, nakterpaillo Susaneme angutit 300 dit; Perᴋutinginulle aggatik illilaungilait.

Ester 9:2

Tagva Jûdit katimalerput iglugaseksoarmingne, atanniub Ahasverosib nunangine ilûnaine, aggatik illijomavlugit tapkonunga idluitullivigijomajinginut. Kialo agviarungnarlaungilait; sivuranarningat tikkisimalaungmat inûᴋattigêksoarnut ilûnainut.

Ester 9:21

Tamattominga aulajuititsivigijomavlugit, Uvloksiorᴋattarlugik pikovlugit Jârine tamaine, takᴋib Adarib uvlungita 14 ingat 15 ingallo,