Ester 8:5 - Labrador Inuttitut Heritage Bible

⁵ Oᴋarlunelo: Atanniub nâmagikpago, saimavioneksigumalo sângne, idluarijaukpâllo atannermut, ânanaugijaugumalo tapsomunga, tagva aglaktoᴋarle, aglait Hamanib Medatab erningata Agagitereôjub kajusimaningit aglalauktangit Jûdit tokᴋolugit atanniub nunangine, pitsartuêrotitauᴋovlugit.

Ester 8:5 Iomraidhean Croise

Ester 2:17

Atanniublo Estere nagliginerpârilerpa arnanit tamainit, saimaneksilunelo, napkiningneksilualerpok tapsoma sângane uigasungnit ilûnainit. Tapsomalo niaᴋote atannersiut illiva niaᴋoanut, atanningortilâlo, aipangortipa ingminut Vasthi innangêrdlugo.

Ester 2:4

Uigasuillo nelliat atannermut ânanaugijaujok, tamna annerijaule Vasthi innangêrlugo aipauᴋovlugo atannermut. Atanniublo tamanna nâmagivâ, taimailiorlunelo.

Ester 3:1

Pijoᴋalauktut tamakkoa kingorngane, atanniub Ahasverosib Haman Medatab erninga, Agagitereôjok angijorortipa, kagvertilâlo, iksivautangalo issukliotipa angajoᴋâksoaminit tapsomanêtunit ilûnainit.

Ester 5:8

Saimaneksiguma atanniub sângane, atanniublo Nâmagikpago tuksiaramnik tunnitsivigilunga, tussuneralo pinniarlugo, tagva atannek Hamanelo tikkilerlîk nerrimaraksamut âkᴋiksoromajamnut pivlugik: tagva ᴋaupat pinniaromavunga atanniub oᴋausingit malliklugit.

Ester 7:3

Atannek Ester kiovok, oᴋarlunelo: Saimavioneksiguma sângne atannîk! Atanniublo nâmagikpago, tagva tunnitsivigilaunga inôsimnik tuksiarnera pitjutigallugo, inoᴋutimniglo tussunera pitjutigallugo.

Exodus 33:13

Mânna tagga, saimaneᴋsiguma ijîkpit sângangne unertutilaunga apᴋotingnik, ilitarᴋsilerᴋovlunga ilingnik, saimanekserᴋovlunga ijîkpit sângangne: inôᴋatigêksuillo ulernairtorkit inuᴋotigigangne.

Exodus 33:16

Sunakulle ᴋaujijauniarᴋâ uvanga inuᴋotitillo saimaneᴋsigapta ijîkpit sângangne? Tamattomûnaulungilâᴋ, igvit ilagigaptigut? Taimâk aptersimaniarpogut, uvanga inuᴋotitillo, inungnit tamainit nunab ᴋânganêtunit.

I Samuel 20:29

Oᴋarlunelo: Ailangatôk, illagêngnivut tunnergutiksamik tunnijijariaᴋarmatta iglugasaksoarne; angajungmalo nangminek perᴋolaukpânga; saimaneksiguma manna ijikpit sângangne, tagva aularomavunga ᴋattangutikka takkojartorlugit. Tamanna pivlugo tikkilungilak attaniub nerrimârvinganut.