Ester 8:17 - Labrador Inuttitut Heritage Bible

¹⁷ Nunanelo ilûnaine, iglugaseksoarnelo tikkitaujune atanniub oᴋausinginut, perᴋojanganullo, ᴋuviasungneᴋalaukpok, erᴋiêrtorneᴋalarmelo Jûdit akkorngane, nerrimartitsivut uvloksiorlutiglo. Unuktullo nunat inunginit Jûdingorlaukput; Jûdit sivuranarningita tupvigilaungmagit.

Ester 8:17 Iomraidhean Croise

Genesis 35:5

Tagva aulalerput. Kakkilârnerublo, Gûdemit pijub, iglugasait tamattoma erᴋânêtut tikkipait, udlaniktailitilugit Jakokunik.

Nehemia 8:10

Tamânna pivlugo oᴋautivait: Aileritse nerriluselo orksulingmik, immerluselo mamaktomik; pajungniluselo aitusiamik âᴋiksoilaungitunut ingmingnut; uvlok tamânna ivsornaitôngmat Nâlegaptingnut; tamânna pivlugo issumajarniarase, ᴋuviasungnek Nâlekamik pitsartutigigapsiuk.

Ester 9:17

Tamanna pilaukpok takᴋib Adarib uvlungita 13 ingane, merngoêrserlutiglo takᴋib tapsoma 14 ingane, tamna uvlungortipât nerrimârtitsinermut ᴋuviasungnermullo illingajomut.

Ester 9:19

Tamanna pivlugo Jûdit iglugasengne iglugaseksoarnelo avaluksoakangitune nunaᴋartut, takᴋib Adarib uvlungita 14 ingat uvlungortipât nerrimartitsinermut ᴋuviasungnermullo uvloksiorvingmullo, pajuktigêngnermullo aitûsianik illingajomut.

Ester 9:2

Tagva Jûdit katimalerput iglugaseksoarmingne, atanniub Ahasverosib nunangine ilûnaine, aggatik illijomavlugit tapkonunga idluitullivigijomajinginut. Kialo agviarungnarlaungilait; sivuranarningat tikkisimalaungmat inûᴋattigêksoarnut ilûnainut.

Ester 9:22

Uvluktitut Jûdit ullapirsautiksarsivingititut omigijimingnit, takᴋertullo kappiasungningita ablatsângortitauvingatut ᴋuviasungnermut, kiksarningitalo ablatsangortitauvingatut uvlunut ajungitunut; uvlûk tapkoa uvloksioraksaringmattikik uvlûktitut nerrimârtitsinermut ᴋuviasungnermullo pajuktigêngnermullo aitûsianik pajungningnermullo aklujunut illingajûktut.

Ester 9:27

Jûdit sokᴋosijuititsivut, illaliorlutiglo, pivlutik, kinguvaksatiglo pivlugit, ilûnaitalo pivlugit tapkonunga illingajomanajartut, attortautailiᴋonago uvlûk tapkoa uvloksioromavlugik, oktutiksak malliklugo, uvlungne nellonairsimajungne Jârine tamaine;

Ester 9:3

Angajoᴋaunerôjullo nunane, angajoᴋaksuillo, aulatsijullo nunanik, atanniublo pimaklertoᴋotingita Jûdit kagvertipait, Mardachaib sivuranarningata tikkigamigit.

Imgerut 105:38

Egiptenemiut ᴋuviasulaukput aularmatta; erksinarningata tupvigilaungmagit.

Imgerut 18:43

Ikajorparma inugasaksuit annârtorninginit, angajoᴋângortiparma nallojut akkorngane, innuᴋattigêksuit illitarilaungitama kivgartorpânga.

Exodus 15:16

Erᴋsinerub ᴋoaksârnerublo tupvigilârpait; tallerpikpit pitsartuningagut aulangilârput ujaraᴋtut; inuᴋotitit ᴋângiuterᴋârtinagit, Nâlegak, inuit pisiarijatit ᴋângiuterᴋârtinagit.

Deuteronomy 11:25

Sâpsingne nangerungnartokarniatsangilak; Nâlekab Gûdipse nuna ilûnât itikapse tulerajarvigijangat tikitautilârpâ sivôranermut ᴋaggarnermullo pitjutigiluse, sorlo oᴋautingmase.

Deuteronomy 2:25

Uvlorme tamattomane kapianarnît sivôranarnîllo pititsomalerpara inôᴋatigêksoarnut ᴋilaub ilûnangata atânêtunut, unipkautaunernik tusarniartunut, sajuklutiglo kapiaktoadlalârtunut pivlutit.

Josua 2:11

Taimangallo tamattominga tussarlaurapta, omattivut mungungavut, maksoarneᴋarungnailunelo nalliane tikkiniarnise pitjutigellugo; Nalegak Gudise Gudeôngmat, tamangne pâne ᴋillangme, attânelo nuname.

Josua 2:9

Oᴋautivlugiglo: ᴋaujimavunga Nalekab nunamik mattominga tunnitsivigingmasse; kavaksarnerub tupvigingmattigut sivunapsigut, nunablo innungita illunatik tikkitsomârnise maksoajuijutigivât.

I Samuel 25:8

Innuosuᴋotitit apperikit tamanna pivlugo, tapkoa oᴋautiniarpâtit; innuosuktullo ukkoa saimaneksilit ijikpit sângangne, tikkisimagapta uvlorme idluartome. Kivgatit ernîllo Davide tunnitsivigikit aggakpit nachvarungnartanginik.